لحمة بالصينية عالطريقة الشامية مع الشرح و الصور ( مهرجان الصواني ) للغالية أم زياد
بسم الله الرحمن الرحيم و به نستعين
حبيباتي و نور عيوني
نهاركن عربي بالصلاة عالنبي , و يا مسا الخيرات و الوردات و الليرات على أحلى و أغلى عضوات .
و بما إنه اليوم 29 رمضان فبحب قلكن بهالمناسبة : كل سنة و إنتو سالمين مع إنه نحن بسورية لا حاسين بالعيد و لا بطعم العيد
و لا حدا إله نفس يعيد أصلآ
أكلتنا اليوم يا أخواتي الكريمات : اللحمة بالصينية أو متل مو دارج الاسم بالشام : ( اللحمة بالصحن )
هالأكلة , كتير طيبة و فخمة , و مستحيل تلاقي أي عزيمة عنا بسورية إلا ما تكون هالأكلة متصدرة السفرة
راح نبلش بسم الله
لحمة غنم ( أو بقر ) هبرة و معها كمية من الدهنة تقل أو تكثرعلى حسب ذوق و رغبة عيلتك , و لازم نحط معها دهنة و لو بكمية قليلة , ما بيصير تكون هبرة عالحل مشان ما تطلع ناشفة
للأمانة , نحن ما استخدمنا كل اللحمة اللي بالصورة , تركنا الشقفة الكبيرة يلي باينة عالوجه
كمية مبحبحة من البصل
عند الفرم , لاقينا إنه الكمية ما بتكفي ففرمنا كمان بصلة وسط
دبس رمان , لازم دبس رمان و مو أي حامض تاني , لأن دبس الرمان إله نكهته الخاصة اللذيذة و هيي اللي بتعطي الصينية نكهتها المميزة
دبس فليفلة ( حلوة أو حدة ) ( حدة يعني حارة ) , و إذا ما عندك ممكن تستغني عنه , بس لا تحطي بداله فليفلة ما بيمشي الحال
ملح , كمون , أي خلطة بهار طيبة معتمدة عندك
لتزيين الوجه : بندورة و فطر
( ما حطينا فطر عالوجه , لأن بالصدفة ما كان عنا فطر اليوم )
راح نفرم اللحمة و البصل بماكينة فرم اللحمة , و لاحظوا مقاس مصفاية الفرم المستخدمة
حطينا دبس الرمان
كمية دبس الرمان على حسب ذوقك و رغبتك ( فيكي تتذوقي و تتحكمي بالكمية , طبعآ فقط لحمة الغنم يلي فيكي تتذوقيها أما إذا لحمة بقر لا تاكلي منها نية , انتبهي )
و حطينا الملح و الكمون و البهار ( بكمية مناسبة لكمية اللحمة و البصل ) , و كمان حطينا ملعقة كبييرة دبس فليفلة متوسطة الحد
( الكمية بس لتعطي نكهة الفليلفة و الحد للصينية , هيك راح تطلع أطيب ) , إذا الدبس حد كتير لا تكتروا مشان ما تطلع اللحمة حدة
منخلط كل المقادير مع بعضها البعض جيدآ
و منوزعها بالصينية متل مو شايفين و منرفع اللحمة على جناب الصينية
و منقطع البندوراية دوائر و منوزعها على وجه الصينية , و منحط فطر بالفراغات ( ما حطيت اليوم , لأن ما كان عنا فطر )
و عالفرن ( هالكمية بتكفي حوالي 5 – 6 أشخاص )
راح نلاحظ , إنه اللحمة راح ينزل منها مي و تتقلص , أكيد راح يصير هيك , فينا نخلي نار الفرن هادية مشان ما تنشف المي , بس راح تاكل الصينية وقت أطول لتنضج
و هي بعد ما طلعت من الفرن
بتقدميها و بتقدمي جنبها سلطة خضار و بطاطا مقلية
و في ناس بيحبوها مع الطحينة , فيكي تقدمي معها طحينة مشان يلي بدو يحط على صحنه
جربوهااااااااااااااااااا و ادعولي
و يارب بالهنا و الشفا
و لكن مني كل الود و باقة ورد
تعليق