البوفتيك والاستيك من مطبخ
mona(ام اياد) مشاركتي
لبرنسس ولالي لافندر (بطرقي المختلفةوعديدة)

السلام عليكم ورحمة الله وبركاته

ازيك حبيباتي واخواتي في الله
انا اليوم حبيت اقدملكم واشارك مع اختي الغالية برنسيس في ملف البقرة المشاغبة
وكمان مع الاخت الغالية لالي لا فندر في ملف الاستيك بطرق مختلفة
وده بعدة طرق هقدمهالكم ويارب تنال اعجابكم يارب
وصفات مختلفة لتحضيرالستيك ....شاركونا يا مبدعات

لكل النعومات دعوه عامهمن بقره مشاغبه >>>اتفضلوا <<<

عايزة اقولكم ان انا اللي مقطعة البوفتيك او الاستيك بايدي مش جايباهم جاهزين
الصراحة انا جبت كمية لحمة من الجزار قعتين كلماين مخلتهوش يقطعهم
واحدة من وش الفخد و واخلري من الكتف
انا كنت بفكر كتير بما ان لو انا اتحطيت في موقف رخم وهو اني دبحت بالاضحية
وطبعا الجزار بيبح ومالهوش دعوة حط بالاطباق البلاستيك وانت مع نفسك
وماشاء الله برنسس وفت وكفت فعلا وقالت كل حاجة وطمنتا وماكان عليا اني اطبق عملي
(اصل انا كنت بكليه عملي والشفوي ده ماينفعش لوحده معايا هههههههههههههه)
المهم زي ماقولتلكم في موضوع كباب الحلة اللي نزلته ع الرابط ده
انا قعد اسأل ممكن ينفع ايه لايه وسالت البوفتيك احي حته ليها
هي وش الفخد
والكتف مايمنعش برضو الكتف طري وديه كانت اول زيارة
عملي
ليا في معمل ومختبر الجزار ههههههههههههههه ولسة في
زيارات وهتعلم ان شاء الله
بس ده كان اول درس بالمعمل انا طولت عليكم معلش بس والله
انا اتكلمت عشان في كتير
زي حلاتي وبيوقعوا بالمواقف ديه واهو بنتعلم من المبدعات
بارك الله فيهم يارب
المهم انا قطعت القطع ديه بنفسي وماعلش بقي
لو عانيتوا من القطع الاستيك بتاعتي
تعالو معايا شوفو انا عملت الاستيك او البوفتيك بعدة طرق مختلفة ازاي

ارجو غدم الرد لم يكتمل الموضوع بعد

هنبدأ بسم الله الرحمن الرحيم


انا جمعتلكم كل مجموعة مع بعضها (كل طرق متشابهة مع بعض)





المحموعة الاولي اللي بتاخد وقت بالتحضير





المجموعة الاولي اللي بتتدعك بالخلطة وتتساب مدة فيها بالثلاجة




وهي البوفتيك او الاستيك مشوي\مشوي ومحمر بالزبدة \باليقسماط\بالكورن فليكس


وبما انهم مشتركين بالمقادير الاساسية فاكتبها الاول





المقادير الخلطة





شرائح لحم بوفتيك او استيك(مدقوق جيد جدا )
انا بجيب القطعم وبحطهم داخل كيس نايلون واحاول ارفعهم بالدق عليهم بخفة(خفيف)
بصل حسب الكمية ومفروم ناعم( انا كنت مستعجلة كنت بحاول اعمل الطرق كلها عشان اورهالكم
فرمتهم عادي بس الافضل يكون ناعم)
توابل (ملح وفلفل اسمر وبهارات لحم ودارسين وهيل وبهارات مشكلة وذرة سماق)
اقوم الاول بخلط التوابل مع البصل وادعكهم جيا جداااااااااااااااااااا
















ثم اضيف اللحم الاستيك واخلطها كويس اوي وادخلها الثلاجة مدة عشان تتشرب التوابل كويس وتاخد النكهة













وبس تيجي بقي للمراحل الاتية


ارجو عدم الرد

اولا الاستيك او البوفتيك المشوي



زي مااتفقنا هنا بحضر خلطة وبسيبها فيها مدة
بعدها بكون محضرة الشواية بحطها فيها بحط مابنظفها كويس من التوابل
واعصرها من المياه بتاعتها واشويها كويس
انا عشان اللحمة تاخد وقتها وتستوي كويس
بخلي الشواية علي min
عشان تاخد سواها كويس






وبكده تكون جاهزة للاكل وبقدمها مع طبق رز ابيض وخضار










ثانيا البوفتيك او الاستيك
المشوي وبعدها مشوح بالزبدة



اكيد بتقولولي ليه يعني هقولكم انا بعمل الطريقة السابقة عشان زوجي
(دول الناس بتوع الرجيم اصل انا لو عملت رجيم هاختفي)
اما انا بحب ريحة وطعم الزبدة فيها وبتديها طعم رائع ماشاء الله
بنفس الطريقة السابقة وبعدها باخدها واشوحها في طاسة بيها معلقتين زبدة


تاخد الطعم والريحة بس انا باكلها مع الارز المفلفل ابو شعرية ووسلطة خضروات






ارجو عدم الرد

ثالثا ورابعا البوفتيك او الاستيك
بالبقسماط واخر بالكورن فليكس



بعد مابحطها بالخلطة انا هنا بخليها بالثلاجة مدة طويلة شوية 5 ل 6 ساعات او ابيتها لتاني يوم
وبعد مابخرجها وانظفها كويس من الخلطة واعصرها كويس
ااضع البوفتيك او الاستيك بالبيض المخفوق بالملح والفلفل والبهارات اللي تفضليها واسيبها ربع ساعة بالبيض

وبعدهابكون محضرة البقسماط او الكورن فليكس

واحطهم فيها واقلب كويس عشان البقسماط او الكورن فليكس يمسكو فيها كويس














واحطهم بطبق وادخلهم الفريزر ربع ساعة كده تتماسك كويس
وبعدها بحمرها في زيت غزير ساخن لحد ماتستوي وتحمر كويس





وبعدها بخرجها علي ورق مناشف مطبخ
وبقدمهم مع البطاطس المحمرة








للامانة بالنسبة للكورن فليكس انا كنت منزلة موضوع كنتاكي
واخوات سألوني ع الكورن فليكس

والاخت بنوتة كتكوتة
كانت بتراسلني ع الخاص وانها كانت طالبة مساعدتي لعمايل البوفتيك
بالكورن فليكس وانا اليوم بقدمها ليها هي الفكرة فكرتها وانا بنفذها
وديه صورة الكورن اللي بستعمله



ملحوظة هامة في حالة الكورن فليكس لا تحمر كثيرا حتي لاتحارق ولا تنشف منك
وحاولي تكون سميكة قليل بس الصراحة انا بالرغم ان الطعم لذيذ حبيت اعمله بطريقة
هنزلهالكم بمجموعة اخري
اما فكرة البقسماط طبعا ديه بتعاتي وانا مش اول واحدة تعملها


ارجو عدم الرد

المجموعة الثانية مجموعة السريع سريع
وكل وقتي ههههههههههههههههههه


وانا بعملها وقت الطوارئ هي هنا قليلة غير مصر وقت الطوارئ ديه
بس بعملها لما احب اعمل حاجة بسرعة اوووووووووووووووووووووي واخلص
وهقسمهالكم لقسمين وكل قسم بعدة طرق


القسم الاول مجموعة البوفتيك او الاستيك بطريقةالمشوحة بالخضار ومخلوطة باللبن بطرق مختلفة
والقسم الثاني مجموعة البوفتيك او الاستيك بطريقة كباب حلة(مشوحة بالبصل) وبعد بطرق مختلفة



نبدأ
بالقسم الاول مجموعة المتشوحة بالخضار
ومخلوطة باللبن(او الحليب)



بكون محضرة خضار ملون يكون عندك يعني فلفل الوان (اخضؤ احمر واصفر)
متقطعين بالطول رفيع وجزر بقشارة البطاطس بقشرها طولي
وبصل مقطع شرائح طولية(جوانح) وطماطم ( نفس مقطعة طولي)وتوابل حسب الرغبة
وحليب انا بفضله(في ناس بتاخد اللبن او الكريمة لعمايله بس انا مجربتهمش الصراحة)





بقوم وضع معلقة زبدة في طنجرة ع النار اشوح البصل ثم الفلفل وبعدها الطماطم والتوابل اللي تفضليها

ثم اضيف اللحم واوطي النار واغطي الحلة واسيبهم يعني 7 دقايق كده لحد ماتنضج





وبعدها بقدمها زي ماهي كده بتبقي متكاملة ولذيذة(وديه الطريقة الخامسة)


او ممكن قبل مااطفي عليها بشوية اضيف اللبن واسيبها تتقل شوية
اللبن (الحليب) بياخد لون الخضروات وممكن تستغني عن الطماطم في الحالة ديه







انا بعملها لان زوجي بيفضل اللحم باللبن
وماشاء الله طعمها لذيذ والصوص ده ماشاء الله رائع(وديه طريقة سادسة)








افكار نفذتها



وممكن تستغني عن الخضار بطبق لوحده وتشيلي اللاستيك وتحطيه بطنجرة
اخري بيها لبن ع النار وتسبيهم شوية لحد مااللبن يتقل شوية وتقدميه



بعدها بالف هنا

ممكن تستغني برضو عن الخضار وتشوحيها بالبصل وتوطي عليها
لحد ماتستوي وبعدها تضيفي اللبن وتسبيها تستوي وتتقل اللبن يفضل انه
يتحط قبل القفل ع النار بمدة قليلة



(والفكرتين بطريقتين مختلفين واعتبريهم السابعة والتامنة)

ارجو عدم الرد

نيجي بقي للقسم الاخير


القسم الثاني مجموعة البوفتيك او الاستيك
بطريقة الكباب حلة وبعدهامعمولة بعدة طرق




انا بقطع بصل حسب الكمية اللي هستخدمها من البوفتيك او الاستيك
واقطع فلفل رومي حسب الرغبة(انا مااستخدمتهوش للتغيير)
وتوابل كالمعتاد تبعي
ملح فلفل اسمر هيل سماق بهارات لحم وبهارات مشكل وقرنفل
واقوم بدعك البصل جيدا مع التوابل لحد ماتنزل مايه واضيف الفلفل لو بستخدمه







وبعدها الاستيك واخلطهم كويس وبعدها بحطهم ع النار يعني 7 ل 10 دقايق وممكن اقل مش بياخدو حاجة





انا بعمل اكتر الاوقات الطريقة ديه لاني والكل عارف بحب اللحم يبقي طري جداااااااااا
بعدها بقوم بتقديمه وليا كذا طريقة بعملها بيه



اولا ممكن اقدمه زي ماهو مع الارز المفلفل(الطريقة التاسعة)






ثانيا بتشويحوه بالزبدة او بالشواية


وزي ماقولت سابقا بنظفه كويس من البصل والتوابل


يااما بحطها في طاسه بيها زبدة عشان تاخد الريحة والطعم كمان(العاشرة)









يااما بحطها في الشواية عشان تاخد شكل الشوي الجميلة (11)








ثالثا مغلفة بالبقسماط والكورن فليكس




زي ماقولتلكم بنفس المجموعة الاولي
وهي هنا برضو لذيذة وجميلة اوي ماشاء الله
بالذات لو اللحم سميك عشان الكورن فليكس
وبقدمهم بنفس الطرق الخاصة بالبقسماط والكورن فليكس اللي شرحتها سابقا
وديه (12 و13)


























انا عارفة ان الافكار بسيطة وسهلة ولذيذة وكلها عملتها
سريعا عشان خاطر عيونكم بس معلش كميات قليلة عشان الحق
اقدمهالكم بكل الطرق المختلفة
ولا انكر عشان الامانة ان بعض الافكار من بعض الاخوات
اضيفتها فقط والله لطرقي المعتادة ربنا يجازيهم ويجازيني ويجازي الكل يارب كل خير
ويارب اكون وصلتلكم كل الطرق الخاصة بي
ويارب الموضوع ينال اعجابكم يارب
ولا تنسوني انا واهل بيتي واهلي والناس اجمعين بالدعاء
بارك الله فيكم يارب

بسم الله ماشاء الله رااائع
ابدعتي يا ام اياد بموضوعك الحلو والرائع
شرح وافي وطرق حلوة واطباق شهية
بارك الله فيك على المشاركة الرائعة والشغل المرتب

تسلم الأيادي عزيزتي على الوصفات الطيبه

يعطيكِ الف عافيه

واحائات رهيبه منكي لكي ودي..ويعطيكي العافيه

الله يعطيك العافية