السلام عليكم اخواتي
بس حبيت اقولكم الي فيني وردو علي وساعدوني الله لا يهينكم

انا دورتي الشهريه مو منتظمه عدل يعني كل شهر تتأخر 3 ايام
مثلا في شهر 5 جاتني تاريخ 16
وفي شهر 6 جاتني تاريخ 19
والحين هالشهرالمفروض تجيني تاريخ 22 بس لي الحين ماجاتني يعني متأخره 5 ايام عن تاريخ الشهر الي فات

بليز قولولي هل يمكن اكون حامل ؟؟؟ او عادي ؟
وبعد كم يوم اسوي تحليل عشان اعرف ؟ يعني تاريخ كم ؟ بليز خبروني لاني ماعرف شي
واذا قدر الله وطلعت حامل , هل ممكن اسافر لان الاسبوع الجاي موعد السفر والمسافع 7 ساعات , هل عادي او لا ؟
بليز خبروني
ومشكورين

هلا أختي...

الله يرزقك الذرية الصالحه..

قلبو بالاول دورتك ماهي غير منتظمه بالعكس منتظمه.. في حدود 5 ايام زادت أو نقصت مانقول عنها غير منتظمة

وإذا سويتي تحليل الدم بتتطلع لك النتيجه بكل وضوح بس التحليل اللي بالبيت تشتري جهاز الحمل المنزلي
وتجربي بس مايعطيك نتيجه إلا بعد 15 يوم من الحمل... يعني الافضل وقت دورتك المعتادة.. تجربي مثل الحين..

وبرضوا .. بسألك تحسين بأعراض الدورة.. أول نزول دم بسيط مره مره مره لونه وردي ؟؟

والله يحقق امانيك..

وعن السفر مقدر افيدك.. بس انا مريت بنفس موقفك وسافرت كل شهر من شهور حملي... من الرياض لجده..

يعني نفس الساعات اللي مشيتها !!

عزوف مشكوره على افادتي
من كم يوم كان شفت شوي لون فاتح , بس ماعرف شنو هو ؟؟

السلام عليكم ورحمة الله وبركاته
اختي يمكن اتجربي التحليل المنزلي و هو يدلك حتى من اليوم الاول لتأخر لكن
انصحك تستني شويا و اشاء اله خير خبرينا

اختي نصيحة استني اشوي واذا اتاخرت ابوع كمان اعملي تحليل للتاكد من الحمل

وربنا يرزقك بالذرية الصالحة

مشكورين عزيزاتي

انا عارفه ان السفر عادي للحامل في الشهور الاولى
ولكن خطر في الشهور التلاته الاخيره

وعليكم السلام ورحمة الله وبركاته ..

أختي دورتك منتظمة ..

كيف نعرف الدورة المنتظمة ..نحسب الوقت كم يوم بين أول يوم في الدورة لحد أول يوم في ثاني دورة .. وثالث دورة وهكذا ..

إذا كان عدد الايام متقارب ..يعني دورتك منتظمة ..مثلاً كان الفرق بين أول دورتين 34 يوم والثالثة 35 والرابعة 34 والخامسة 36 ..


السفر والله ما أدري أنصحك والا لا .. بعض النساء يكون عادي وبعض النساء تحتاج راحة .. لو تقدري تأجلي سفرك حتى تعرفي نوعية حملك هل ثابت والا نص ونص.. يكون أفضل ..

مشكورين اخواتي العزيزات وماقصرتو