تويت
ريزوتو الجمبرى .. مشاركة لأم زياد فى اطباق الأرز التقليدية والغير تقليدية
مشاركة بسيطة منى واتمنى تعجبكم
وتعجب حبيبتى ام زياد
ريزوتو الجمبرى
بصراحة الريزوتو اول مرة اعمله والحمد لله التجربة نجحت
طبعا علشان تعملى ريزوتو لازم رز اربوريو امريكى
واللى ماعندوش يعمل ايه
يعمل زيى ويستخدم الرز المصرى ومعاه صوص الريزوتو علشان يدى نفس الطعم 
كوب أرز مصرى
4 كوب شوربة
بصلة مقطعة صغير
جمبرى وسط او صغير
فصين ثوم مفرومين مع قطعتين زنجبيل
ملح وفلفل اسود
وصوص الريزوتو
قليل من البقدونس
ملعقة كبيرة جبن بارميزان مفرومة
وهنا صوص الريزوتو
فى ملعقة زبد على النار نشوح الثوم والزنجبيل
واول ما تطلع ريحتهم نضيف الجمبرى ونقلب
وبس يشرب ميته اللى نزلها نضيف البقدونس ونقلب ونطفى النار
نشوح البصلة فى قطعة زبد وزيت زيتون
\
وبس تدبل نضيف الارز (لا نغسل الارز)
ونقلب شوية فى الوقت اللى نكون بنسخن فيه الشوربة
ونضيف الشوربة شوية شوية ونقلب باستمرار
وكل ما يشرب الرز الشوربة نضيف كمان
لغاية ما تخلص ال4 كوبايات شوربة كلهم
نضيف ملعقة كبيرة من صوص الريزوتو
وبعدها نضيف الجمبرى المشوح بالثوم
وفى الآخير نضيف ملعقة البارميزان
ونغطى الطاسة شوية
ونقدمه بالف هنا
إحدى وصفاتى للسفرة على هذا الرابط
مدونتي مطبخ ام مرمر و ليلو
تعليق