صباحكم ورد , و مسائكم ورد


أكلتي اليوم اسمها ( منزلة البيتنجان ) أو اختصارآ المنزلة

بتنعمل من البيتنجان المقشر و المقلي و المحشو باللحمة الهبرة المفرومة و المقلية , و مطبوخ بماء البندورة



بالأصل هالأكلة : فقط بيتنجان , و لكن بينحط معها بمرقتها بندورة مقطعة , أو دبس بندورة ( رب البندورة ) أو دبس و بندورة مع بعض , و شقف فليفلة خضرة , بتعطيها نكهة روعة



و لكن نحن منحشي مع البيتنجان , بندورة و فليفلة , فبيعطوا النكهة , و بيطلعوا كتييييير طيبين



الطريقة يا حبيباتي باختصار :



بيتنجان حجم صغير



نترك القمع بالبيتنجانة و نزيل فقط منه الأوراق النازلة





نقشر البيتنجان







نقليه بزيت غزير







بعد القلي نضعه على ورق نشاف الزيت








( الرجاء عدم الرد , لسه في تتمة )

نفرم لحمة هبرة و نقليها بزيت مازولا مع ملح و كمون و أكيد بهار





نحشو البيتنجان باللحمة , و نحشو معه الكمية المرغوبة من البندورة و الفليفلة , و نضعها بالطنجرة , و نرش فوقها الملح بالكمية المرغوبة ( كما في الصورة )





نغمر الطنجرة بالماء ( متل الصورة ) و نضيف دبس البندورة بكمية مناسبة , و رشة بهار







نشعل تحت الطنجرة , و نغطيها , و عندما تغلي , نهدي النار و ننوصها عالأخير , و نتركها تغلي على النار الهادئة فقط ربع ساعة



و هي الطنجرة بعد الإستواء




​


( تقدم مع الرز المفلفل بالشعيرية )



في كام ملاحظة صغار

1. لازم نحط بالمرقة إما قطع بندورة , أو قطع بندورة و دبس بندورة , أو فقط دبس , و هالشي بيرجع لزوقك و خبرتك , بحيت تطلع طعمة البندورة و حموضتها مناسبة للكمية المطبوخة .



2. لازم تحطي فليفلة مع المرقة , يعني إذا ما حشيتي الفليفلة , جيبي قرن و قطعيه و حطيه بالطنجرة .



3. بهالأكلة , ما استعملنا البصل أبدآ , مع إني أنا من الناس اللي بيحبوا البصل و بيحبوا نكهته بالأكل و لكن في أكلات بدون البصل بتكون أطيب , و هالأكلة منهن

( أنا عم بحكي رأيي الشخصي , و بالنهاية , الأمر راجع لذوقك إذا بتحبي تحطي البصل , مع الحشوة )



بتمنى تكون أكلتي , نالت رضاكن

و تقبلوا وردي و ودي

يعطيكي العافية كتير طيبة

ان شاء الله نجربها قريب

ماشا ءالله عليكي يا ايثار المنزله بتشهي وطريقه جديده كمان
الف صحه علي قلبكم

روعة ياايثار ماشاءالله عليك حبيبتي
وصفة حلوة وجديدة علي انا اعملها بالفرن واشيل الاقماع بس بالاقماع احلى كثيير
تسلم الايادي والف عافية عليكم يارب
بانتظار جديدك الرائع

تسلم ايدك طبق رائع ومشهي جدا
بالف صحة وهنا عليكم

ما شاء الله تبارك الله


تسلم ايديكى حبيبتى




بالهنا والعافية

[/CENTER]

تسلم الايادي يا إيثار

طيب كتير هالطبق
كانت الماما دائما تعمله
بس آه من الكسل
صرت اعمله في الفرن اسهل

صحتين وعافية

ماشاء الله ايثارطبق روعه بجد
ان شاء الله اجربه قريبا
تسلم ايدك حبيبتى

الله يسلم ايديكي
اكلتي المفضلة و نفس طريقة الوالدة بس بنحط بصل بالحشوة
شهيتيني عليها بالباذنجان البلدي الشامي
الله يفرجها على سوريا و اهلها و نرجع ناكل ها الأكلات الطيبة