السلام عليكم ورحمة الله وبركاته كيفكم يا بنات طبعا يمكن بعضكم يعرف قصتي انا عندي تكيس ولي شهرين ما جتني الدوره طبعا فرحت على بالي حامل بس بعد الاشعه والتحليل طلع ما فيه حمل طبعا قالتلي الدكتوره لازم نسوي لك عمليه عشان التكيس قلت طيب وقبل امس رحت المستشفى عشان التنويم ويادوب قعدت الا الممرضه تقول يالله حقنه شرجيه وطبعا اختكم في الله ما تدري وش السالفه ويالله حطت الحقنه الا عيوني صارت كذه تخيلوا يا بنات اربع مرات عطتني الحقنه وما نفعت آخر شي حزنت عليه الممرضه صرت ارتجف من الالم واحس الله يكرمكم زي الام الدوره في ظهري المهم وبعد عناء الحمد لله انفكت الزنقه وعلى طول رجعت السرير ونمت بعد المعركه الشرسه الظاهر انها اعطتني زي المخدر المهم شوي الا هي جايه تقول يالله عمليه طبعا انا لاني متخدره ما حسيت بشي بس اذكر انهم دخلوني غرفة العمليات وحطوا زي اللي في فمي وصرت في سابع حلم وشوي الا وانا في غرفتي وبعدين جا الدكتور اللي سوا العمليه مع دكتورتي (وبالمناسبه طلع زوجها) قال احمدي ربك انك سويتي العمليه قلت ليش؟ قال التكيس اللي فيك مررره خف ولايكاد يذكر بس المشكله طلعت في الانابيب مقفله عندك وخاصة اللي على جهة الزايده الدوديه ( سويت عملية زايده قبل 7سنوات) وايضا عنق الرحم عندك مرررررررررررره ضيق يعني زي اللي مركبه لولب ووسعناه لك وسلكنا لك الانابيب وكل شي الحين عندك تمام وما تحتاجين لا لمنشطات ولا لحبوب تنظيم الدوره وبعدين جت الكتوره حقتي وقالت لي نفس الكلام قالت احمدي ربك بالصدفه عرفنا ان عندك انسداد لانه ما لقينا الا تكيس بسييييييييييط ماله تأثير عليك وقالت لي اروح لها بعد اسبوع افك الغرز والعمليه كانت كالتالي غرزه تحت السره محل ما دخلت المنظار وغرزه محل الزايده لتسليك الانبوب الايمن وغرزه في الجنب الايسر لتسليك الانبوب الثاني وسلامتكم ويالله تعبت العمليه قامت تعورني مع السلامه اللي حابه تستفسر عن شي حياها الله
الروابط المفضلة