الساعه خمسه ونص الفجر 1/5/2007 الجو كان هادي وزوجي نايم وحسيت شي ينزل مني وبعدين لما شيكت على روحي الا هو دم
حسيت بخوف مادري وش السالفه هل هذا يعني ولادة ؟!
بس مافي الم
وبعد تفكيير مطول وحيرة صحيت زوجي عشان اروح اقرب مستشفى اشوف اذا كان الدم معناه ولاده والا لا؟
وصلت الى اقرب مستشفى من البيت ودخلت على الدكتورة وعملت كشف وقالت لي انه الرحم ماهو مفتوح
>> رجعت البيت وانا هاديه ومرتاحه لاني كنت خايفه من الولادة
الساعه 8 الصباح بنفس اليوم كان عندي موعد مع الدكتورة اللي اتابع عندها
>>عند الدكتورة وانا اقول لها انه نزل مني دم قبل ساعات عملت لي كشف وقالت ليي انه لازم ادخل المستشفى حاله ولادة لانه الرحم مفتوح وانا اساسا كان موعد ولادتي قبل أسبوع
أحساس غريب وانا في المستشفى وخووووف حتى صوت أسناني بديت اسمعه
دخلت الغرفه الساعه 10 وماكان عندي الم ولاشي بس كنت خايفه موووت ماني عارفه وش الي بحس فيه وكيف بتكون ولادتي ووش الي ينتظرني
جلست في الغرفه من الساعه 10 الصباح الين الساعه 1 الظهر بدون الم
وزوجي تركني في المستشفى ورجع لان الدكتورة قالت له انه الولاده ماراح تكون بعد ساعات ممكن اتاخر لانه اول مره فقلت له يرجع البيت يجيب اغراضي وينام شوي ويرجع حتى يكون معي بالليل وقت ولادتي
الساعه 1 جاني الم وصرت ارجع الساعه 2 دخلت غرفه الولاده ومن الالم وكثر الترجيع نمت نص ساعه والحمدلله ماتوقعت ان الولادة بهذا الشكل الحمدلله كانت ميسرة الحمدلله والساعه 3 العصر الحمدلله ولدت واعطاني ربي هذا القمر وسميته أحمد
الروابط المفضلة