❤ كرات اللحم السويدية ❤ ❤ بعد طول غياب من مطبخ وقلب بيرو لعيونكم ❤
فى البداية
افتقدكم بشدة
اشعر بحنين يجتاحنى لكل ركن فى اركان المنتدى
ورغبة جامحة فى معانقة كل صديقة واخت وام فى هذا الصرح الدافئ
فانا بالفعل احبكم
نرجع للاكلات والسفرة التى تجمعنا حولها
اكلتنا النهاردة بسيطة وسهلة بس طعمها جميل
كرات اللحم السويدية
300 جرام لحم مفروم
بصلة متوسطة مفرومة
ثلث كوب لبن حليب
2 ملعقة كبيرة بقسماط مطحون
(كرات البطاطس الموجودة مش فى الوصفة بس كانت موجودة)
نضع اللحم مع البصل مع الحليب مع البقسماط
والبهار ملح وفلفل اسود بس
نخلطهم جيداً
نشكلهم على شكل كرات
وفى ملعقة زبدة معها نقطتين زيت
نحمرهم
لغاية ما يكتسبوا اللون الذهبى
نطلعهم على جنب
للصلصة البيضاء
نحتاج
ملعقة ونصف دقيق
كوب شوربة لحم او شوربة فراخ
كوب الا ربع كريمة
نضع الدقيق على الزبدة اللى حمرنا فيها كرات اللحم
ولما يبدأ لونه يبقى اصفر نضيف الشوربة والكريمة
ونرص الكرات فى قالب (انا استخدمت القوالب الفخار الصغيرة)
وفى بعض القوالب حطيت كرات البطاطس اللى كانت عندى مع كرات اللحم
وغطيتهم بالصلصة البيضاء
ودخلتهم الفرن لغاية ما الوش يتحمر
واتفضلوا بالف هنا وشفا حبيباتى
تعليق