السلام عليكم ورحمة الله و بركاته

كل عام وانتو بخير بمناسبة قرب رمضان الكريم إن شاء الله ماييجي الا وكل احلامكم وامانيكم متحققة

هاليومين كنت بفكر وبقول

وبتزكر كل رمضان كنت اطبخ بعد صلاة العصر

واخلص عوقت الادان

بعدين بنفطر و ببلش جلي

بعدين بيجي العشا والتراويح

وطبعا خلال اليوم بكون في شغل للبيت

اول رمضان كنت متجوزة جديد كنت اتعب بس عادي

تاني رمضان كنت حامل وكنت تعبانة طبعا

تالت رمضان كان عندي ابني وبرضو حامل في اول شهرين

وشوفو عاد الوحام و التعب

وهالرمضان في ابني وبنتي وشغل البيت والطبخ والعبادة فوق كل شيء وكمان بعمل رياضة واكيد حتصير بعد الافطار والتراويح

فكرت وقلت انو عنجد لما اطبخ بعد العصر مابوصل الساعة 9 بعد نوم الاولاد الا وانا مهلوكة نعسانة ومسطولة

كل رمضان هيك ومابركز في الصلاة وحالة رغم اني مابطبخ اشي زيادة عادي طبخ كل يوم بس بضيف الشوربة

بس بحس كلو بيكون ورة بعض طبخ وجلي و شغل البيت و الصلاة باجلها بس صار عندي ولاد صرت أأجلها بعد النوم

بس بكون في عالم تاني

فكرت وقلت بلاش تسطيل هالسنة وتعب حقضي رمضان تعبانة خاصة اني ضغطي منخفض نوعا ما وعالسريع اي تعب بعملي هبوط

قلت

حصير اطبخ في الوقت المعتاد ... وقت الظهر

لو في جاج ينسلق اسلقه واعمل الشوربة و العصير و الرز مثلا

لو في صنية في الفرن احضرها

يعني تقريبا الاكل يكون مطهي بس ناقصه تسخين او تحمير او هيك والجلي يكون مخلص والبوتاجاز منظف والمطبخ مشطوف كمان

بحيث قبل العصر اخلص وانام شوي واريح واصحا مرتاحة شوي واكون فاضية اقرا قران او اعمل اي اشي

وقبل الافطار بفترة وجيزة اعمل السلطة واجهز السفرة و خلللللللص

بعد الافطار مايبقا غير كم صحن للجلي

وينامو الاولاد بسلام واصلي انا والعب رياضة واقعد مرتاحة

مش هيك احسن بالنسبة للطبخ

لانو قرفت كل رمضان قبل الافطار يكون وقت حلو للدعاء والتامل والعبادة

الاقي حالي في المطبخ لاخر لحظة وعلى شوو؟؟؟


حبيت اسالكو كيف نظامكو؟وهل الاكل بتغير طعمه بكم ساعة ولا عادي؟؟؟

اعطوني رايكو وشو بتعملو بالنسبة للطبخ

اكيد ماحفرز اشي في الفريزر يمكن سمبوسك يممممكن

لانو الفريزر تبعي صغير يادوب يكفي الموجود للاسف

وكل سنة بعمل كبة وبتفشل خليني ساكتة هالسنة احسن مع اني بتبع الخطوات والمقادير صح بس يمكن عشان بعملها عالفوود بروسيسر العادي مابتزبط ماعندي ماكينة لحمة المخرمة

ههههههه قال كبة قال

غير انو احنا عيلة صغيرة في الغربة ومافي لاعزايم ولا غيرو وانا وجوزي بناكل اي اشي يعني بنحب الاكل اللذيذ بس عادي مش مهتمين باصناف الطعام ومركزين عليه

وابني بياكل معنا

وبنتي لسة بترضع

وسامحوني حكتلكو قصة حيياتي

بس موضوع الطبخ في رمضان فكرت فيه و حبيت اغير نظام كل سنة

واشوف انتو شو بتعملو كمان ... بالمناسبة انا اليوم صايمة ورايحة اطبق هادا النظام حطبخ من هلأ واريح راسي

وكل عام وانتو بخير


صحيح رمضان امتا بيجي؟؟؟اي تاريخ من شهر 8 ؟؟؟؟

حابة اسالكووو الي كانت بترضع واجا رمضان وكان ابنها لسة تحت سن الطعام

كنتو تفطرو ولا شو؟؟؟

لانو بيجي رمضان وعمر بنتي 3 شهور و خايفة مااقدر اصوم كتير ايام

حتى لو ماصمت حتبع نفس النظام وكاني صايمة عشان مااتعب حالي





سامحوني للاطالة

رمضان كريم يا سوسو

ومتوقع باذن الله يوم 11/8

لسه بدري ع الطبيخ

بس كرمالك راح اجاوب

بأبدأ بعد صلاة العصر مباشرة

علشان اطباقي بسيطة وعلى أدي
بس الحلويات قبل ما اطلع دوامي
يعني ع بكير

وعليكم السلام

عزيزتي انا ابدأ في التحضير حال رجوعي من الدوام
واخلص مع الافطار يعني وقتي كله في المطبخ

نظامك اللي راح تتبعيه جيد

حصير اطبخ في الوقت المعتاد ... وقت الظهر

والاكل لا يتغير طعمه بعد التحضير بكم ساعة
احفظيه في الثلاجة وسخنيه قبل التقديم

اعتقد عدم نجاح الكبة عندك احتمال اللحم المستخدم مع البرغل دهين
وتاكدي من المزج الجيد للحم والبرغل حتى لو كان في الفود بروسيسر

رمضان كريم

واللة انا رمضان هدا ولد وبنت وزوجى عمل وقت طويل يعنى كل شى على راسى اللة يستر المهم الصلاة خايفة مااتوفق

كل عام وانتم بخير
ويهل علينا بالخي روالبركه




الله اعلم لسه ما فكرنا لان المغرب متاخر 9 ونصف

والله انا رمضان هذا هتكون ولادتي ومش عارفة الوضع هيكون ازاي
بس انا رمضان اللي فات اول رمضان لي وانا متزوجة كنت اطبخ بكير يعني عالظهر واخلي كل شي جاهز الا اذا فيه شي لازم يتطبخ وقتي

بالتوفيق اختى انشاء الله
انا بطبخ بعد صلاه العصر
ولو فى شئ بيتحضر بحضره بكير
وكل عام والامه الاسلاميه بخير

شكرا لكم اخواتي
جزاكم الله خير
انا المشكلة انو بعد العصر الواحد يكون بدا يخلص طاقته وفي اخر الصيام و هبوط وتعب وقلة سكر وطاقة
واحنا بندخل المطبخ ولاخر لحظة فيه تعبببببببببببببب
وبعدين وراها جلي وترتيب فبحس انو تعب ورة تعب وبنهلك الواحد
اليوم كنت صايمة
وحضرت الاكل وعملت الرز وحضرت صنية الدجاج بالبطاطا وغلفتها وحطيتها في التلاجة
وخلص تركت المطبخ نظيف وطلعت وقبل المغرب حطيت الصنية وبعد الادان جهزت وسكبت الرز

وماحسيت بالتعب ابداااا إن شاءالله اتبع هادا النظام في رمضان بكل تاكيد
كل عام وانتو بخير

يا اهلين بسوسو
فكرتك كتير منيحة مش غلط برضو
وانا كمان متل وعود ببلش بس اصلي العصر بركب اللحمة طبعا عندي طنجرة ضغط يعني ساعة الا تلت بتكون اللحمة مستوية
وبنقع الرز وطول مانا بطبخ بجلي يعني لما ناكل ونخلص ما بجلي الا صحون الفطور وبس
بالنسبة للحلو بساويه بعد العشا
اما لو اشياء باردة بساويها من الصبح وبحطها بالتلاجة
ازا قطايف بحشيه بدري وبغطيه بكيس وبحطو بالتلاجة وبعد العشا بقليه وخلص
انا على فكرة ما بعمل فتوش عالفطور ليش لانه ازا اكلوه اولادي ما باكلو اشي غيره
فبخليه برضه على العشا بساويه بكيفو عليه

المحاشي الضحاوية بحشيها وبحضرها وقبل الادان بساعة بحطها على النار
احكيلك شغلة بدي اسطلهم سطل بالمحاشي برمضان هاد هههههههههه
اسهل علي وكمان اولادي بحبوه كتير
ازا مقوبة بقلي الخضار بكير وبنقع الرز وعند العصر بسلق اللحمة وبطبقها وخلص
الطبيخ مافي اسهل منه برأيي بس جوزي ما بحب البايت كل يوم طبخة جديده
وكل سنة وانتي سالمة يارب