مساء الخير للحلوين

وانشالله يجعل مساكم سعادة وهنا

لو سمحتم بدي حدا يفهمني كيف استخدام صواني القصدير وهل بتفرق بالوقت وعن تجربة اذا طبقتم فيها شي وكيف التعامل معها

ارجو الرد عزيزاتي

اهلين نهيل كيفك حبيبتي وحمدلله على سلامتك انتي والبيبي
انا كنت اجيبها لما اعمل صواني الكفتة او لما اعمل سينابون في ناس بعملو فيها صواني اللحمة بتشبه الالمنيوم بانه الاشي بستوي فيها بسرعة مرات بعمل سينابون فيها لما اكون بدي اروح عالمنتزه انا والولاد يعني انضف وبتوفر عليكي جلي هههههه

كتبت بواسطة مجد الاقصى

اهلين نهيل كيفك حبيبتي وحمدلله على سلامتك انتي والبيبي
انا كنت اجيبها لما اعمل صواني الكفتة او لما اعمل سينابون في ناس بعملو فيها صواني اللحمة بتشبه الالمنيوم بانه الاشي بستوي فيها بسرعة مرات بعمل سينابون فيها لما اكون بدي اروح عالمنتزه انا والولاد يعني انضف وبتوفر عليكي جلي هههههه

تسلمي حبيبتي
الله يسلمك ويخليكي وانشالله انت والاولاد بالف صحة
انا بدي افهم كيف تستخدم بالضبط

عادي يانهيل بتحطي مثلا الكفتة فيها وبيجي معها زي كرتونة غطى يعني الها بتعملي الكفته وبتغطيها وبتدخليها الفرن عادي وبتقدري تسكريها بانك بتتني طرافها على الغطى بهيك بتسكر مزبوط وخلص حاولي تحطي تحتيها صينية اكبر منها وبس تحطيها بالفرن تحملي الصينية لانها بتكون طرية وبتخافي توقع لاسمح الله فبتحملي الصينية اسهلك خصوصا لما تكون سخنة واي سؤال انا حاضرة

و أضافة إلى ما ذكرته الأخت مجد
اهم شي يا اخت نهيل درجة حرارة الفرن تكون أقل من المعتاد

وبامكانك عمل الكيك فيها او الكب كيك

موفقة

تسلمن عزيزاتي مجد ووعود الف شكر

الاخوات اللي قبلي ما قصرن
انا بستعمل الحجم الصغير منها للكب كيك
بحط ورقة البليسيه بداخلها واحط الكب كيك بس المهم انك ترتبيهم في صينيه اكبر منهم عشان سهولة التعامل معهم
ايضا جربت فيهم البسبوسه فطلعت ميني بسبوسه بس من غير ورق بليسيه
هادا بالنسبه للحجم الصغير
اما الاحجام المتوسطه استعملتها لطبخ رز المندي في الفرن عشان عائلتي صغيره
وعشان بتوفر عليك الجلي
يا رب اكون افدتك

عادي استخدميها كنها صينية عادية ما في شي مميز يعني