معكرونة بالبشاميل مشاركتي للعسل ايثار

معكرونة بالبشاميل




يعطيكم العافية يارب
معلش اتأخرت عليكي يا ايثار
وصفاي اليوم انا بسميها لزانيا هههه
بس هي معكرونة بالبشاميل
المقادير
معكرونة اشكال ٢٥٠ غرام
وقية لحمة عجل مفرومة ناعم مرتين
بصلة كبيرة مفرومة ناعم
حبة فليفلة حلوة
معلقتين كبار زعتر اخضر
نص قرن فلفل حار ويمكن الاستغناء عنه
حبتين جزر مبروش
معلقتين كبار صلصلة بندورة حمرة
بشاميل جاهز من ماجي مع نص لتر حليب ونص لتر من ماء سلق المعكرونة
جبنة شيدر او قشقوان

اول اشي بنسلق المعكرونة بمي وشوية ملح ونقطتين زيت
بمقلاة بنفلي اللحمة والبصل والجزر والفليفلة
بس يستوو منيح بنحط معجون الطماطم
وفنجان مي وبنخليها تتسبك
بس نطفي عليهم بنحط معلقتين كبار زعتر اخضر

بنعمل البشاميل بكون عالباكيت لتر حليب
انا بحط نص لتر حليب والنص التاني ماء سلق المعكرونة
بخليه يتسبك منيح
بحط نص كمية البشاميل عالمعكرونة
والباقي بحط شوي بالبايركس
بحط نص المعكرونة
بحط الخلطة
بحط شوية بشاميل وشوية جبنة
وبحط باقي المعكرونة
بصب كل البشاميل فوق المعكرونة
بحط الجبنة
بفوتها عالفرن ربع ساعة





عذرا لقلة الصور
بتمنى تعجبكم وتجربوها لانها كتير طيبة

Sent from my iPhone using منتديات لكي app.


الحمد لله الذي سخر لنا هذا وما كنا له مقرنين
