23likes
LinkBack URL
About LinkBacks
صينية اللحمة الشرحات مع البطاطا المقلية بالفرن (لعيونك ياام زياد ولمهرجان الصواني)
بسم الله الرحمن الرحيم
و أحلى تحية عربية معطرة بالصلاة على نبينا محمد عليه الصلاة و السلام
حبيباتي :
أكلة اليوم , أكلة شامية معروفة , بس كتير طيبة و زاكية , و أكابرية , و متأكدة إنه كل أهل بيتك راح ييحبوها , و إذا عند عزيمة , راح تبيض وجهك و تعجب ضيوفك أكيد
أكلتنا اسمها : شرحات اللحمة مع البطاطا المقلية بالفرن
منجي هلأ عالمقادير :
كيلو لحمة هبرة ( غنم أو بقر ), و تكون اللحمة طرية و مقطعة شقف رقيقة أو ( شقف شرحات ) متل ما منقول , فيكي تجيبيها مقطعة جاهزة من عند اللحام ,
كمية مناسبة من البصل ( حسب ذوقك )
نصف كاسة كبيرة زيت مازولا
نصف كاسة كبيرة صوص بندورة
بابريكا حلوة أو حدة ( إذا بتحبي الحد ) و فيكي تستعيضي عنها بدبس فليفلة إذا عندك , أو حتى فليفلة مقطعة
ملح , بهار من يلي عندك
للوجه : بطاطا مقلية و ليمون معصور و توم
أما الطريقة يا حلوات : فما في أسهل من هيك
راح نحط اللحمة بالصينية و نقطع البصل جوانح و نحطه بين اللحمة , و نخلط المقادير السابقة ( الزيت و البندورة و الملح و البهارو البابريكا ) و نحطها فوق اللحمة ثم نضع الصينية بالفرن و نشعل الفرن لتستوي الصينية , و بهالأثناء , راح نكون قلينا بطاطا , هلأ منطفي الفرن تحت الصينية و منفتح الفرن , ونضع البطاطا فوق اللحمة , و بتكوني عصرتي ليمون و دقيتي توم ناعم و خلطتيه مع الليمون , هلأ : طفي الصينية بخليط التوم و الليمون ( يعني صبي الخليط فوق الصينية ) و رجعيها عالفرن و اتركيها عشر دقايق , لتستوي بحرارة الفرن المطفي
و بس
و هي بعض الصور , بصراحة : أنا ما صورت خطوات العمل ,
لأن ماما يلي عملت الصينية و أنا ما كنت موجودة , بس لحقت هالكام صورة , قبل ما المغرب يقول : الله أكبر
و ياااااااااااااااااااااااااااااارب تعجبكن ,
و مطرح ما يسري يمري
مرحبا بكِ في منتديات لكِ! هل هذه هي زيارتك الأولى لمنتديات لكِ؟
رد مع الاستدلال
كتبت بواسطة amani1
الروابط المفضلة