دردشة .. يارب تعجبك طريقة الكمونية

أولا .. تنظفى الكرشة كويس جدا .. مع نقعها لمدة نصف ساعة فى ماء بخل وملح ..

وبعدين تسلقيها فى ماء بفلفل أسود وحبهان وورق غار .. زى سلق أى لحوم )

وبعدين تغيرى الماء كمان مرة علشان لو فى أى رمل يكون خلصتى منه تماما

وقبل ما توصل للنضج تشيليها من الماء ..
(كرشة البقر بتكون أجمل من كرشة الضأن لأنها أكتر دسم )


وتكونى قبلها بساعة ناقعه حمص أكل ( مش حمص البليلة )

وتقطعى بصلة وشوية توم وفى ملعقة سمن تشوحيهم .. وبعدين تشوحى الكرشة والحمص معاهم

وبعد كده تحطى عصير طماطم ومعلقة صلصة .. وتسبيهم يتسبكوا على نار هادية ..

لأن كل ما الكرشة شربت من الطماطم كانت أجمل .. وطبعا تحطى ملح والكمون أهم حاجة ..

وبألف عافية ..

وأحنا بنحب أكلها مع فتة الخل والتوم

الله يعافيك و تسلم ايدك اختي الغالية بوسي ... هذي لازم اعملها ولازم كما اتكلم عنها في موضوع وصفات تستحق لقب يا لزيز يا رايق لأنها حتما حتكون رايقه كثير ..

بالنسبة لحمص الاكل ... ايه ده ؟! .... ممكن توصفيه

تسلمى أختى العزيزة ..

وأن شاء الله تعجبك .. الحمص بصراحة مش عارفة ليه وصف تانى ..

لكن هو حبوب صغيرة ومقسومة نصفين .. وأنا بشتريه من السوبر ماركت .. بأقوله حمص أكل..

وممكن من عند أى محمصة وفهميه أنه للطبخ حيعرفه .. ويمكن هو أحلى ما بيميز الكمونية المصرى ..

وياريت تقوليلى أول ماتجربيها

ايه ده يا بوسي؟!!!!!! ما انتي اسطة اهوووو؟! تسلم ايدك.

تسلمى أم ديمة .. دى كام أكلة بس حفظاهم .. ( خليها فى سرك )

سرك في بير يا بت يا بوسي!!! عجبني جدا الدجاج المغربي في افطارك امس....راح اجربه في الايام الجاية باذن الله.

كان جنااااااااااااان يا أم ديمة .. روعة واللهى .. تسلم مى على الطريقة ..

بس أنا أضفت طماطم مع الصلصة .. وكمان بدلت الحمص بقراصيا .. بس جنان فعلا

والشوربة كمان حلوة .. يسلموا .. وجربيها بألف هنا

الله يسلمك ويبارك فيك

شكرا فرحة .. على مرورك الكريم وجربيها وقولى رأيك ..

يعطيك العافية