حبيباتى
ازيكم
شوفوا بقى
انا النهاردة بدأت حملة شرسة مفادها أكلات دسمة ومغرية
ولا تقولولى اكل صحى ولا دايت ولا الكلام اللى مايجبش همه معايا
يارب المشرفات مايطردونيش او يعضونى
أول وصفة بصراحة اختراااااع رغم بساطتها
الا انها وجبة غذائية متكاملة وفخمة فى العزومات
2 كوب أوراق سبانخ طازجة
2 حبة بطاطس مسلوقة ومهروسة
نصف كوب كريمة
بصلة مفرومة
4 ملعقة كبيرة جبنة شيدر مبشورة
2 ملعقة كبيرة جبنة بارميزان
رشة ملح وفلفل اسود
زيت زيتون لعيون الحبايب
فى ملعقتين زيت زيتون نشوح البصلة حتى يبدأ لونها يتغير
نقطع السبانخ ونقلبها مع البصل لحتى تذبل
مع رشة بسيطة ملح وفلفل اسود
لا تكثرى الملح لأن الشيدر والبارميزان مالحة
نضيف الكريمة ونقلب
وبس تبدأ الكريمة تغلى نضيف الاجبان ونقلب على نار هادئة حتى تذوب الاجبان
نيجى للبطاطس .. نملحها بسيط ونكورها كرات ونرصها فى الصينية البايركس
أو اى صينية ينفع تقدمى فيها مباشرة
نصب عليها خليط السبانخ والكريمة
ونهز الصينية بهدوء علشان الخليط يتخلل الكرات
وندخلها فرن ساخن لمدة 25 دقيقة او نصف ساعة حتى ياخد الوش لون احمر حلو
ممكن تضيفى موزاريلا لكن انا اكتفيت بنوعين الجبنة الموجودة
بصراحة الطعم خياااااال فوق ما كنت اتصور
قدمتها مع سلطة وعيش وبس ممكن تعملى جنبها رز ابيض براحتك
يلا نشوف النتيجة ونستمتع بالصور
ويارب تعجبكم
الروابط المفضلة