السلام عليكم ورحمه الله وبركاته
كيفكم بنات ان شاء الله بخير
انا دخلت ابي اقولكم قصه ولادتي المأساويه طبعا مافي احد يعرف اني حامل بالمنتدى
اول شي لاتلموني اني ماخبرتكم بخبر حملي لان الظروف ماساعدتني اني اقولكم
وبعدين انتم تدرون اني فقدت بنتي الاولى وعمرها شهرين وكنت متعلقه فيها بشكل الله يعوضني
فلما حملت ماكنت ادخل النت خوفا على نفسي من اللابتوب واضراره ولاكنت مهتمه اني اقول لاحدبس قرايبي طبعاكلهم عرفوا
ولا تلموني يابنات اني اخاف من العين لان كل الي جاني من عيون الناس حسبي الله ونعم الوكيل
المهم انا حملت وكملت الشهر السادس وكانت الحركه ممتازه والحمد لله لكن قبل دخولي السابع
باسبوع خفت الحركه ورحت لاسعاف وسولي تخطيط قالو كل شي ممتازورجعت البيت
وكانت بالتخطيط دقات قلبها ممتازه بس وتتحرك شوي المهم انا مارتحت لاني ابي اسوي اشاعه
ورحت المستشفى الساعه 7 الصبح قالو مافيه اشاعه الا الساعه 8انتظرت وبعد كذا سولي اشاعه
وكانت الصاعقه الكبره على قلبي صارو الدكاتره يركضون وكل شوي يدخل دكتور وانا ماادري وش السالفه
سالتهم عن حركه بنتي ماردوا علي بعدين قالت لي الممرضه قومي من السرير وقمت وانا ماادري
رحت لغرفه الدكاتره ولقيت الاشعه معهم وكلهم ينظرونها بعدين وقعوا عليها وعطانيها سالتوا البيبي فيه شي
قام حسبي الله ونعم الوكيل قالها بوجهي الجنين ميت انا من الصدمه مااستحملت صرخت بوجه الدكتور وقلت له
بنتي ماماتت انت الميت مو هي وطلعت من المستشفى ماادري انا وين من شده الصدمه وقمت دقيت على ابوي
وقلت له تعال وانا اكلمه ماتمالكت نفسي وقلت له بنتي ماتت بنتي راحت لمكان الي فيه اختها ابوي المسكين خاف علي وجلس يهدني وجلست نص ساعه وجاء ابوي ومعه امي واخذوني لمستشفى ثاني علشان نتاكد من الموضوع
وتاكدنا ورجعت البيت وانا الله العليم بحالي واتصل علي زوجي العصر وماقدرت استحمل وقلت له الخبر
المهم اني في العشاء رحت لمستشفى التأمينات وقامو سولي اشاعه وسالنهم وش بيسون واثرهم بيركبون علي الطلق الصناعي بنص ساعه يعني بيفجرون الرحم وبيصير نزيف لانهم قالوا لنا لازم كيسين دم
قمنا طلعنا من عندهم ورحنا لمسشفى اليمامه ودخلت الاسعاف وسولي الاجراءت ودخلت الترقيد على طول
المهم جلست اسبوع لاني رافضه انه يدخل دكتور وطلبت دكتوره وبعد ماجبولي دكتوره ركبو علي الطلق الصناعي
وجلست يومين وانا الله اعلم بحالي من حر هالطلق من بكرى الصبح نزل معي دم وجلست نص ساعه وولدت
ويااااويلي من هالولاده تخيلو مافجرت لي المويات علشان تسهل خروج البيبي تركوها حسيت ان كل عرق بجسمي بينفجروجلست اصارخ من شده الالم بعدين انفجرت المويه ونزلت بنتي ولاكن المشيمه علقت حاولوا
يطلعونها ماقدروا ولاانا قدرت اساعدهم لاني طول الطلق وانا استفرغ فكان حيلي مهدود بالمره
المهم حطوا لي ملينات علشان ترخي عنق الرحم وتنزل المشيمه مانزلت وبعد3ساعات قرروا يسولي عمليه تنظيف
وشالوني على طووووووووول غرفه العمليات وسولي العمليه ولماصحيت من البنج دهورت حالتي شوي بعدين استقرت ورحت الترقيد وجلست يوم وخرجت
والحين انا الحمد لله طيبه وطلعت من النفاس كملت خمسين يوم والده
والله اني كتبت قصتي ودموعي تنزل بس اسال الله العضيم ان يعوضني بدلا منهن وان لايحرمني شفاعتهن
ودعواتكم لي فانا والله بحاجه دعائكن لي
ادعوا لي بان يصبرني على فراقهن وان يثبتي في الدنيا والاخره
الروابط المفضلة