اقدم لكم اليوم محشى ورق عنب وكوسا بالريش من مطبخى
نعمل بقى التسبيكه او التخديعه ( كلها لهجات مصريه)ههههههه
فنقول افضل نعمل صلصه المحشى
طبعا بصل مبشور نشوحه فى معلقتين سمن لحد يصفر وبعدها نضيف معلقه ثوم وجنزبيل مفروم ولما تدبل نضيف عصير الطماطم المصفى ونضيف علبه صلصه كامله ده فى حاله لو الطماطم كانت مش حمرا كفايه ونضيف ملح وفلفل اسود مطحون ونسيبها لحد ما تتسبك وتتقل خالص بيكون شكلها كده
بعدها فرمت الخضره ( شبت وكزبره) وضفت معلقتين كبار ثوم مفروم
معلقه مطحون(الحبهان- قرنفل -ورق لورا- نعناع)
بعدها غسلت الرز وصفيته كويس وضفته للخلطه
دى كده خلطه المحشى المعتمده عندى
بعدها نخلى الخلطه على جنب ونروح نحضر حله المحشى الاول
شوحت الريش فى شويه زيت زيتون
كده الريش اتشوحت وشويه الزيت الصغيرين اللى اتشوحت فيهم احتفظت بيهم زى ماهما
جبت الحله رصيت اول طبقه ترنشات سميكه من البصل وكام فص ثوم
بعدين رصيت طبقه بطاطس شرائح
بعدها رصيت الريش وصبيت عليها الزيت اللى شوحتها فيه وهو قليل جدا مش كتير لكن بيحتوى على نكهه التشويح
ورشيت رشه ملح وفلفل وبهار عليهم
بعدها خدت الخلطه بتاعه المحشى اخدت جزء منها ضفت عليه لحمه مفرومه معصجه وحشيت الكوسا
بعدها بباقى الخلطه لفيت ورق العنب ورصيتو فوق الكوسه
ورصيت عليهم شرائح طماطم وقطع من فصوص الثوم
رشيت على الوش شويه زيت زيتون وثلاث اكواب شوربه لحم عليها معلقه ملح ليمون وتركت الحله على النار حولى نص ساعه على نار قويه بعدها نص ساعه على نار هاديه جدا ودى النتيجه
[CENTER]
*وصفه مبتكر******محشى ورق عنب وكوسا بالريش الضانى من مطبخى ليكم*****...........!!!!!
رد مع الاستدلال
كتبت بواسطة لالي لافندر
الروابط المفضلة