الدجاج مع الخضار بالفرن
حبيباتي الغاليات
اجيت اليوم ومعي طبق الدجاج مع الخضار بالفرن
وهي أكلة موجودة بكل بلد بس كل واحد بيطبخها على كيفه
لكن هنا في السويد بيحبه يطبخوا الدجاج مع الخضار
لهيك اليوم طبخت طبخة تعلمتها من الانترنت وهي كثير سهلة وما بتاخذ وقت وبعملها دائما لما بكون على عجلة
المقادير
دجاجة كاملة أو ممكن قطع على حسب عدد افراد الاسرة
فلفل رومي اخضر عدد 2
طماطم عدد 4
بصل عدد 4
الطريقة
نفتح الدجاجة على شكل انها تكون مسطحة بصينية الفرن
وبنحط عليها الخضار بعد ما نكون قطعناها حلقات
وبنرش الملح على الدجاج والخضرة
بهالشكل
وبعدها نغطي البايركس او الصينية بالقصدير
وتدخل الفرن على حرارة 200 ونتركها ساعة ونص تقريباً
بس ممكن نحتاج نزيد كوب ماء بعد تقريباً نص ساعة
حتى ما تنشف الخضرة
ويا سلام لما طلعت من الفرن
الريحة والشكل اممممممم
بس للأسف نسيت اصوره لكم
لأنه بدأ الهجوم من العائلة الكريمة وانا نسيت التصوير
بس تذكرت بـ آخر قطعة من الدجاج وصورتلكم صورة صغيرة كثييييييير هههههههههه
اعذروني
وان شاء الله يا رب ما أكون ثقلت عليكم وعجبكم الطبق
الروابط المفضلة