مشاركتي متأخرة ولكن لم أستطع إلا وأن أشارك معكم ولو بموضوع
وهو الكبسة
من نحنا وصغار الوالدة بتعمل كبسة طيبة كتييير
و راائعة جداً وفيها نكهة سورية شامية لذيذة كتير
هي إضافة السمن العربي البلدي
أترككم مع الطريقة
المكونات
2كيلو لحم أو دجاج
بصلة
2حبة بندورة
4 حصوص ثوم
4ملعقة صغيرة بهارات كبسة
2ملعقة صغيرة فلفل حار بودرة
10 حبات هيل و10 حبات مسمار وعودين قرفة
ملح , 10 حبات لومي

نسلق الدجاج أو اللحم ونزيل الريم أو الغتوة عند ظهورها
نغلي ماء نظيف ونضيف قطع الدجاج مع البصلة والثوم والبندورة والهيل والمسمار والقرفة وبهارات الكبسة والفلفل الحار
بعد نصف ساعة تقريباً نضيف حبات اللومي المغسولة وبعد أن نعمل بها شق بواسطة السكين

في هذه الأثناء نحضر الأرز وذلك بغسله ونقعه مدة نصف ساعة

ونحضر الصلصة الباردة وهي مكونة من بندورة مقشرة ومقطعة ناعم ,توضع على النار حتى تستوي وتتعقد ويُضاف لها الملح لتقدم إلى جانب الكبسة

لتحضير الأرز
نقطع بصلة مكعبات و2 حص ثوم مهروس ونقلب البصل والثوم مع القليل من الزيت النباتي حتى يتحمر
نضيف
ملعقتين كبار من صلصة البندورة التي حضرناها ونضيف الأرز ويُقلب ونضيف مرقة اللحم بمقدار 1سم فوق الأرز
نحضر المكسرات لتزيين الكبسة
والمميز بهالخطوة أنو رح نقليها بالسمن العربي
ونراعي وضعها بالمقلاة حسب الحجم نضع اللوز والكاجو أولاً حتى يبدألونن يتغير ثم نضيف الصنوبر ولما يبدأ لونو يتحمر نضيف الكشمش أو الزبيب الأصفر
بهالطريقة بنضمن مكسرات محمصة بلون دهبي وشهي

نضيف السمنة العربي يلي حمصنا فيها المكسرات كتقلاية للرز ونغطي الأرز بكيس نايلون بس تنشف المي ونتابع طبخ الأرز كما هو معروف

بعد استواء الأرز نسكبه في طبق التقديم ونضع عليه قطع اللحم واللومي وبعض حبات الهيل والمكسرات
كبسة لحم غنم

كبسة لحم رقبة خروف كاملة

وبالنسبة للدجاج يوضع قبل التقديم بفرن حامي شغال من فوق فقط حتى يتحمر

يقدم إلى جانب الكبسة
صلصة البندورة يلي حضرناها مناسبة جداً للأطفال والناس يلي ما بتحب الأكل الحار
وسلطة الجرجير المميزة
عبارة عن جرجير مغسول ومقطع مع رشة ملح وعصير ليمون

وتُقدم أيضاً الصلصة الحارة للأسف لا توجد عندي بشكل مصور وهي :
ليمونة ,بندورة ,دبس فليفلة ,فليفلة خضرا حرة,بصل أخضر,نعنع أخضر,ملح ,ملعقة صغيرة زيت الزيتون,
تخلط جميعاً بالخلاط وتُقدم
وصحتين وهنا

رووووووعة يا بسمة
ما شاء الله
تسلم ايدك يارب وايد الوالدة
ان شاء الله بدي اجربها

تسلميلي مجود
يخليلي ياكي يا رب

ماشاء الله وصفة شهية يعطيك العافية

الله يعطيك العافية

مشكوووورة على الطبق اللذيذ

تسلم إيديكي

بسم الله ما شاء الله
وصفات بمنتهى الروعة

تسلم الايادي المعدلة

يسلمو ايديك بسومة وصفة في منتهي الروعة

صحتين وعافية يارب

تسلم الايادي
الكبسه طالعه
تحفة من تحت دياتك