السلام عليكم ورحمة الله تعالى وبركاته

كيفكن حبيباتي

استغربتوا الموضوع ما هيك

لأنو بالشام ما في أكلة اسمها المنسف

فمن المعروف بأنه المنسف مشهورين فيه أكثر شيء

أهل الأردن بارك الله بهم

وطبعاً منسفهم لا يعلى عليه

بتذكر آخر مرة جلست على منسف عند زميلة لي أردنية بالسعودية

كان بدي ونش يحركني قبل ما خلص لهم المنسف

من كثرة ما كان طيب ولذيذ الله يذكرها بالخير

وبصراحة اللي أطلق هالتسمية على طبقي بهالموضوع هو زوجي

فلما حطيت الصينية اللي عليها الطبخة قال لي شو هيدا منسف

فضحكني وخطر ببالي أسميه مثل ما قال عنه ههههههههه

مع أنه اسم هالطبخة وبكل بساطة هو الأوزي

فعنا بالشام بيعملوها بالصواني وبالحبات المفردة

كما سبق وقدمتها لكن حبيباتي على هذا الرابط:

الأوزي........ أكلة شامية أصيلة مفتخرة وبالصور خطوة خطوة.. أكل الشام ولا بلاش

وكان هيك شكلها

وهالمرة ساويتها بدون صرر يعني بالصينية

حتفكروا من شكل الصورة أنه هالطبخة صعبة

بس لمعلوماتكم هالطبخة ما في أسهل منها

وشغلها ما في أسهل منه وما في ألذ منه

بسم الله نبدأ:

ثلاث كاسات رز مصري منقوع ومغسول جيداً

كيس بازلاء 200 غ

لحمة ناعمة حوالي 300 غ بدهنة أو بدون دهنة حسب الرغبة

بعد أن نحمس اللحمة جيداً مع الملح والبهارات وقليل من الزيت النباتي

وعندما تستوي نضع فوقها الرز ونطبخه ولكل كاسة رز كاسة وثلاثة أرباع ماء

نغطي وعاء الطبخ بعد غليان الماء ونخفض النار حتى يستوي الرز

نكون قد وضعنا البازلاء في وعاء آخر مع ماء وملح ونسلقها حتى تستوي

وعندما تستوي نصفيها ونضعها في ماء مثلج حتى تحتفظ بلونها الأخضر

عندما تبدأ تنشف مياه الرز نضع فوقها البازلاء المصفاة

وعندما تستوي الطبخة نطفئ النار ونخلط الأرز مع البازلاء بعناية

الآن المرحلة اللذيذة بالشغل هي اللعب بقصد العمل برقائق عجينة الجلاش

وهي ما يسموها أيضاً عجينة الفايلو

كل ما تحتاجين له الآن هو بايركس زجاج أو حتى يمكنك استعمال صينية تيفال غير لاصقة

فيه ملاحظة صغيرة وهي أنني سأكتب لكن لاحقاً بأنني أدهن الزيت بواسطة الفرشاة

يمكنكن الاستعاضة عن الزيت بالسمنة أو حتى بالزبدة وذلك حسب الرغبة

ابدأي بأن تدهني بالزيت بواسطة الفرشاة البايركس أو صينية التيفال

حتى حوافها الجانبية

ثم بفرد أوراق الفايلو مع ترك ثلثها لخارج الصينية

البايركس اللي عملت فيه الأوزي احتاج مني لحوالي سبعة رقاقات جلاش

ندهن بالزيت بواسطة الفرشاة مجدداً أوراق الجلاش وهي مفرودة يكفي دهن القسم اللي داخل البايركس

نصب طبخة الرز بالبازلاء بعناية ونسويها تماماً يعني كلها على مستوى واحد

الآن لك الخيار بأن تضعي حبات اللوز والفستق والصنوبر والكاجو المحمصة بالزيت

مع الرز بالبازلاء قبل أن تغلفيها

أو أن تحتفظي بها للزينة بالخارج

ويمكنك وضع نصفها في الداخل ونصفها الثاني بالخارج

المهم الآن هو لملمة أوراق الجلاش الخارجة عن القانون

بقصد الخارجة عن البايركس ونبدأ بلملمتها بهدوء وعناية حتى ما تتكسر

وتتمزق ونفردها بلطف فوق الرز بالبازلاء هكذا حتى تغطي كل الوجه بها

ثم ابدأي من جديد بمسحها بالزيت بواسطة الفرشاة

ضعيها بالفرن من تحت بالأول

لأجل ذلك أنا بحب حطها بالبايركس حتى شوفها إذا تحمرت من الأسفل أم لا

على كل حال يلزمها حوالي عشر دقائق من تحت بس على الهادي

يعني ما يكون الفرن قوي جداً من تحت وكل واحدة بتعرف بفرنها

ثم من فوق حتى تتحمر كمان

حاولي تقلبيها قبل أن تبرد على صينية أكبر

وانتبهي ما تحرقي يديك

بعد أن تقلبيها زينيها بالفستق واللوز والصنوبر والكاجو المحمص بالزيت

وصحة وعافية

وطبعاً هالأكلة رفيقتها وقت أكلها الخيار باللبن

وهيدي وصفته على هالرابط

ღ♥ღღ♥ღسلطة الخيار باللبن والبندورة .... من مطبخ عاشقة الحلويات صديقة معظم طبخاتيღ

الله يعطيكي العافية وتسلم ايديكي

جميلة جدا تسلم ايديك وصحتين وعافية على قلبك

وعليكم السلام ورحمة الله وبركاته

ما شاء الله شكلها بيشهي

عاشت الايادي

وجزاك الله خيرا

تسلم الايادى الحلوه

ما شاء الله
يسلمو ايديكي يا غالية
والله شكلها بيفتح النفس

يسلمو ايديك مبين انها طيبة
صحتين وعافية يارب

ماشاء الله
روعة
يسلمو ايديك

تسلم الايادي يا ام


محمد روعه

تسلم ليدك
ساعات بقول لنفسى ان اسم منسف ممكن يكون سبب التسمية
انه من جمال طعمه
يتم نسف الطبق
ههههه

الفين صحة و هنا