يخنة البطاطا بالزهره
يخنة البطاطا بالزهرة
اخواتي الغاليات حفظكم الله ورعاكم
اليوم مخمخت مخي وشفت اللي عندي بالبيت وقلت خليني اسوي لملف الغاليه شيري
وصفه بسيطه من السيد بطاطا وبعدين راح اسويها له وصفات ثانيه بأذن الله تعالي
اليوم راح اسوي لكم وصفه سهله يخنة البطاطا بالزهره او القرنبيط علي مسمي اخر
بصل +بطاط مكعبات+زهره مقطعه ومغسوله
ثوم+بهارات+طماطم مفروم+صلصة الطماط
ملح وفلفل +كزبره خضره+كركم
نحمر البصل ويتغير لونه نحط فيه الثوم والكركم مع البهارات
نحركه شوي بس تطلع ريحة البهارات نحط البطاط والزهره
ونقلبه الي ان لون البطاط والزهره يتغيرون وياخذون نكهة البهارات
وبعدها ب عش دقايق تقريبا احط فيه صلصة الطماط
واحركه شوي وبعدها احط الطماط المفروم مع شوية ماء علي حسب الكميه اللي عندك
واسيبها ع النار لين تتسبك واحط اخر شي الكزبره الخضره
ويقدم مع الارز الابيض او يتاكل مع الخبز
زوووووووم لليخنه
وهذا طبق ثاني...................
بصراحة طعمها حلو وخفيف وطريقته سهله لان كل شي نحطه مع بعض
وممكن نضيف اللحم المفروم في المرحله التي تتحمر فيه البصل
وبعدها نضيف البطاط والزهره بس ما اضفته لان زوجي ما ياكل لحم نهااااااااااااائيا
وان شاءالله تعجبكم وصفتي السهله
احبكم في الله
اختكم ام انس
تعليق