الأرز بالخلطة // طبق رمضان فى شعبان //
مشاركة جديدة
و
طبق رمضان فى شعبان
الأرز بالخلطة
كوب ونصف أرز حبة طويلة ذهبى
منقوع فى ماء لمدة نصف ساعة
بصلة متوسطة مقطعة صغير
2 ملعقة سكر (بنى أو أبيض) والافضل بنى
2 ورقة لاورا أو ورقة غار
2 حبة قرنفل
حبة حبهان
عود قرفة
نصف ملعقة صغيرة قرفة
رشة جوزة الطيب
ربع ملعقة صغيرة بودرة ثوم
ربع ملعقة صغيرة بودرة بصل
ربع ملعقة صغيرة بابريكا
ملح - فلفل اسود
المكسرات
2 ملعقة زبيب
2 ملعقة كاجو
2 ملعقة بندق مقشر
2 ملعقة لوز مقشر
فى حلة على النار نضيف السكر ونسيحه لغاية ما يتكرمل
بالشكل ده وبدون تقليب
بس نهز الحلة يمين وشمال
بعدها نضع ملعقة سمن والبصل على السكر
وكمان البهارات
نقلب البصل لمجرد انه يطرى فقط
نصفى الأرز ونضيفه على البصل المكرمل والبهارات ونقلب علشان كله يندمج
نضيف 2 كوب ماء مغلى ونقلب
ويغطى ويترك ليستوى على نار هادئة
نجهز المكسرات
فى ملعقة سمن على النار نضع المكسرات ونحمرها
مع تتبيلها برشة فلفل اسود وملح وجوزة الطيب
وننزلها بعد ما تتحمر
وبعد ما الأرز يستوى
نقدم الطبق مجملاً بالمكسرات المحمرة
وبألف هنا
تعليق