بسم الله الرحمن الرحيم
السلام عليكم ورحمة الله تعالى وبركاته
كيفكن حبيباتي
القول المشهور اللي بيقول المجدرة أكلة مقدرة
صادق مية بالمية
هالأكلة أحلى ما فيها أنها بتتاكل كمان باردة ثاني يوم
وهي من أكلاتي المفضلة
هيدي كانت من أكل أهلنا زمان قبل اكتشاف الرز
فكان من السهل تموين العدس والبرغل على طول أيام السنة
وعملها سهل جداً وبعدها يأتي الطعم الشهي
وهالأكلة اشتهرت في بعض البلدان باسم المدردرة
مرة لما كان زوجي صغير بالصف الأول على ما أعتقد طلبت منه أمه أن يطبخ لها مجدرة لأنها كانت منشغلة
فقالت له: حط العدس وحط العدس
قالت له من بعيد : حط البرغل فحط البرغل
وبالاخر طلعت الطبخة بتطعمي عشرين شخص على الأقل
الله يهديه زوجي طلع حاطط الله أعلم كم كاسة برغل
يمكن فوق العشر كاسات ههههههههههه
كل المقادير المطلوبة هي:
كاستين عدس أسود منقوع لمدة أربع ساعات تقريباً
كاسة برغل خشن يغسل عدة مرات حتى يتم التخلص من القشور
250 غ لحمة ناعمة بدهنة أو بدون حسب الرغبة
7 حبات بصل متوسطة ويمكن زيادتها حسب الرغبة
الطريقة:
نقوم بوضع العدس في ماء حوالي أربع كاسات ماء وملح حوالي ملعقة طعام كبيرة
ونضعهم على النار وقبل استواء العدس بقليل نصفي البرغل ونضعه فوق العدس
ونجعل النار ضعيفة تحت وعاء الطبخ يعني مثل طبخ الأرز تماماً
لو وجدت بأن العدس لم يستوي والماء نشف بإمكانك زيادة الماء ولكن بمقدار
حتى تجدي العدس والبرغل استووا مع بعض
في وعاء طبخ آخر نحمس اللحمة مع القليل من السمنة أو الزيت النباتي حسب الرغبة
وعندما تستوي اللحمة نضعها فوق البرغل والعدس ونقلبها بحذر معهم
وبقيت آخر خطوة وهي أن نقطع البصل بشكل شرحات طويلة بعد قسمها نصفين
ونضع زيت حوالي نصف كاسة زيت في وعاء على النار
نضع البصل معها ونقلبهم حتى يكرملوا
أي يصبح لونهم مائل للبني
احذري لازم التقليب المستمر للبصل
وهذه الصور توضح لكن كيف نستعمل البصل على الوجه
ولو فيه لحمة ناعمة محمسة كمان ما في مانع وضعها على الوجه كزينة
وطبعاً هالأكلة رفيقتها وقت أكلها الخيار باللبن
✿✿✿ *وصفه مبتكره*المجدرة أكلة مقدرة....سهلة ولذيذة من مطبخ عاشقة الحلويات ✿✿✿
رد مع الاستدلال
الروابط المفضلة