بسم الله الرحمن الرحيم
كيفكو يا حلوين يا طعمين يا احلى ستات بيوت معدلين
اليوم طبختي ليكو فلسطينية خليلية من الصميم
ما بعر فاذا بتعرفوها بس هي طبخة بسيطة عتيقة فش فهيا غلبة كتير
اتفضلو معي نشوف طبختي
اول شي نسلق اللحمة ونشيل زفرتها وضيفلها المطيبات
من بعد سلق الجاج صفيتة بالصينية وبهرته وشويته
معلقة سمنة سختتها على النار وضفتلها ملح وفلفل وبهار وكركم
قليت البهارات بالسمنة اشوية...ورح تشمو ريحة البهارت كتير زاكية بهاي الطريقة
صفيت الرز المنقوع وضفته للبهارت
قلبتهم اشوية مع السمنة والبهارات
ثم ضفتلهم المرقة لحتى يتفلفلو
المرقة طعمتها تجنن ودسمة...لاني اصلا ما كترتش مية لما سلقت الجاجة
الجاج من بعد ما شويته
اول ما يبلش الرز يتشرب المرقة اضيفله شقف الجاج اللي شويتهم
زي ما انتو شايفين
يعني دفنت الجاج بالرز
واهدي النار عليهم
وبصينية الشوي لانه كلها طعمة الجاج حطيت نص معلقة من السمنة البلدية وبس دابت
ضفتها على وجه الجاج وغطيت الطنجرة وتركتها كمان نص ساعة لحد ما الرز كمل اسوا
وبس تفتحو الطنجرة رج تشمو ريحة البهارات مع السمنة البلدية ممممممم اشي بجنن
[IMG]https://fbcdn-sphotos-a.akamaihd.net/hphotos-ak-ash4/422437_361663193866508_134291739936989_1121816_100 7106403_n.jpg
[/IMG]
اوعملت جنبها سلطة بسيطة بنجورة وبصل شرحات وتبلتهم بملح ولمون ونعنع ناشف
وهي طبختي بعد نص ساعة الرز اتفتح والجاج هيك مقرمش وطري بنفس الوقت
وقعدنا بها الشمسات في البرندة وسوسو ولولو كتير انبسطو
وريته صحة وهنا عقلبكو جميعا يارب
تحياتي
الماسة
ام سوسو ولولو وعبد الله
الروابط المفضلة