كان عندى عزومه النهارده وعملت طاجن سمك فيليه وكليمارى وجمبرى الطريقه :شوحت بصل شرايح وبعدين فصين توم وفلفل الوان كان عندى اصفر واخضر واحمر وطماطم وتبلت بملح وفلفل اسود وبهارات مشكلهوعدين فى الصينيه حطيت نص التتبيله وبعدين السمك والجمبرى وقطع الكليمارى وباقى الخلطه على الوش وغطيت بفويل وعلى الفرن
دى بقى شوربه السى فود قشرت الجمبرى وفى حله حطيت معلقه زبده على زيت وشوحت بصله وجزر وكرفس وطماطم وحطيت قشر الجمبرى وسيبته مع بعض وبعدين زودتها ماء وسيبتها على النار نص ساعه ونضفت الجمبرى والحبار وعندى فيليه قطعته وفى حله تانيه حطيت زيت وبصله صغيره مبشوره وكرفس مقطع صغير وصفيت عليه المرق بتاع قشر الجمبرى ولما غليت اضفت قطع الحبار لمده دقيقتين وبعدين الجمبرى وبعدين السمك الفيليه والقواقع سيبتها على النار لحد ما فتحت وحطيتها فى المرق وكمان كابوريا وطفيت عليها وقبل التقديم حطيت كريمه
وطبعا سلطه خضار وطحينه
الروابط المفضلة