احاسيس مرهفة
مشكورة حبيبتي على التشجيع والافادة والاهم من ذلك كله تثبيت الموضوع جزاك الله خيرا
وشجعتيني لاكتب المزيد من الاكلات العراقية اللذيذة

حلاوة الشعرية العراقية

المقادير:
نصف باكيت شعرية (العلالي مثلا) او اي نوع
كوب زبدة مذوبة او سمنة
كوب ونصف سكر
كوب ونصف ماء
ملعقة شاي هيل مطحون
لوز او جوز للتزيين

الطريقة
تسخن الزبدة او السمنة وتحمر فيها الشعرية الى ان يصبح لونها ذهبي او غامق (حسب الرغبة )
نقوم باضافة الماء لها مع التحريك ونتركها حتى تصبح الشعرية طرية .
ثم نضيف السكر مع التحريك المستمر ونضيف الهيل او الزعفران وتخفض النار الى اقل مستوى والى ان تنشف من الماء نطفيء النار ونرفع القدر ونصب المزيج في اواني مسطحة ويساوى سطحها بظهر الملعقة وتزين بالجوز او اللوز وعليكم بالعافية
في بعض الاحيان يوضع فوقها المهلبية بالنشا والحليب وايضا تكون لذيذة ويرش سطحها بجوز الهند المبشور .

دودي

زلابية رمضان

المقادير:
2 كاس طحين
2 كاس ماء
ملعقة كبيرة خميرة
رشة سكر
نصف كاس ماء دافىء
نصف ملعقة شاي ملح
قطر ، شربات ، عسل (شيرة ثقيلة )
زيت

الطريقة :
نحضر الخميرة بوضعها في نصف الكاس ماء دافيء والسكر ونغطيها
في اثناء ذلك نمزج الطحين مع الملح والماء ومن ثم نضيف الخميرة ونمزج بالملعقة الخشبية او نضع المقادير في الخلاط وتمزج جيدا ومن ثم نضعها في مكان دافيء لمدة ساعة ونصف او الى ان تتخمر وتظهر بها الفقاعات الجميلة
نضع الزيت في مقلاة عميقة وواسعة او قدر ونغمره به ونضعه على النار حتى يسخن
نضع المقادير مزيج الطحين اما في دورق الشاي او في قمع تزيين الكيك او في كيس
ونضع الخليط على شكل دوائر او شباكية في الزيت وتحمر لدقائق ثم ترفع وتوضع في الشيرة (القطر)
وهكذا الى ان يكتمل العدد .
وعليكم بالعافية

حلاوة الدهين النجفية (لعيون الاخت زهراء )

المقادير:
3 كوب طحين
3 كوب سكر (ان استخدم اقل )
كوب مبروش جوز الهند
كوب زيت
كوب ماء
3 ملاعق اكل دبس (عسل التمر) واذا ما متوفر استخدمي العسل
مبروش جوز الهند للتزيين من الاعلى والاسفل
هيل
سمنة لدهن البايركس
الطريقة :
في اناء يخلط الطحين مع المبروش (جوز الهند ) مع الهيل وفي قدر على النار يخلط الماء مع الزيت مع الدبس مع السكر ومن ثم يضاف الطحين المخلوط الى المزيج على دفعات ويحرك بالخفاقة السلكية الى ان يثخن المزيج
يرفع من النار .
ناتي ببايركس مدهون بالزبدة او السمنة ونضع كمية من مبروش جوز الهند ومن ثم نضع الخليط ونضع فوقه
مسحة من السمنة ثم كمية وفيرة من جوز الهند نضعها في فرن حرارته خفيفة على الطبقة السفلى للفرن
والى ان تنضج وتفوح الرائحة الزكية نضعها من فوق الى ان تتحمر الطبقة العليا ومن ثم تقطع وتقدم مع الشاي المهيل .

لاتنسوني من دعواتكم

المدكوكة

المقادير :
3 كوب تمر منزوع النوى يكون قوي (تمر اشرسي نوع من انواع التمور في العراق )
كوب راشي (طحينية السمسم) او كوب ونصف سمسم محمص

الطريقة :
ناتي بمفرمة اللحم ونضع التمر وبالتناوب مع الراشي او السمسم او اثنينهم معا ( اطيب)
الى ان تنتهي الكمية ومن ثم ناخذ قطعة صغيرة من العجين نكورها او نكونها على شكل طولاني مثل النقانق
وندحرجها بالسمسم المحمص او بدونه .

والف عافية على قلوبكم حبيباتي

هلو سالي شلونج عذريني والله اني مقصرة وية المنتدى و وياكم ولو بيدي ما اعوف الكومبيوتر بس المشكلة الوقت منين نجيبه اكثر وقت اكدر استغله نص ساعة بطلوع الروح
اما عن البقصم فاني وره وراه و لا يهمج وين يروح من عدنا لا يأس مع الحياة
والحليب المجفف يا اخواتي مقطوع هنا وراح ادور عليه, هنا اكو هواية هواية انواع من الحليب (بعد هولندا اسم الله) اهل الابقار و الجبن ولو احجيلكم شكد معجبن وفخورين بجبنهم كأنه ماكو احد يعرف يسوي جبن غيرهم.
المهم
تاليها شلون وياج دودي اني على نهاية رمضان الباب ما راح يدخلني ( لا واني مسوية ريجيم)
(مستطيل) اليوم يعبر واني ما مسوية زلالالالالالالالالالالالالالالالالالالالالالالالال الالالالالالالالالالالالالالالالالابية وداعيتلج.
صدك والله منين د تجيبين كل هذي الوصفات الروعة
سلام يا احلى دودي
صدك؟؟؟؟؟؟؟ ما جاوبتيني دودي اكدر اسوي حلاوة الطحين بالطحين الابيض؟؟؟؟انتظر الرد يا ورد
وهم سلالالالالالالالالالالالالالالالالالالالالام يا احلى دووووووووودي

حبيبتي فدوة لكلامك الحلو اللي يخبل
تكدرين تسويها بالطحين الابيض وبالعافية مقدما
مكتيلي شلون طلعت الزلابــــــــــــــــية

هلالالالالالالالالالالالالالالا اسلا...حلت البركه
دوري على الحليب..اني هلكت علما لقيته..يجوز انتو هم عندكم ..على فكرة اني استخدم الحليب المجفف احطه للحليب العادي الكامل الدسم لما ادفيه حتى اخثر لبن..يطلع اللبن شويه اثخن.. لانه هنا الحليب الكامل الدسم ماااااااااااااااااااااااصخ ..و الاقل دسم بعد امصخ...وين ايام الحليب المعقم مال المصلحة...يا عيني على طعمه...
صدق دودي..ما عندج طريقه اقدر اخلي اللبن ثخين؟؟؟ لانه حطيت حتى كريمه سائله و ما فادت..اكو ناس يحطون نشا او طحين ..بس ما اعرف الطريقه...
و الزلابيه مالتج باينها طيبه.. بالعيد ان شاء الله اسويها...اني هسه ريجيم...اهئ..اهئ..اهئ
زلابيه دودي تا..تعيش..تا..تعيش

دووووووووووووووووووووووووووودي
لحكييييييييييييييييييييييييييلي
سويت الزلابية البارحة وفشلت فشل ذريع اهى اهى اهى
والله اني عاقلة وما سويت وكاحة ومشيت على المقادير بالضبط
وصارت العجينة تخبل كلها فقاقيع تجنن
حتى حطيتها بالقوري مال جاي مثل ما كلتي
بس من بديت اكليها بدت المشكلة عندي
من اصب العجينة بالزيت,تتطشر وما تصير خط كامل ومتواصل وما اعرف النتيجة اللي طلعت (ليس لها علاقة بالزلابية لا من قريب ولا من بعيد)
رأيج شنو المشكلة؟؟؟؟؟؟؟؟؟؟؟؟؟؟؟
انتظر الرد على احر من الجمر وما دام انت موجودة اكيد راح اسويها وتضبط
دودي وبس دودي وبس دودي وبس

[هلو سالي sorry اني بعدني مصدومة بازلابية مالتي وما شفت ردج الا هسة
شلونج حبيبتي انا مستمرة في رحلة البحث عن الحليب (رضينا بالهم والهم ما راضي بينا)
والله صح حجيج هنا الحليب صدك ماله طعم اما منزوع الدسم فهو ماي على حاله اني استخدم نصف دسم
يلة خير الامور اوسطها
شوكت اروح لبغداد واكل كيمر وكاهي صار لي 4سنين ما ضايكته ورجلي (سودة علية)صار لة8 سنين ما ضايكة.ويومية نتكابل اني وياه ونكعد نتشهى ومن نخابر نكول لهم اكلوا لنا شوية
بطني كامت توجعني

المهم دوختج سالي مو؟؟؟؟؟؟؟؟؟؟؟؟؟؟بس اني ما عندي احد احجي وياه غيركم صدكوني والله ما دا ابالغ
جوعانة حجي
نرجع من جديد المهم (هاي اني راح اظل اكول المهم؟)
وهمين المهم
اريد منكم يا حلوين يا حبابين يا ورود يا فُلات طريقة الكاهي

اكيد دودي عندح الطريقة مو بالله؟
بعد احجي لو كافي دوختكم؟؟؟؟؟؟؟؟؟؟؟