وين الفزعه
شو هو الحراق باصبعو اكله سوريه

أختي أم عمر انا بنت الشام واجيتك بسرعة قبل ما تعصبي
الحراء بأصبعوا قد مو سهلة وقد ماالها لبكة
اولا بتصير بالعجينة وبتصير بالمعكرونة
بالعجينة عبارة عن عجينة الخبز من الفرن بتشتريها وبترقيها رقية جدا وبتقطعيها وبتنشفيها بالطحين وبتنخليها خلصتي من العجينة بتكوني عاصرة التمر هندي واكيد بتعرفي بتنقعي بالماء الساخن وبتعصري وبتزيدي ماء وبتطيه بوعاء السلق وبتسلقي العدس المنقى طبعا عدس الاسود مو الاصفر وبتسلقه ليستوي العدس وبتضيفي العجينة المرقوقة وبتركزي الملح والحمض
وبتتركيها ربع ساعة لتستوي العجينة وبتنفش العجينة الوعاء واذا كانت سميكة المرقة بتزيدي ماء او تمر هندي المعصور بس تستوي العجينة
بتكوني قالية البصل شرايح مستطيلة بالزيت الزيتون بتصبي الزيت يلي قليتي فيه البصل وبتضيفي شوية بصل مقلي والباقي بتزيني فيه الوجه
وبتضيفي الكزبرة الخضاء المفرومة والثوم المدقوق من غير ما تقلي الثوم بس مدقوق ناعم وبتطفي النار وتسكبيه وبتزيني الصحن بالكزباء الخضراء والبصل المقلي فوق الكزبرة ورقائق الخبز بتكوني محمرتي بالزيت واكيد بتعرفي كيف الخبز بيتقطع وبيتحمر
بتزيني الصحن وبتاكليه بالهناء والعافية
واذا بدك اي سؤال انا تحت امرك واكيد مافهمتي على شرحي لانني اتكلم سوري
وهذه الاكلة متل ما ذكرتلك سهلة صعبة
وانشاء الله بتعجب الكل

تسلمي يا اخت ورقه ليمونه
وصفة رائعة

يخليلي ياك والله يسلمك حبيبتي ضوء القمر

انا بسويا بالمعكرونة اسهل و ما بتاخد وقت من مرة