السلام عليكم ورحمة الله تعالى وبركاته

بسم الله الرحمن الرحيم

كيفكن يا قمرات ويا عسولات

شو أخباركن

الدنيا مثل ما شايفين شوب والحرارة ما عم تنزل عن الـ 47

والواحدة منا ما مستحملة الشوب لحتى توقف بالمطبخ كتير

فبصراحة بالنسبة لي بصير بختار الأكلات الخفيفة واللي بتبرد على القلب

واللي بنفس الوقت ما بيكون بدها شغل كتير ووقفة بالمطبخ كتير

وكمان هالأكلات صحية وتنويعة عن الأكل التقليدي

واليوم اخترت لكم أكلة كتير طيبة وكتير سهلة وكتير مغذية

بتذكر لما كنت ساكنة بالسعودية بمنطقة اسمها محايل عسير

ما شاء الله المنطقة هنيك أمطارها لا يمكن تصورها

فمشان هيك بتكون التربة ريانة وفيها مزروعات

وبجانب البيت اللي كنا فيه كان فيه حقل صغير يزرع فيه صاحبه اللوبية

فكان زوجي يشتري منه اللوبية وأعملها بنفس اليوم وتطلع طعمتها

روعة لأنها طازجة

وابني كان ولا زال يحبها كتير حتى أنه كان يناديها ابية لما كان صغير

بصراحة بتذكر اللوبية اللي كانوا يعملوها أهلي بالشام قصيرة بطول الفاصولياء الخضراء

تقريباً أما الآن من السعودية للامارات ما عم شوف غير لوبية طويلة ما شاء الله كل واحدة

صاحبة قد مياس غير شكل

وإليكم حبيباتي لمحة صغيرة عن فائدة اللوبية:

تتميز اللوبيا بأن لديها الفاعلية الأعلى ضد الأكسدة

بين الحبوب الأخرى. كما تحتوي حبوب اللوبيا على

ألياف غير قابلة للذوبان، لذلك فهي تمنع الإمساك،

كما تمنع الإصابة باضطرابات الهضم. ومن ناحية

أخرى، تقوم اللوبيا بالسيطرة على مستويات السكر

في الدم. ولتناول اللوبيا دور في الوقاية من أمراض

القلب. ويرجع ذلك لغناها بالألياف إضافة إلى

احتوائها على كميات كبيرة من حمض الفوليك

والماغنسيوم. كما تحتوي اللوبيا على مركبات

البوليفينول التي تمنع تأكسد الكوليسترول عن

طريق الشوارد الحرة. ويفضل تناول اللوبيا مع

الحبوب الكاملة، مثل الأرز البني، حتى تمد الجسم

ببروتين خالي من الدهون عالي الجودة. كما أن

تناول اللوبيا يزيد مخزون الجسم من الحديد،

وبالتالي فهي تزيد نشاط الجسم وتمده بالطاقة.

اللوبية

المقادير:

1 كيلو لوبية خضراء (يقطع الرأسين فيها وتغسل وتصفى ثم تقطع)

5 حبات بندورة (توضع في ماء مغلي ثم تقشر ثم تقطع)

رأس ثوم مقشر ومهروس

ملح

زيت نباتي

الطريقة:

يوضع الزيت النباتي مع الملح في وعاء الطبخ على النار

ويوضع فوقهم الثوم المهروس

يقلى الثوم قليلاً وقبل أن يحمر نضع معه نصف كأس ماء

ثم اللوبية المقطعة

نضع غطاء وعاء الطبخ وننتظر حتى يغلي الماء

ثم نضع النار متوسطة ونقلب كل خمس دقائق

وقبل أن تستوي بقليل نضع البندورة المقشرة والمقطعة

يستدل على استوائها بتذوقها

تقدم مع اللبن الزبادي والفليفلة الخضراء

وتؤكل بالخبز

وصحتين وعافية

مع دعائي لكن بالخير أخواتي

أختكم

أم محمد خير وبشرى الخير

الله الله على البامية

ذكرتيني بايام زمان


من يوم ما تزوجت طبختها مرتين

وصرت اكره اكلها الا لو عند اهلي


ببلد زوجي بعتبروها فطور وبيطبخوها بطريقة مختلفة ومع بيض


خلوني اكرهها



وصفتك حلوة وسهلة

فتحتي نفسي اعملهااااااااااااااا


تسلم الايادي

يسلمو دياتك يا رب والف صحه حبيبتي بمةت عليه مع قرن فلفل حراق هههههههه يم يمي

يسلمو ايديك ام محمد وصحتين وعافية يارب

ام محمد تسلم دياتك

على علمي بسوريا بتقولوا عليها فاصولية خضرا.. نحن بلبنان منقول لوبية

بس هاي الطويلة الهندية يلي هون بالسوق ولا مرة استرجيت وجربتها

ومن دياتك روعة
تسلم دياتك حبيبتي

يسلمو ايديك ام محمد وصحتين وعافية يارب

والله ياام محمد مواضيعك حلوة ومشوقة كثير وكأنك بتحكي قصة ...بعد مااخلص القراءة ارجع افتح

موضوعك واقرا من جديد...ربنا يحميك ياغالية

ماشاء الله انا كمان بموت فيها كتير واحنا فى مصر بنقولها فصوليا خضراء زى السوريين
وبموت فيها على عكس زوجى فلما اعملها اكلها لوحدى ونفسى اعملها واكلها مع مجموعه
فااكلتها هنا معاكم زى ما انتم عارفين اللمه تاكل بالهنـــــــــــــا والشفــــــــــــــــــــــا

يسلموا ايديكي
صحتين وهنا

يسلمو الايادى
رووووعه
وصحه وهناء يارب