اول مرة اشارك في ركن الاطكباق الرئيسية ويارب اقدم حاجة تفيدكم

الكل بيحتار ويفكر ياترى يعمل ايه في العزومات البسيطة او حتى للتغير في روتين الاكل اليومي او الاسبوعي والاجازاتوكلنا بنحب التجديدعملت عزومة بسيطة لبابا يوم الجمعة وحبيت انقلكم الاطباقيارب يعجبكم يا قمرات

عملت صواني رقاق حادق وحلومكرونة بشاميلرز بالشعرية

صنية فراخ مشوية

نبدا بصنية الفراخ

فرخة متوسطة ونقسمها من الضهر انا تبلت الفرخة قبلها بكام يوم

وكانت التتبيلة عبارة عنملح وفلفل وكمون وبهارات وكسبرة ناشفة وتوم مدقوق وبصل مقطع صغير جدا ومستردةوتتبلي الفرخة كلها بيها وتحت الجلد والعضم وتلفيها في كيس وتشيليها في الفريزر يوم او يوميناو في التلاجة ليلة العزومة

نجهز الصنية ونقشر بطاطس وجزر وبصل وخضرة وتوم ونتبل الخضاروياريت البطاطس تكون مقطعة شيبسي وطماطم على الوش

وبعد كده نحط الفرخة على وش الصنية

ونزودها ماية ونسويها نص ساعة على البوتاجاز من فوقوبعد كده نزودها شوية ماية كمان قيمة نص كوباية او على حسب ما تشوفيها محتاجةوتدخليها الفرن من تحت عشان تحمر وشهاوبعد كده تطلعيها على الرف التاني للفرن

ودي نتيجتها

ندخل بقى على الطبق التاني وهو المكرونة بالباشاميل

انا يومها مكانش عندي غير مكرونة عقل صغيرةفي العادة باعمل مكونة قلم ( مشطوفة ) او اسباكتيلكن يومها اتزنقت وعملتها بالعقل الصغيرة بس النتيجة كانت مرضية الحمد للهسلقت المكرونة عادي وحطيت عليها شوية ملح ومعلقة زيت وهي بتتسلقوبعد السلق غسلتها بماية سخنة وبعد كده تتبليها وتحطي عليها شوية سمنة وتقلبيها بشوية باشاميل

تحضري صنية قالب او دورانوتدهنيها وترشي فيها كمية من البشاميل كويسة وبعد كده تحطي اول طبقة من المكرونةوترشي عليها بشاميل واللحمة المفرومةوبعد كده شوية بشاميل وطبقة المكرونة التانية والاخيرةونصب طبقة البشاميل الاخيرة وندخلها في الفرن

ودي بعد طلوعها من الفرن

اللحمة المعصجة تحطي عليها ملح وفلفل وتوابل وخضرة وبشر جزر وفلفل اخضر وشطة بسيطة

انا عملت البشاميل بطريقة سهلة

تحطي خمس معالق كبيرة سمنة وعليهم ست او سبع معالق دقيقي كبيرة وانا بحط نص كوب دقيق صغيرة

ونقلبها وبعدين نحط كيلو لبن ونقلبها بسرعة ومهما قلبت بتكلكع برضو

فباختصر واخدها في الخلاط او تضربيها بالمضرب الكهربائي وتكوني متبلاها بالملح والفلفل والبهارات وممكن مكعب دجاج

ودي نتيجتها

الرقاق

بتجيبي الرقاق جاهز من المحلات
وتسقيه في الشوربة
وياريت الشوربة تكون تقيلة ومتزوديش الشوربة ماية لما تيجي تسقي الرقاق عشان يكون دسم وما يحتاجش لسمنة
بتسقي رقاقة رقاقة وترصيها في صنية مدهونة
قيمة ست او سبع رقاقات وبعد كده رشيتها شوربة وحطيت اللحمة المفرومة وبعد كده رشيت شوية شوربة بسيطة كبشة مثلا
وحطيت ست سبع رقاقات كمان بنفس الطريقة
وبعد كده رشيت على وش الرقاق شوربة وسيبتها على جنب شوية ودخلتها الفرن من فوق
وخدوا بالكم محطيتش سمنة خااااااااالص على الرقاق وطلع جميل وطري وخفيف
ولما طلع من الفرن رشيت عليه كبشة شوربة وهو سخن ولفيته بفوطة عشان يكون طري
ودي النتيجة







وعملت كمان رقاق حلو
بنفس طريقة الحادق بس بدل الشوربة لبن
سقيت الرقاق باللبن وحطيت بدل اللحمة سكر وبشر وزبيب ولو عندك مكسرات حطي بس تكون مفتتة
ورشيت لبن بعد ما حطيت السكر والبلشر وبعد كده حطيت بقية الرقاق ورشيت على الوش لبن وقشطة
وحطيته في الفرن في الرف اللي فوق وبعد ما طلع رشيته بلبن وغطيته بفوتة برضو
طعمه تحفة بجد





وده شكل الصواني
بس معلش محدش اداني فرصة اصور بعد ما قطعت الاكل ورصيته في الاطباق
كانوا ماتوا من الجووووووووع ونزلوا على الاكل من غير كلام

والحلو جاتوه من محل مميز عندنا
اسمه محل بابيش

ماشاء الله

شكل الاطباق بيشهي

صحة وعافية علي قلوبكم

وتسلم ايدياتك

بسم الله ما شاء الله عليكى تسلم اديكي حبيبتى وممكن تقوليلى اذاي قطعطي الفرخة كدة اصل اختك مبتداة

تسلمييييييييييي

تسلم الايادى والله عملتى احب الاكلات الى قلبى خاصة الرقاق اخخخخخخخخخخخخخ يا ريتى كنت معزومة هههههه

مااشاء الله الاكل روووووووووعه يسلمو الايادي وبالف هنا وشفا علي قلوبكم

ماشاء الله تسلم الايادى

وصحتين وعافيه

كده برضه يا ام يوسف
متعزمنيش
بس عموماً هاخد نصيبي من كل الصواني

وموش هنسى نصيبي من الحلو

تسلم الأيادي المعدلة
أم يوسف
يارب العزومة اللي جاية أكون معزومة
وإلاااااااااااااااااااا
هه