عزومتى التانيه لمامتى بالصور طبعا

**whietangel** · 02-09-2010, 05:53 AM

عزومتى التانيه لمامتى بالصور طبعا

السلام عليكم ورحمه الله وبركاته

كل سنه وانتم طيبيين

العزومه ده كانت لماما

عملت اصناف حلوة اووى وسهله
كمان والحمد لله الاكل عجبهم اووووووى
احنا كنا 6 افراد
شوفوا كده شكل السفره الاول

عملت الاصناف ده
فراخ مشويه بالفرن نفس طريقتى السابقه
بس نسيت اصورها لوحدها هتشوفوها على السفره

عملت لحم بعجين او فطائر باللحمه

وعملت جلاش بالجبنه البيضاء والفلفل الرومى

وبفتيك مقلى

كفته بطاطس باللحمه المفرومه

ارز بالكبد والقوانص

والحلو كان مهلبيه بالجيلى

نبدا الاول بالارز بالكبد والقوانص

المكونات ارز بسمتى نصف كيلو

نصف كيلو كبد وقوانص او ممكن كبده بس

ملح وفلفل وقرفه للارز

حطيت الزيت وضفت عليه بصله مفرومه وتوم نفروم

وحطيت الكبده عليهم وشوحتها شويه وبعدين حطيت ملح وفلفل
وكمون وعصره ليمون وبس وسبتها لغايه ما استوت

الارز
حطيت السمن على النار وضفت الارز المغسول وبعدين ضفت
الملح والفلفل والقرفه وسقيته بالماء المغلى لغايه ما استوى
وعند التقديم حطيت عيليه الكبد على الوش

طريقه الجلاش بالجبنه

وده الحمد لله عجبتهم اووى وكان طعمه خفيف ورائع

جلاش نصف كيلو
جبنه بيضاء اى نوع
فلفل رومى مقطع
زيت لدهن الطبقات

الطريقه افرد الجلاش واحط بين كل طبقه والتانيه
زيت وبعدين فى النصف احط الجبنه والفلفل
وفى الاخر اضيف كبايه لبن مع بيضه
ورشه فلفل اسود
واحطه فى الفرن

اللحم بعجين او فطائر اللحمه

العجينه

3 اكواب دقيق
نصف كوب زيت
ماء للعجن
خميره جافه معلقتين
2 معلقه لبن بودره

الحشو
لحمه مفرومه
بصل مفروم
بقدونس مفروم
فلفل مقطع
ثوم مفروم
طماطم مقطعه
توابل ملح وفلفل وسماق وبهارات

الطريقه اخلط العجينه واسيبها ترتاح وتخمر
وبعيدين اقطعها حوالى 15 قطعه
وكل قطعه افردها واحط عليها الحشو واسيبها تخمر تانى
وبعدين احطها فى الفرن

البفتيك

لحمه اسكالوب
تتبل ببصل وتوابل ملح وفلفل
وبهارات وبعدين احطها فى البيض والبقسماط
وتحمر فى الزيت

كفته البطاطس

عباره عن بطاطس مهروسه
بصل مفروم
بقدونس مفروم
معلقتين بقسماط
بيضه
ملح وفلفل وبهارات

الطريقه
اخلط كل المكونات واصبعها صوابع
وبعدين احطها فى البقسماط
وتحمر فى الزيت

وده صوره تانيه للسفره

وده من قريب شويه

اعذرونى لاننى بصور من الموبايل
ويا رب تعجبكم اكلاتى البسيطه واى سؤال انا تحت امركم

**اريناس** · 02-09-2010, 07:42 AM

صحه وهناااااء ع قلبك --------- العجين بلحمه عطيناا طريقه العجينه

وخلطه اى فوق منه

بصررررراحه شكله حلوو وخطرتى علياا امتاع المطعم

**ام مجتبي** · 02-09-2010, 09:18 AM

ماشاءالله الله يحفظ لك ماماتك

انا عندي عزومه النهارده ونفسي اعمل بفتيك ياريت الخطوات بالتفصيل وقولي هو شكل حلو بالعزومات الكبيره ينفع يعني وتسلمي يارب

**لالي لافندر** · 02-09-2010, 09:36 AM

تسلم الايادي على السفرة الرائعة

ربي يحفظ امك ويخليها

عزيزتي ضعي كل وصفة بالركن المناسب لها
مثلا اللحم بعجين والفطاير ....في ركن المعجنات
وضعي الرابط هنا

بارك الله فيك

**ام مهند2009** · 02-09-2010, 10:49 AM

ماشالله عليكي ست بيت يخليلك مامتك صحه وعافيه

**whietangel** · 02-09-2010, 05:32 PM

كتبت بواسطة اريناس

صحه وهناااااء ع قلبك --------- العجين بلحمه عطيناا طريقه العجينه

حبيبتى الطريقه بتحطى الدقيق وعليه الزيت واللبن البودره وتخلطييه كويس وتكونى محضره الخميره مدوباها مع كوب ماء دافىء وشويه سكر تجيبها وتعجنى بيها العجينه لغايه ما تبقى غير لاصقه باليد تسيبيها ترتاح شويه وبعدين تقطعيها حوالى 15 قطعه وتفرديها زى الصور وتحطى عليها خليط اللحمه وتسيبيها تتخمر تانى وبعدين تخبزيها

وخلطه اى فوق منه

خلطه اللحمه يا قمر

بصررررراحه شكله حلوو وخطرتى علياا امتاع المطعم

شكرا ي قمر

كتبت بواسطة ام مجتبي

ماشاءالله الله يحفظ لك ماماتك

انا عندي عزومه النهارده ونفسي اعمل بفتيك ياريت الخطوات بالتفصيل وقولي هو شكل حلو بالعزومات الكبيره ينفع يعني وتسلمي يارب

تسلمى يا جميل بصى اولا بتجيبى الحمه من الجزار تنقعيها ببصل مفروم وملح وفلفل وبهارات وممكن شويه خل وعصير ليمون واى توابل تانيه بتحبيها
وبعدين تجيبى الدقيق تغطيها بيه ثم البيض ثم البقسماط وتسبيها شويه بالثلاجه
ثم تقليها بالزيت
بالنسبه لشكله اه حلو وينفع للعزومات بس لو كبيره اووى ممكن تعملى جنبه اى صنف تانى يعنى فراخ او اى دواجن اخرى انا كنت عامله معاه فراخ

كتبت بواسطة لالي لافندر

تسلم الايادي على السفرة الرائعة

ربي يحفظ امك ويخليها

عزيزتي ضعي كل وصفة بالركن المناسب لها
مثلا اللحم بعجين والفطاير ....في ركن المعجنات
وضعي الرابط هنا

بارك الله فيك

شكرا حبيبتى

كتبت بواسطة ام مهند2009

ماشالله عليكي ست بيت يخليلك مامتك صحه وعافيه

الف شكر لك نورتينى

**asmaabhr** · 02-09-2010, 05:48 PM

ايه الجمال ده؟؟؟

تسلم الايادى ياقمر

**♥أخت فى الله♥** · 02-09-2010, 06:14 PM

تسلم الايادى ياقمر

**ღ شهرزاد ღ** · 02-09-2010, 07:10 PM

تسلم الايادي
عجبني برشااا اللحم بعجين او فطائر اللحمه وان شاء توا نطبقها
لكن للاسف مافهمتش مليح طريقة الجلاش واحب استفسر معنى الجلاش هل هي العجينة المورقه Pâte feuilletée؟ او شيء ثاني

**باربي فلسطين** · 02-09-2010, 10:11 PM

تسلم ايديكي سفرة حلوة كتير .......... والف صحة وهنا على قلبكم

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: عزومتى التانيه لمامتى بالصور طبعا

أدوات الموضوع

العرض