صينية الدجاج مع الجزر و البزاليا بالفرن و بالصور (مهرجان صواني)

تقليص
X
تقليص
 
  • الصفحة لـ 3
  • الوقت
  • عرض
إلغاء تحديد الكل
مشاركات جديدة
السابق 1 2 3 template التالي
  • إيثار الشام
    مشرفة المقبلات - متألقة ركن المقبلات
    • May 2012
    • 5491
    #1

    صينية الدجاج مع الجزر و البزاليا بالفرن و بالصور (مهرجان صواني)

    بسم الله الرحمن الرحيم و به نستعين


    السلام عليكم جميعآآآآآآآآآآآ و رحمة الله و بركاته


    أول شي بحييكن كلكن , من أرض الشام بسورية و بتمنى تقبلوني عضوة جديدة معكن
    طبعآ هي أول مشاركة إلي بهالمنتدى , و مشان هيك حبيت نزل أكلة كتير طيبة و مميزة , و طعمتها غير شكل و اللي شجعني إني نزل هالأكلة بالذات إني عملت كتيييير بحث عالنت و ما لقيتها نازلة قبل هلأ , فبعتقد إنه راح تلاقو الأكلة جديدة و يااااااااااارب إنها تعجبكن , و هيي أكلة طيبة و مغذية و مفيدة و مناسبة لرمضان

    هالأكلة اتعلمتها من وحدة صديقتي بالشغل و هيي متعلمتها من إمها , و إمها من حلبية من أصل تركي , يعني هالأكلة بالأصل تركية , و نحن منعرف إنه المطبخ الحلبي عنا بسورية غني و متنوع و لذيذ و خاصة إنه متأثر بالمطبخ التركي العريق .
    راح نبلش على بركات الله ,


    يالله بسم الله
    المقادير ,


    أربع فخاد دجاج أو ما يعادل نصف فروج كامل
    و بقية المقادير مناسبة لكمية الدجاح الموجودة


    نصف كوب ليمون معصور
    نصف كوب من زيت الزيتون ( لازم زيت زيتون مو أي زيت تاني )
    ملعقة صغيرة من مسحوق بزر الكزبرة

    134389833632.jpg

    جزر مقطع دوائر رقيقة
    كمية من البزاليا
    طبعآ كمية الجزر و البزاليا على قد صينية الطبخ
    ملح
    كمون
    ورق غار
    قرفة
    هيل
    بهار مشكل ( أي تشكيلة بهار معتمدة عندك للطبخ )
    بصلة مقشرة

    الطريقة :
    نضع أفخاد الدجاج بالطنجرة على النار مع كمية مناسبة من الماء , و نضع البصلة المقشرة

    ننتظر قليلآ حتى تظهر الرغوة ثم نقوم بإزالة هذه الرغوة عن وجه الماء
    و بعد هيك , نضع ورق الغار و الهيل و القرفة و الكمون و البهار و نتقصد وضع كمية زائدة من القرفة و الكمون و البهار و الملح ( لأنه راح يدخل عنا بعد هيك بقية المقادير)
    نقوم بسلق الدجاج لينضج فقط نصف نضوج

    1343898336731.jpg

    الآن نخرج الدجاج من الطنجرة و نقسم كل فخد قسمين بعد تقشيره ( في حال استخدام فروج كامل بدلآ من افخاد الدجاج نقوم بقطع الفروج لقطع أصغر)

    1343898336874.jpg

    نضع القطع بالصينية و نضع الجزر و البزاليا حولها و شوية ملح مشان الخضار

    1343898336845.jpg

    ثم نصفي مرق الدجاج لتغمر مكونات الصينية حتى ثلاثة أرباع قطع الدجاج فقط ( و بأكد مرة تانية فقط حتى حوالي ثلاثة أرباع القطع )


    الآن : نضع زيت الزيتون و الليمون و الكزبرة في نفس الوعاء و نخلطها جيدآ






    يتبع




    الملفات المرفقة





    و بي مما رمتك به الليالي
    جراحات لها في القلب عمق

    الكلمات الدلالية (Tags): لا يوجد
    • إيثار الشام
      مشرفة المقبلات - متألقة ركن المقبلات
      • May 2012
      • 5491
      #2

      ثم نقوم بصب الخليط بهدوء فوق المرقة في الصينية , بحيث الآن تتغطى مكونات الصينية حتى تنغمر لأعلاها


      1343898336787.jpg


      الآن نضع الصينية بالفرن , و نشعل من فوق و من تحت


      1343899956561.jpg


      هلأ في ملاحظة كتير مهمة : و هيي إنه راح نلاقي مرقة الصينية صارت تتبخر , راح نتركها تتبخر لإنه هون سر هالطبخة , لمن المرقة بتتبخر بتقل كميتها و بتنزل و بالتالي الليمون و الزيت اللي عالوجه راح يمتصهن لحم الدجاح , فاللحم بييكتسب طعمة الليمون و الكزبرة و بيقرمش , و بيطلع الدجاج مقرمش بطعم الليمون مع الكزبرة و هيي نكهة كتييييييييييييير طيبة ( و طبعآ زيت الزيتون هوي الزيت اللي بيقرمش اللحم , و هادا سر خبرتني ياه رفيقتي الله يجزيها الخير )




      و طبعآ كل شوي راح نحرك على مهلنا الخضار اللي على وجه الصينية بملعقة طويلة

      و ننتظر حتى تجف حوالي ثلاثة أرباع المرقة و هيك بيكون اللحم مو بس استوى كمان صار مقرمش و اكتسب النكهة الطييييييييييبة

      هون بالصورة , انقطعت الكهربا فاضطريت طلع الصينية على الغاز و كمل طبخها عليه

      1343900146543.jpg

      و هيك بتكون الطبخة صارت جاهزة للأكل متل ما شايفين

      1343900146294.jpg

      و صدقوني راح تاكلو أصابيعكن وراها

      و ألف صحة و هنا

      و هادا أول موضوع إلي و بتمنى تشجعوني و لاقي ردود حلوة منكن

      و السلام عليكم





      و بي مما رمتك به الليالي
      جراحات لها في القلب عمق

        تعليق

        • وعود الخير
          رئيسة أركان الأطباق
          • Nov 2003
          • 51980
          #3
          حياك الله يا إيثار وأهلا وسهلا بك
          في منتدانا وفي أركان المطبخ
          وميت اهلا وسهلا بك وبأهل الشام

          طبق رائع وشهي وجديد نستفيده منك

          هل يمكنك ان تضيفي معرفك على الصور حفظا لحقوقك ..

          ننتظر مشاركاتك
          ورمضان مبارك

          بالإنتظـــــــــار

            تعليق

            • _-* أم زياد *-_
              مشرفة ركن الأطباق الرئيسية
              • Mar 2011
              • 5546
              #4
              ماشاءالله تسلم ايدك ياايثار
              طبق شهي وطريقة حلوة
              حياك الله

                تعليق

                • بيبي مورو
                  مشرفة ركن المقبلات
                  • Mar 2009
                  • 15334
                  #5



                  ما شاء الله يا غالية شكل الصينية بيشهي

                  تسلمي يا سكرة وفي انتظار الجديد والرائع





                  اللهُم أرِنَا الحق حقاً وارزقنا اتبَاعه

                  ...........................................وأرِنَا البَاطِل باطلاً وارزُقنا اجْتِنَابه

                  رب لا تذرني فردا وانت خير الوارثين

                    تعليق

                    • الثمال
                      رئيسة الأركان التعليمية-مشرفة ركني الروضة ودار لك للتحفيظ -محررة في موقع لكِ
                      • Mar 2002
                      • 44054
                      #6
                      عاشت اديك

                        تعليق

                        • بيتي حياتي
                          وهج العطاء-متألقة ركن الحلويات
                          • Sep 2011
                          • 1107
                          #7
                          طبق شهي ومفيد وحاسه طعمته بتمي
                          تسلم ايديك وعينيك
                          شرح وافي ومفصل وصحتين وعافيه

                            تعليق

                            • The Rose
                              النجم الفضي
                              • Jan 2010
                              • 1161
                              #8
                              تسلم ايديكى يارب
                              صحتين وعافية

                                تعليق

                                • red orchidee
                                  عضو نشيط
                                  • Jul 2010
                                  • 294
                                  #9
                                  الطبق رووعة، تسلم الأنامل

                                    تعليق

                                    • إيثار الشام
                                      مشرفة المقبلات - متألقة ركن المقبلات
                                      • May 2012
                                      • 5491
                                      #10
                                      المشاركة الأصلية بواسطة وعود الخير
                                      حياك الله يا إيثار وأهلا وسهلا بك
                                      في منتدانا وفي أركان المطبخ
                                      وميت اهلا وسهلا بك وبأهل الشام

                                      طبق رائع وشهي وجديد نستفيده منك

                                      هل يمكنك ان تضيفي معرفك على الصور حفظا لحقوقك ..

                                      ننتظر مشاركاتك
                                      ورمضان مبارك
                                      الرائعة وعود الخير

                                      إن شاء الله رمضان مبارك عليك و علينا و على الأمة الإسلامية

                                      أشكرك من قلبي على الترحيب الراقي مثلك

                                      و على مشاركتك الغالية بموضوعي

                                      و بإذن الله سأحاول في المرة القادمة تنزيل معرفي على الصور

                                      أشكرك من أعماق قلبي على النصيحة

                                      دمت بكل الود و العطاء و الخير





                                      و بي مما رمتك به الليالي
                                      جراحات لها في القلب عمق

                                        تعليق

                                        • إيثار الشام
                                          مشرفة المقبلات - متألقة ركن المقبلات
                                          • May 2012
                                          • 5491
                                          #11
                                          المشاركة الأصلية بواسطة _-* أم زياد *-_
                                          ماشاءالله تسلم ايدك ياايثار
                                          طبق شهي وطريقة حلوة
                                          حياك الله

                                          وجودك هنا شرف لي غاليتي أم زياد

                                          و ردك يلقي بأنواره المتلألئة على موضوعي المتواضع

                                          أشكرك و دمت بخير





                                          و بي مما رمتك به الليالي
                                          جراحات لها في القلب عمق

                                            تعليق

                                            • إيثار الشام
                                              مشرفة المقبلات - متألقة ركن المقبلات
                                              • May 2012
                                              • 5491
                                              #12
                                              المشاركة الأصلية بواسطة بيبي مورو



                                              ما شاء الله يا غالية شكل الصينية بيشهي

                                              تسلمي يا سكرة وفي انتظار الجديد والرائع



                                              الغالية بيبي مورو

                                              أشكرك على طيب المرور و المشاركة

                                              و على حلو ما نثرت لي هنا من كلام يفوح من أطياب روحك

                                              دمت عزيزتي بكل الخير





                                              و بي مما رمتك به الليالي
                                              جراحات لها في القلب عمق

                                                تعليق

                                                • إيثار الشام
                                                  مشرفة المقبلات - متألقة ركن المقبلات
                                                  • May 2012
                                                  • 5491
                                                  #13
                                                  المشاركة الأصلية بواسطة ثِمِال
                                                  عاشت اديك
                                                  الغالية ثمال

                                                  عشت و عاش كل أحبابك

                                                  أحببت مرورك و كريم ردك على موضوعي

                                                  أشكرك من كل قلبي





                                                  و بي مما رمتك به الليالي
                                                  جراحات لها في القلب عمق

                                                    تعليق

                                                    • إيثار الشام
                                                      مشرفة المقبلات - متألقة ركن المقبلات
                                                      • May 2012
                                                      • 5491
                                                      #14
                                                      المشاركة الأصلية بواسطة بيتي حياتي
                                                      طبق شهي ومفيد وحاسه طعمته بتمي
                                                      تسلم ايديك وعينيك
                                                      شرح وافي ومفصل وصحتين وعافيه


                                                      الأخت الكريمة بيتي حياتي

                                                      أشكر لك حلو مرورك

                                                      و أمتن لذوقك الرفيع في الرد

                                                      دمت بكل المحبة و الخير





                                                      و بي مما رمتك به الليالي
                                                      جراحات لها في القلب عمق

                                                        تعليق

                                                        • إيثار الشام
                                                          مشرفة المقبلات - متألقة ركن المقبلات
                                                          • May 2012
                                                          • 5491
                                                          #15
                                                          المشاركة الأصلية بواسطة The Rose
                                                          تسلم ايديكى يارب
                                                          صحتين وعافية

                                                          سلمك الله أختي الغالية The Rose

                                                          شكرآ لنثرك عبير الكلام مع لطيف مرورك

                                                          دمت وردة فواحة في هذا المنتدى





                                                          و بي مما رمتك به الليالي
                                                          جراحات لها في القلب عمق

                                                            تعليق

                                                            السابق 1 2 3 template التالي
                                                            يعمل...