سبق وقدمت فتة الشاورما بس كانت بالفراخ
والنهاردة هاقدمها باللحم
يارب تعجبكم






اول حاجة نعمل الشاورما
انا بحب اتبلها من الليل واعملها تانى يوم

والتتبيلة بسيطة جدا

اجيب لحمة حمرا




واقطعها شرائح رفيعة





وبصلة متوسطة وحوالى كوب خل (أو ما يوزاى تغطية اللحم بالكامل)









اقطع البصلة حلقات واخلطها مع اللحم والخل





وملح وفلفل اسود وبس

واغطيها واسيبها فى الثلاجة ليلة كاملة





فى اليوم التانى اللى هاحضر فيه الفتة

اجيب خبز شامى واقطعه مكعبات





ممكن تقليه فى الزيت وممكن تحمصيه فى الفرن
انما انا حبيت انكهه بزيت الزيتون

فحطيت عليه حوالى 3 ملاعق زيت زيتون
وحمرته على نار هادية





ودى النتيجة





اطلع اللحم من تتبيلة الخل واصفيها كويس واحطها فى طاسة تيفال بدون اى مواد دهنية (لا زيت ولا زبدة ولا سمن)






واقلبها على نار عالية لغاية ما تنشف ميتها وتبدأ تتحمر بالشكل ده





أكون مقطعة فلفل ألوان وطماطم وبصلة صغيرة




اضيفه على الشاورما واقلب






واضيف ملعقتين صويا صوص





وكدة خلصت الشاورما
نيجى للثومية
جربت اكتر من طريقة للثومية بس دى احلى واخف طريقة





علبة زبادى
ملعقتين مايونيز
ملعقة صغيرة ثوم بودر




نخلط كل المقادير سوا وبس




للتقديم

فى طبق التقديم افرش شوية من الخبز المحمص




وعليه رز اصفر او ابيض





بأى طريقة معتمدة عندك
انا عملت الاصفر اللى هو بالكارى بيبقى طعمه احلى




وعليهم الشاورما






واخيرا صوص الثومية

وخبز محمص للزينة


وبالف هنا

لطش لطش لطش

للمرة الثانية (:

آآآآآآآآآآآآآآآآآآآآآآآه

جوعتيني يا بيرو ,, أعمل إيه دلوقتي

تسلم الأيادي يا قمر

عجبتني جداااااااااااااااااااا

وبإذن الله للتجربة لو لحقت قبل شهر رمضان (:

ما شاااء الله لاقوة إلا بالله ..

كثييييير شهية ياعسل ..

تسلم الأيادي المبدعة داااائماً ياااارب ..

اطباقك دائماً تحفه وبتعجبني ما شاء الله تسلم دياتك يا عسل والف صحه

اش اش
حركتات

فتة شاورما تووحفة
بس اول مرة اعرف انه الشاورما تتعمل كدة طريقتك عجبتني

تسلم ايديك

مبدعة والله :-)

Sent from my GT-I9100 using منتديات لكي mobile app

رووعه جميلة جداا
ومبين شهية ولذيذه
نفع الله بك

راااائع ماشاءالله تسلم ايديك

يا لهوووووووووووووي يا لهوووووووووي لجماله وحلاوتو
ما شاءالله تبارك الله ربي يبارك فيك ويسلم ايديك الحلوين
شكله روووعه واكيد طعمها ولا الذ
وطريقته سهله ربي يبارك فيك
كل عام وانتي بخير يا احلي احلي وكمان احلي بيرو