*وصفات مصورة*"جمبرى مشوى بطريقتين, مع رز أصفر بالجمبرى"
....
بسم الله الرحمن الرحيم
النهاردة جبتلكوا معايا
"جمبرى مشوى بطريقتين, مع رز أصفر بالجمبرى"
إن شاء الله يعجبكوا
جمبرى مشوى فى السيخ
المقادير والطريقة
جمبرى مغسول ومفتوح ومنظف ظهره ومقشر ونسيب الرأس والذيل
التتبيلة ( ثوم مفروم , عصير ليمون, زيت زيتون,فليفلة خضراء, م ك صلصة طماطم,
م ك صويا صوص)
التوابل ( ملح, فلفل , شطة, قليل من الكمون)
نتبلة ونضعه بالأسياخ
نشويه على الجريل أو طاسة تيفال على البوتاجاز من فوق
بيأخذ على كل وجه دقيقة واحدة
يقدم مع رز أصفر
بالهنا والشفا
جمبرى مشوى فى الفرن
المقادير والطريقة
جمبرى مغسول ومفتوح ومنظف ظهره ونسيبه بقشرة
التتبيلة ( بصل , طماطم ,عصير ليمون, م ك صويا صوص) نفرمهم فى الكبة
التوابل ( ملح, فلفل , شطة, قليل من الكمون)
نتبلة ونضع معه فليفلة خضراء
نضع فى الصينية شرائح بصل وفلفل وطماطم
نضع عليهم الجمبرى بالتتبيلة وندخلهم الفرن حوالى ربع ساعة على 180 درجة مؤية
يقدم بالهنا والشفا
الجمبرى على وجه الأرز
المكونات والطريقة
جمبرى مغسول ومنظف الظهر ومنزوع القشرة مقطع صغير
نضع على النار ( زيت زيتون , فصين ثوم مفرومين ,
بصلة صغيرةمفرية, طماطماية صغيرة مفرية,
فليفلة خضراء مقطعة, م ك صلصة طماطم)
التوابل ( ملح , فلفل, شطة, قليل من الكمون)
نتركهم يتسبكوا ونضع الجمبرى ونقلب حتى يتغير لون الجمبرى دلالة على النضج
يوضع على وجه الأرز
يقدم بالهنا والشفا
الأرز الأصفر
المقادير والطريقة
نغسل الأرز ونشوحه كويس فى سمن أو زيت كويس
نضع عليه ماء ساخن على حسب نوع الأرز
نملحه ونضيف م ص كركم و1/4 م ص قرفة ونقلب
لما المياه تغلى نوطى النار ونغطية لحين يستوى
بعد الإستواء دخنته بفحم وقلبت معاه شبت مفروم
وقدمته مع الجمبرى بالهنا والشفا
أتمنى أن تنال وصفاتى إعجابكم
.......
تعليق