مين بعرف يعمل القدره

**باليرينا** · 03-11-2003, 09:44 AM

مرحبا ليني بصراحه أنا بعمل القدره باللحم وما سمعت انها بتنعمل بالدجاج وطريقتي هي
اسلق اللحم حتى ينضج
الحمص بيكون مسلوق وجاهز (مستوي ومتماسك)
ثوم غير مقشر
رز
بصل مفروم
اقلي البصل وحبات الثوم الغير مقشره بقليل من الزيت ثم اضيفي اللحم المستوي
خذي من مرقة اللحم المقدار الكافي لطبخ الرز وزيدي شويه يعني نصف كوب تقريبا وضعيهم على البصل واللحم و أضيفي الملح و البهارات و الكركم واتركيهم على النار حتى ينضج الثوم يعني ربع ساعة تقريبا
اضيفي الحمص المسلوق الرز المغسول وحركي الخليط واتركيه على نار هادئه حتى يستوي الرز
يؤكل مع اللبن الرايب أو السلطه
و صحتين اتمنى أكون أفدتك

**Dandosh** · 03-11-2003, 11:21 AM

يا عيني يا عيني هالأكلة شو بحبها ..
بس اللحمة كيف لازم تكون؟ ام زوجي بتعملها بلحم فيه دهن كتير بس بتكون ثقيلة .. بتزبط بلحمة عادية ما فيها دهن؟
و الرز ؟؟ شو نوعه ؟؟

**باليرينا** · 03-11-2003, 11:31 AM

أهلين دندوش أنا بعملها بلحمه عاديه بدون دهن لأني ما بحب الدهن

و أحيانا بعملها بلحم عجل بس بيطلع شوي ناشف
أما الرز ممكن استعمال أي نوع بتحبيه أنا باستعمل الرز المصري وماما بتعملها بالرز البسمتي وكله بيزبط مافي مشكله

سلامي لك ولأختك دندون ،

**Dandosh** · 03-11-2003, 11:47 AM

تسلمي يا ام عدنان ..
هو في حدا بيحب الدهن

و انا بتخيل انها أزكى بالرز المصري .... يا سلام انا عم بتخيل و معدتي عم تصوصو

ألف شكر ان شاء الله رح أجربها بأقرب وقت

**ليني** · 03-11-2003, 01:26 PM

يسلموا ام عدنان

رح اجربها زي ما بتعمليها بس الحمص ما رح يتغير لونه مع البهارات هاي الي بدي اتأكد منه

دندوش اهلين فيكي ام زوجك بتعملها وانتي , انا بعرف انه اهل فلسطين شاطرين بهيك طبخات ولا انا غلطانه

شكرا الكم ,غلبتكم معي

**Dandosh** · 03-11-2003, 03:13 PM

بصراحة اول مرة باكلها بعد ما تزوجت

ماما فلسطينية بس ما عمرها عملتها .. يمكن ما بتعرفها او ما بتحبها عشان هيك ما عرفتنا عليها :-)

**ليني** · 04-11-2003, 06:36 AM

غلبت دندوش انشاء الله امورك تمام مع الحمل بالشهر الفضيل

الله يسهل امورك

سلام

**باليرينا** · 04-11-2003, 09:05 AM

ليني متل ما قلت لك الحمص بيكون مستوي وحطيه قبل ما تحطي الرز مش راح يتغير لونه كتير

وصحتين أنا في الخدمه

**ليني** · 04-11-2003, 09:25 AM

تسلميلي ام عدنان والله يكتر من امثالك

**Dandosh** · 04-11-2003, 10:16 AM

شكراً يا ليني الحمد لله اموري "لحد هلأ" تمام و صايمة من أول رمضان ..
كمان أسبوع بدخل التاسع ادعولي ..

**هنلي** · 04-11-2003, 01:25 PM

ذكرتيني كنت ناسيها رايحه اعملها
طيب ممكن تنعمل بالجاج او اللحم بدون او مع دهن اللي بتحبوه
طيب بتسالوا عنها بتعرفوا ليش سموها القدره

هذا ياحبايبي القدره من زمان بيطبخوها في قدر من الفخار يجهزوا كل اشي ويوضعوها في الفرن على الحطب وهيك بتستوي على كيف كيفك
بس اليوم بنطبخ اسهل صح
بالنسبه للسؤال عن البهارات
ممكن انتي كثرتي من البهارت وخاصه البهار الغامق زي الفلفل او قرفه
ممكن تحطي مثلا بهارات بيضاء او فاتحه مثل بهار ابيض وهيل وكمون وغيرها
وكمان مش انتي بتطبخي اللحم او الدجاج لما يستوي شيلي الدجاج او اللحم من الشوربه واتركيها
10 دقائق هيك اذا في بهار زياده بينزل في قاع الطنجره
وبعدين انقلي الشوربه في طنجره ثانيه وسوف تلاحظين انه مسحوق من البهارات قد ترسب قي القاع خذي الشوربه واتركي اللي في القاع
او بدك اشي سهل صفي الشوربه بمصفاه ثقوبها صغيره
وحطي الرز والحمص مع اللحم هكذا طبقه لحم ثم حمص ثم رز اما اذا جاج بتكوني محمرته قبل الطبخ او بعد الطبخ
وبعديها بتصبي الشوربه تبعت اللحم او الجاج عليها
وبتحطيها على النار او ممكن في فرن على نار وسط
او ممكن على طنجره الضغط بس على نار هادئه جدا جدا لمده 7-10 دقائق
طبعا الحمص بيكون جاهز من قبل مش تحطيه نيئ

**ليني** · 04-11-2003, 02:51 PM

اهلين وسهلين بالاخت هنلي وشكرا الك كثير على الشرح وانا كمان حسيت انه اللون تغير من البهارات بس حبيت اتاكد وانشاء الله رح اجربها مره تانيه .

دندوش الله يقومك بالسلامه

**شمالية غربية** · 05-11-2003, 12:56 AM

يمي يمي يمي ...

القدرة لذيييييييييييييييييييذة انا مااعرف اعملها ..

لكن ذقتها في مطعم في الأردن ....وكنا نشتريها بالفخار ...يعني زي ماهيا مطبوخة .

تسلمون اخواتي

مين بعرف يعمل القدره

مين بعرف يعمل القدره

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق