انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
عرض النتائج 1 الى 3 من 3

الموضوع: شيشبرك لعيونكم؟؟؟؟

  1. #1
    تاريخ التسجيل
    May 2010
    الردود
    8
    الجنس
    رجل

    شيشبرك لعيونكم؟؟؟؟

    الشيشبرك اكلة ممكن كتير تضيف لها او تنقص بحسب ذوق الشخص وما يحب

    مقادير العجينة:
    2-كأس طحين منخول .
    ملعقة صغيرة ملح
    ملقعة كبيرة زيت مازولا


    نخلط الطحين والملح والزيت منيح بعدين نضيف الماء شوي شوي ونعجن اتصير العجينة طرية وما بتلزق باليد

    ونتركها شي نصف ساعة ترتاح اذا شوب او ساعة بالبرد مع تغطيتها بمنشفة مبلولة شوي


    مقادير الحشو :

    نصف كيلو لحمة مطحونة

    كمشة بقدونس مفرومة صغير كتير (في ناس ما بيحطوها )

    بصلة كبيرة مفرومة ناعم كتير كمان

    ملح ،فلفل، بهار

    نقلي البصلة بزيت مازولا لحد ما تدبل موتنحرق او يتغير اللون

    نضيف اللحمة والملح والبهار ونقليها منيح منيح

    اخر شي نضيف البقدونس ونقليها شوي بس

    ونترك اللحمة لتبرد ونحاول نشفها من الزيت لانه ما بيخلي العجينة تسكر اذا كان كتير


    الطريقه بالصور:

    نرق العجينة منيح بالشوبك او بألة العجين متل الصورة





    نقطع العجينة او بكاسةمدورة بس صغيرة او بألة التقطيع وكل ما كانت الدائرة اصغر اطيب واحلى ومنظرها حلو اكتر

    وهي صورة مع مراحل عمل الشيشبرك بالتدريج بجانبها



    وهي اوضح




    بعد ما نقطع العجينة بشكل دائري ناخد كل دائرة ونضع بداخلها نصف ملعقة صغيرة من الحشو ونسكرها على بعض بشكل هلال




    بعدين ناخد طرفين الهلال ونلزقهم ببعض متل الصورة




    قطعة قطعة ليخلصوا الكل




    اذا بتحبوا تفرزوا ضعوا الصحن في البراد متل ما هو ولما يجمد العجين نضعهم بكيس نايلون حتى ما ياخد حجم


    طبخ اللبن :

    افضل طريقة للبن يلي ساكن بالسعودية وبيطلع متل لبن الشام

    3 علب لبن زبادي نادك وبعده ندى يلي حجم العلبة 400غرام مو اللبن السائل لالاالجامد

    اعلبة من اللبن بس فيها ماء فقط

    3 ملاعق كورن فلاور كبار بس ممسوحين

    ملعقة صغيرة ملح وبعدين ممكن نزيد الملح حسب الذوق

    نضربهم بالخلاط او اذا في الخلاط يلي بينزل بالطنجرة احسن نضعهم بالطنجرة ونخلطهم منيح منيح

    ونضعهن على نار متوسطة موعالية حتى ما يلزق اللبن ومنضل عم نحرك ونحرك ونحرك ليغلي اللبن

    نسقط الشيشبرك بهدوء ونتركه على نار هادية شي عشر دقايق بيكفي لانه العجينة رقيقة وصغيرة

    وفي هذه الاثناء انا بحب اللبن مع الكزبرة والثوم في ناس بتحبه سادة في مع الطرخون او النعنع اليابس

    نحط ملعقة كبيرة سمنة ونضع نصف جرزة كزبرة مفرومة منيح منقليها بالكزبرة وسنين ثوم صغار مدقوقين

    نقليهم منيح ونضعهم فوق اللبن قبل ما نطفي بدقيقتين والف صحة

    واتفضلوا




    بتمنى يعجبكم واشوف ردودكم ................... وصحه وهنا على قلوبكم

  2. #2
    تاريخ التسجيل
    Apr 2010
    الموقع
    عــــــالكرةالأرضيةــــــلى
    الردود
    2,242
    الجنس
    امرأة
    التدوينات
    1
    التكريم
    (أوسمة)


    تسلم ايدك داده لهذا الصحن



  3. #3
    تاريخ التسجيل
    May 2010
    الردود
    108
    الجنس
    أنثى
    يسلم ايدينك اختي

    ع الوصفه الرائعه ..........

    جزاك الله كل خير

    اختك ...سلام

مواضيع مشابهه

  1. * وصفة مصوره *الكل معزوم عندي على اكلة شيشبرك من مطبخي اللبناني
    بواسطة لبنانية بجدة في المعجنات والسندويشات والفطائر والخبز
    الردود: 6
    اخر موضوع: 18-12-2010, 03:26 PM
  2. الردود: 17
    اخر موضوع: 25-11-2008, 08:03 PM
  3. شيشبرك
    بواسطة أم مهدي في الأطباق الرئيسة
    الردود: 9
    اخر موضوع: 25-09-2007, 03:03 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ