ღ♥ وصفة مبتكرة ღ♥مجموعه محاشى مشكله من مطبخى اليكم مباشره
السلام عليكم يا قمرات
وعيد سعيد عليكم
هاه قضيتوا العيد فيييييين
وطبعا اتوصيتوا بالكحك والبيتفور
وكلنا تخنا ييجى 2 كيلو كده
ههههههههه وانا قلت بقى بجمله
التخن يعنى ناكل محشى ههههه
وقد كان فعلا محشى مشكل
روووووووعه بجد وطبعا كلنا بنموت فى المحشى
ما عدا جوزى هههههههه
هو الوحيد فى مصر الى مش بياكله
اعتقد ههههههه
بس انا ولا بيهمنى باكله عند ماما
ههههههههه
المهم بلاش رغى ندخل فى الموضوع
علطول
المقادير
باذنجان ابيض صغير
باذنجان اسود صغير
فلفل رومى
ورق عنب مسلوق مع رشه كمون
وعصير ليمون
كوسه بس انا مكنش عندى المره ده
الطريقه
طبعا بنقور او بنحفر الكوسه
والباذنجان الابيض والاسود
والفلفل بنشيل قلبه كويس
مقادير وطريقه الخلطه
المقادير نسبيا حسب طبعا كميه المحشى
يعنى بالتقريب كده
بصل كتير مفروم
طماطم معصوره
بقدونش وشبت وكسبرة خضراء
ارز مصرى مغسول ومصفى كويس
ملح وفلفل وشطه وكمون وبهارات
ورشه نعناع
مكعب مرقه لو عاوزة
سمن او زيت او خليط مع بعض
الطريقه
ممكن تحطى كل المكونات مع بعض
على البارد ويبقى نى فى نى
او ممكن بالطريقه المسبكه
اننا نحمر البصله الاول لغايه ما تصفر
وبعدين نضيف الطماطم والبهارات
حتى تتسبك نضيف الخضره
وفى الاخر خالص الارز تقليبه واحده
وبعدين طبعا نحشى الباذنجان والفلفل
مع بعض فى حله واحده
ولاحظى وانتى بتحشى متمليش
الباذنجانه للاخر علشان تراعى انها لسه هيزيد حجمها مع السوى
ونلف ورق العنب لوحده فى حله
وبعدين نحضر شوربه كده تكون حلوة
يعنى فراخ او بط مثلا المهم شوربه
ماسكه نفسها ودسمه ههههههه
او طبعا مايه بس الشوربه هتدى طعم احلى بكتير وتكون ساخنه
نغطى بيها المحشى ونسيبه الاول
على نار عاليه لغايه ما يغلى نهدى النار حتى يستوى
وده شكل بعد الحشو
وده شكل ورق العنب
وده لما استوى
وده ورق العبن بعد السوى
وده فى الطبق
وده كمان بعد الغرف
وده صورة كمان
وده اقرب لوق العنب
اعذرونى ملحقتس ارصه كويس كنا صايمين
ومحدش صبر عليا ههههههههه
رد مع الاستدلال
كتبت بواسطة ورودالاردن
الروابط المفضلة