دى مشاركة بسيطة منى
للحبوبة روزا بملف الأطباق الحمراء

اللحمة بالدمعة بطريقتى

المقـــادير

1/2 1 لحمة مكعبات

حوالى 5 معالق زيت أى نوع

2 بصلة متوسطة

5 فصوص ثوم مهروس

ليمونة ملح وفلفل أسود

قرفة - فصين حبهان

ورق لورا - بهارات إيطالية أو أوريجانوا وريحان ناشف

1 معلقة خل

3 معالق معجون الطماطم ( صلصة)

1 معلقة سكر ممسوحة

الطـــريقة

تنظف اللحمة وتغسل جيدا بالخل

تسخن الحلة لدرجة حرارة عالية ثم نضع بها اللحمة

وتقلب من آن إلى آخر حتى تنشف ثم نضع الزيت
وتحمر اللحمة فى الزيت ونضع معها البصل والثوم

بعد ما تتحمر اللحمة من جميع الجهات نضع عليها
التوابل كلها ما عدا الملح وتغطى بالماء ونضع معها الصلصة

ونهدى عليها النار وتغطى

يوضع الملح فى الآخر للإسراع بعملية السوا

ثم تغرف وتقدم بالهنا والشفا

ممكن تحمرى بصلة وفلفل رومى أخضر
ويوضع عليها عند التقديم



تقدم مع الأرز الأبيض



أرجو أن تحوز مشاركتى على إعجابكم وإعجاب روزا

جربوها وإن شاء الله تعجبكم

اكيد عجبتنا الوصفة

تسلم الايادي المعدلة

مشاركة رائعة بارك الله فيك

تسلم ايدك
طبعا عجبتني جدا
وذكرني هذا الطبق بوالدي الله يرحمه
كان يحب هذا الطبق مع الملوخية حتى لو طابخين أرانب أو فراخ مع الملوخية

سلم ايديكى طبق حلو وانا بعمله كتير مع انى بحس ان اللحمة بتاخد وقت اطول من السلق

كتبت بواسطة shoshw

سلم ايديكى طبق حلو وانا بعمله كتير مع انى بحس ان اللحمة بتاخد وقت اطول من السلق

كلامك مظبوط فعلا ولذلك انا باسوي اللحمة الأول بدون وضع الطماطم لمدة ساعة وبعد ذلك باضع الطماطم

طبعا عجبتنا

يخراشي بجد روعة

تسلم ايدك

كتبت بواسطة لالي لافندر

اكيد عجبتنا الوصفة

تسلم الايادي المعدلة

مشاركة رائعة بارك الله فيك

تسلمى لى يا غالية
كلامك أسعدنى شرفتينى لولو

كتبت بواسطة roza1

تسلم ايدك
طبعا عجبتني جدا
وذكرني هذا الطبق بوالدي الله يرحمه
كان يحب هذا الطبق مع الملوخية حتى لو طابخين أرانب أو فراخ مع الملوخية

الله يرحمه ويرحم موتى المسلمين جميعا
فعلا أنا أحب آكله مع الملوخية متعودين لما نعمل ملوخية لازم حاجة حمرا جنبها هههه مش عارفة ليه
ممكن كمان يتآكل مع الكشك للى بيحب الكشك
تسلمى يا قمر وكل ملف وإنت طيبة

كتبت بواسطة shoshw

سلم ايديكى طبق حلو وانا بعمله كتير مع انى بحس ان اللحمة بتاخد وقت اطول من السلق

كتبت بواسطة roza1

كلامك مظبوط فعلا ولذلك انا باسوي اللحمة الأول بدون وضع الطماطم لمدة ساعة وبعد ذلك باضع الطماطم

كلامكم سليم بالذات هنا اللحمة كاوتش
علشان كده بنغسل اللحمة بالخل كويس وأسيبها منقوعة شوية فيه علشان تطرى
كمان بأحط معلقة خل وهى بتستوى ومعلقة السكر الممسوحة وبنخلى الملح للآخر ... طبعا بتآخد وقت جامد على النار بس بتطلع أشهى وأذكى من لما بتتسلق الأول

مشكورين حبوبات على مروركم

كتبت بواسطة ذكريات رائعة

طبعا عجبتنا

يخراشي بجد روعة

تسلم ايدك

مرورك الأروع حبيبتى