انتى فين يا بوسى انا مش بسمع عنك حاجة خالص وبطلتى تسالى عليا انتى والبنات رغم انى محتجاكم انا متضايقة اوى وعندى البيريوت ونفسيتى بايظة خالص وزهقت من التحاليل الشهر اللى فات عامله 3 مرات تحاليل حمل والتلاته سلبى والغريبة ان معظم عيلتنا ربنا كرمهم وحوامل وكل شوية حد يبشرنى .ربنا يرزقهم كلهم بس غصب عنى واللهى وعندى بنتين لسة فى قرايبنا وساكنين كلهم فى نفس عمارتنا وتقريبا بشوفهم كل يوم انا باخدهم العب معاهم وافتكر مصيبتى واعيط وبيصعب عليا نفسى ادعولى يا بنات واللهى انا قربت اتجنن ونفسى انسى عشان الحالة النفسية ليها تاثير ومش عارفة انسى

أختى حبيبتى هدى
أنتى اللى فين شيفاكى كنتى مختفية سلامتك يا غاليتى من النفسية الوحشة حبيبتى أفتكرى دايماً رحمة ربنا وان فيه كتييييييير زيك وأنا هنا واحده منهم وادينا بنصبر بعض لحد ربنا ما يأذن ويبعتلك هديتة أختى هدى كل تاخيرة وفيها خيرة ايه ضمنك انك لو كنتى مثلاً خلفتى قبل كده مكنش ابنك أو بنتك تعب او حصل له حاجه لا قدر الله ربك بيختبرنا وكمان بيدينا الوحش لأن ده حال الدنيا عشان اللى بعد كده يكون خير وكويس لازم الواحد يستحمل ويحمد ربنا وكلنا هنا لبعض يا أختى الحبيبة والله يا هدى انا كنت عند الدكتور وشفت حالتين حسيت جنبهم انى كويسة وزى الفل واحده عجوزة على اعتاب سن اليأس ومعاها جوزها وجايين مفقدوش الأمل ونفسها فى بيبى وبقالها كتيييييييييييييير متجوزة وتخيلى بتقولى انها جربت حتى طفل الأنابيب وفشل وجت للدكتور ده وقالتله لو مفيش أمل قولى ولو فيه أمل لو ضعيف جداااااً انا حكمل المشوار وجوزها عجوز وقاعدين يونسوا بعض بيسعوا وبيذكروا ربهم وبياخدوا بالأسباب والله طول الليل يومها قعدت أدعيلها لدرجة أنى قلت ياربى لو تأخرنى سنة أو أتنين وتدى الست دى أنا موافقة عن طيب خاطر،،، ولقيت واحده تانية بقالها 8 سنين وحملت وسقطتت 3 مرات وكل المرات البيبى كان مكتمل وشافته وبرضو بتدعى ربنا وبتقول وتتمنى انهم يستنوها على باب الجنة الأطفال نعمة ولكن " ان لنفسك عليكِ حق " حبيبتى متنسيش كمان نفسية جوزك وربنا يرزقنا جميعاً عاجلاً غير آجل ياااااااااااااااااااارب ويعطيكى وتبشرينى قريب ويعطينى ويعطى كل محرؤومة وروقى وهدى نفسك وأنا موجودة أى وقت تحت أمرك يا أختى الحبيبة.

اختي هدى بصراحه ماحد نساك وبصراحه اي وحده تدخل تسال عنك وان شاء الله نسمع اخبارك

شكرا يا تى ام ويا دندوشة ربنا يكرمكم يارب معلش انا بعقدكم معايا حقكم عليا

هدي متزعليش كلنا لها بس حرام عليكي احنابجداحسن من غيرنا حرام تتعبي نفسيتك وتعكنني علي نفسك.وان شاء الله ربنا يرزقك انتي والماسه وفراشه وبوسي وبيري وtmوانا وكل محروم وانتي يادندوشه لو لسه مبقتيش ماما.

حبيبتي هدى والله ما نسيناكي يا الغالية ، لا تعملي في نفسك كذا وتقربي إلى الله واعرفي إن العبد مبتلى وإذا الله حب عبد ابتلاه ، هذا امتحان من الله عز وجل اصبري يا عزيزتي اصبري

طولي بالك اختي هدى .. وان شاء الله ربي يعوضك خير ..

ربنا يعوض الجميع ويرزق الجميع الذرية الصالحة يارب..

هااااااااى يا هدهد
انا موجودة يا حبيبتى بس انا موش بقعد كتير عشان اليومين دول عندنا زحمة شغل جامدة اوى عشان بنقفل الميزانيات و بصراحة انا مطحونة و موش عارفة اخد يوم راحة
انا حسة بيكى اوى ياهدى انا كمان كل شوية واحدة من قرايبى اعرف ان هية حامل و كتير اوى من البنات اللى اتجوزو بعدى بقوا حوامل و فيهم كمان اللى ولدت شوفتى بقى الهنا اللى انا فية
انتى عارفة انا الوحيدة اللى فى العيلة اللى اتأخرت فى الحمل بس يالا كل شىء بميعادة بس انا عمرىماأتأخر عنك يا حبيبتى انتى و tm والماسة ووارفة واللهم لك الحمد وبيرى و ام عصام و moonaa وكل بنات المنتدى لانكم بصراحة الى بتكلم معاكم بحرية و بقول كل الحاجات اللى موش عارفة اقولها لحد و الله انتم نعمة ربنا بعتكم لية و يارب ان شاء الله كلنا نبقى حوامل و نفرح بقى
متزعليش نفسك يا هدى و اشغلى نفسك بأى حاجة و اكثرى من الدعاء و الاستغفار و ان شاء الله الفرج قريب

يارب يرزقكم يا اخواتي
tm والماسة وهدى وبوسي فراشة مصر واللهم لك الحمد وملك المالكي وبيرى وجميع بنات المنتدى وأنا معاكو بالذرية الصالحة المعافاة ونكون كلنا جملة واحدة يارب آميييييييييييـــــن
ويارب ما أكون نسيت حد