تويت
*وصفه مبتكره*مفاجأة فراخ محشية بالبرغل و بالصور كمان
بصوا بقى يا حبايبى أنا جا يبه لكم النهاردة طريقة جديدة لحشو الفراخ يا رب تعجبكم
انا بجيب الفرخة أنضفها كويس قوى و بعدين أجيب كل التوابل اللى عندى ،ملح و فلفل و كمون و فلفل أحمر حلوو فلفل أحمر شطة و كركم و قرفة وأى توابل تانيه تحبيها ممكن حبهان مطحون و أحط كل التوابل دى مع بصلة فى الخلاط وبعدين أتبل الفراخ بالخلطة دى من جوه و من بره و تحت الجلد و أسيبها ساعتين تلاتة كل لما تستنى بيكون أحسن طبعا
. بعدين أجيب حلة أحط فيها بصلة مبشوره و توابل و المفاجأةبقى برغل و شوية زيت علشان يبقى مفرفر و على النار أشوح كل ده و بعدين أحط عليهم شوية مياه بس يدوب ما تغطيهوش بالمايه علشان ما يعجنشو نسيبها أول لما تغلى نطفى النارما هى المايه هتكون يدوب زى ما قلنا. و بعدين نسيبه يبرد و تكون الفرخة إتبلت كويس.
أجيب بقى الفرخة و أحشيها من جوه و تحت الجلد بالبرغل بس ما تكتريش علشان ما تتفتحش منك. و تحطى الفرخة فى أى طاجن للفرن
. بعدين أجيب حلة أحط فيها بصلة مبشوره و توابل و المفاجأةبقى برغل و شوية زيت علشان يبقى مفرفر و على النار أشوح كل ده و بعدين أحط عليهم شوية مياه بس يدوب ما تغطيهوش بالمايه علشان ما يعجنشو نسيبها أول لما تغلى نطفى النارما هى المايه هتكون يدوب زى ما قلنا. و بعدين نسيبه يبرد و تكون الفرخة إتبلت كويس.
أجيب بقى الفرخة و أحشيها من جوه و تحت الجلد بالبرغل بس ما تكتريش علشان ما تتفتحش منك. و تحطى الفرخة فى أى طاجن للفرن
وبعدين تشغلى الفرن فى الأول على 250 لحد ما الفرن يسخن و تحسى إن الفرخة بدأت تنزل مايتها بعدين توطى الفرن على 200 لحد ما تستوى خااااالص و بس خلاص ده شكلها بعد ما خرجت من الفرن
و إعملى جنبها سلطة خضرا وسلطة طحينة وبالهنا و الشفا على قلوبكم. جربوها و إدعو لى و لأسرتى.
تعليق