خضروات ستير فراى مع هوايزن صوص

• 
  
  
  

بسم الله الرحمن الرحيم
زهقنا من الاطباق التقليدية .. قلت احاول األف طبق جديد .. خاصة ان الاذواق مختلفة زى مانتو عارفين
واهم حاجة يكون صحى

المكونات :
خضروات مشكلة مقطعة صغير (استخدمت كرنب - كوسة -جزر - فلفل الوان ) وممكن اضافة بروكلى - بيبى كورن - بسلة
بصل جوليان
لحم مقطع شرائح "من 300 - 500 جم"
ملعقة بشر زنجبيل
فصين ثوم مفروم
ملح - فلفل - كزبرة ناشفة
مقدار زيت زيتون للتشويح

كوب هوايزن صوص .. ممكن شراؤه جاهز من الركن الصينى بالسوبر ماركت او عمله بالبيت للناس اللى مش بتحب الصوص الجاهز زى حالاتى !

الطريقة :
نشوح البصل مع زيت الزيتون حتى يذبل قليلا فقط


نضيف اللحم "بالصورة حجم الشرائح"

ونشوح .. يمكن اضافة زيت زيتون تانى
اما يتغير لون اللحم نضع كوب ماء ونغطيه على نار هادية لمده نصف ساعة تقريبا او حتى تمام النضج


بعد كده نضيف الخضروات كلها مرة واحدة


نغطيه مرة اخرى مده 5 دقائق
نضيف الزنجبيل + الثوم + الملح والفلفل + كزبرة ناشفة "حسب الذوق"
وفى هذه الاثناء نعمل الصوص

مقادير الصوص :
ربع كوب عسل "يفضل الاسود ويمكن عسل النحل " + ربع كوب زبدة فول سودانى + نصف ليمونة + ملعقة كبيرة خل بلسميك "ممكن خل تفاح" + ربع كوب صويا صوص "حذفته لانى لا احب الصوص الجاهز"
+ ملح وفلفل + ملعقتين زيت سمسم "او كانولا"

انا استخدمت عسل نحل خام وده شكله

وبعد اضافة باقى المكونات


طبعا فى حالة اضافة الصويا صوص هيكون لونه بنى غامق .. لكن انا مش باستخدم الصويا صوص

طيب نضيفه على الخضروات واللحم ونسيبه ياخد غلوة على النار "دقيقتين"


.. نتركه يبرد قليلا ويقدم مع ارز مسلوق
"الارز المقدم عملته بالميكرويف فقط ارز بسمتى + ملح + ماء"


اتمنى تعجبكم .. لذيذة وجديدة ومشبعة ودااااااااااايت

تسلم الايادي انونة
ربي يحميك ياعسل

Sent from my GT-I9100 using منتديات لكي mobile app

سلمت يداكى

السلام عليكم ورحمة الله وبركاته

بسم الله ما شاء الله عجبني جدا

وعجبني موضوع اني اعمل الصوص في البيت

تسلم الايادي يا سكرة :-)




Sent from my GT-P5100 using منتديات لكي mobile app

اولا
اهلا وسهلا بك من جديد في عالم الاطباق اللي حرمتيه تواجدك
ثاني شي

تعاليلي يا بطة

اول سؤال... كيف اعمل الرز الابيض بالمايكرويت
ثاني سؤال... الصوص هذا ضروري والا ممكن استبدله بالكريما اللباني

وثالث سؤال... كفاية احسن تطفشي


تسلم يمناك ومأكول الهنا
ويارب تكتري زيارتك واطباقك الصحة والغير تقليدية

صحتين وعافية

ما شاء الله فعلا شكلها شهي ومفيد واهم شئ انه صحي
تسلم الايادي انابيلا ولاتحرمينا من ابتكاراتك
جزاك الله خيراااا

المبدع مبدع في كل شيء
بجد ابدعتي وتألقتي وصفة بتموت من الجوع
ههههههه
بجد وصفة شهية ويم يم يمي
تسلم إيديكي يا حبيبة

مشكورات جميعا للمرور الجميل .. اتنى تجربوها وتعجبكم