بسم الله الرحمن الرحيم
اليوم رح نفوت يمين على اجنحة الدجاج باكليل الجبل او الروز ماري او حصا البان
تعددت الاسماء والشيء واحد
الساعة 10 بالليل
بعد ما نامو الشعب اللي عندي رتبت الدار وجليت الجليات
قلت يا بنت احسني التبعل واعملي شي طبخة لمعزوزك الكبير ومعزوزك الصغير
عبد الله خليه يشبع بالحليبات
وفعلا هيك صار
قلينا بصلة
وبس احمرت اشوية
ضفنالها الاجنحة المغسولة وقليناها اشويتين تلاتة مع البصلة
وم ثم حبة بطاطا وحدة مش كتير عشان البطاطا بس هيك رفعة عتب لحتى بس نلاقي شي نغمسه
وبعدين نيجي للبهارات
ملح وفلفل وبهار واكليل الجبل يا اما اخضر تفرمي او ناشف تفركيه
بس لا نكتر يادوب معلقة صغيرة لانه بيعطي طعم كتير وممكن يغلب على الطبخة اذا كترنا منه وكمان بهار الجاج الاحمر
وبس نقليها اشوية بالبهارات نضيفلها المية السخنة
ونضغطها 10 دقايق على ناااااااااااااااااار هادية
وبعدين نشيلها عن النار ونسكبها بالصينية والشوربة الزيادة شيليها على شقة ..انا طبعا شربتها ما وفرتهاش على
قولة معزوزي حتى الشوربة ما بتوفريها وبتشربيها
وانت شو اكووووووووووووووووووووووو يا ربي ما اشرب الشوربة ولا آكل الطبخة كلها
اخخخخخخخخخخخخخ منه بحب يناكش فيني الله يرضى عليه
المهم نسكب الاجنحة مع كل تحابيشها بصينية البيركس ونشويها بالفرن وصحتين وهنا
بس انا مستنيتش عليها
هههههههههههه واكلتها بلا شوي
شو بدنا نعمل الجوع كافر
وريته صحة وهنا ومطرح ما يسري يمري
لكم تحياتي واحتراماتي
الماسة
ام سوسو ولولو
والتالت اللي اجى على الطريق
عبد الله
* وصفة متميزة*ثاني طبخة من طبخات المرضعات اجنحة الدجاج باكليل الجبل
رد مع الاستدلال
كتبت بواسطة *عاشقة الاقصى*
الروابط المفضلة