كيفك حبيبتي ومشكورة على موضوعك
بالنسبة للكيك
انا باضيف معلقة مربى على عجينة الكيك
وبتفضل طرية مثل الفل تاني يوم
وعلشان ريحة البيض ما تطلع ضيفي
ربع معلق قهوة ما بتظهر اي ريحة

بالنسبة لقلي البطاطا علشان يطلع مقرمش
انقعية في ماء مغلي لمدة ربع ساعة

المعجنات علشان تطلع طرية اعجنيها وخليها
طرية وارجعي اعجنيها كل ربع ساعة تاني
لغاية ما يكون وقت استعمالها

لطبخ الدجاج اضيفي اليه كل التوابل وافضلي قلبيهم
لمدة ربع ساعة على نار عالية بدون زيت
ثم بعد ذلك اجعلي النار متوسطة وغطيها لمدة 10 دقائق
ثم ضيفي الماء الساخن وخلال نصف ساعة كلي الذ طعم للدجاج

بالنسبة للرز علشان يطلع مفلفل
انقعيه بماء ساخن وخل وملح قبل الاستعمال
بربع ساعة
هذا وان شاء الله اكون قدرت افيدكم

اول شي يسلمو على الموضوع الحلو وانشالله الجميع يستفيدو ويفيدو

انا عندي شغلة لما بدي اعمل اي نوع رز بجهزو الصبح كامل وبحطو على النار لحد ما تغلى المي وبتركه شوي لحد ما يصير يعمل فقاعات فراغات على شكل دوائر بيكون مستوى المي قل وبعدين بطفي عليه وبلفو في كيس عملتو للطنجر على قدها من بشكير قديم وبتركو وبرجع منن الشغل بلاقيه مية بالمية وكانو هلأ معمول وسخن بس بشكل بتحملوه الاولاد

لانهم بيدخلو البيت حبايبي بس بيحكو شو في اكل

مشكورة يا قمر

اضافات رائعة للموضوع اقتبستها لكن

المقلوبة ........... بهارات المقلوبة بتكون في مرقة سلق اللحمة او الدجاج وهية كل البهارات الموجودة عندك فلفل اسود قرفة بهار ورق غار هيل حب بردوقش ممكن كمان ملح و بصل اكيد و مسمار او قرنفل والاهممممم الكركم الي بعطي المقلوبة اللون الاصفر انا بضيفو بعد سلق الدجاج قبل اضافته للرز وممكن مع السلق مش فارقة


الملوخية ........... الكزبرة الناشفة بهار خاص للملوخية او تتميز به الملوخية
بتضيفي منو لمرقة الحم او الدجاج الي بتكوني سالقاه بالبهارات السابقة برضو
ولكن لما تطبخي في الملوخية بتضيفي كزبرةناشفة
والتقلية بتدقي توم وملح وبتقليه في مقلاية فيها زيت شوية واول متبدا ريحتو تطلع قبل ميتحمر عشان مايمرر طعمه بتضيفي كمان كزبرة ناشفة وبتطشيها في الملوخية وماتخلي التوم ينحرق او يتحمر كتير يادوب يشقر والا بعمل طعم مر ومش حلو ابدا

الباميا........... برضو الكزبرة في المرقة والتقلية تنعمل كالتالي بتدقي فلفل وتوم وريحان طازة وعالنار مع زيت شوي تشويح سريع وبتحطي بعدين الكزبرة الناشفة عليهم وعالبامية عطول


المحاشي........... بالنسبة الي خلطة المحاشي مافيها شي زيادة كل البهارات كمون وفلفل و بهار وملح وقرفة
وعالملفوف كتري كمان الكمون عشان النفخة
والملفوف كمان عالوش قبل متطفي عليه بخمس دق بتدقي توم وكمون وشطة خفيف شوي بودرة يعني وبتعصري عليهم لمون وبتحطيهم عوش الملفوف وسكري عليه وبعد 5 دق قدميه

السلطات........... السلطات عالم واسع ولكن التتبيلة التقليدية للسلطة الخضرة العادية جدا هية زيت زيتون و ليمون و ملح وخل
وممكن تحطي سماق و كمون شوي

اما الفتوش نفس الشي ولكن بتدقي توم وبتحطي عليه

وطبعا في سلطات منوعة وكتيرة وكل سلطة الها تتبيلتها الخاصة ولكن حسب نوعها
زي سيزر سالاد تتبيلتها مختلفة تماما عن السلطة العادية

فهاي بدك تشوفي كل سلطة وتكتبي طريقتها وتتبيعيها

اما السلطة العادية فقلتها الك

وسلطة الدقة الي هية تدقي بصل مع فلفل حراق وعين جرادة ناشف
وتحطي البندورة و تدقيهم شوي
وبالاخر زيت زيتون عالوش
وممكن بدل البصل توم وممكن تتركي الجرادة

المهم هاي كمان سلطة الدقة الفلسطينية التقليدية


الفاصولياء البيضا والخضرا ........... الفاصوليا البيضة عادي مافي شي مميز ولكن ممكن ترشي زنجبيل بودرة حلو عالطبخات الي زي هيك
وكتري كمون برضو عشان النفخة

اما الخضرة فممكن تعملي دقة عبارة عن توم وملح و شوية نعناع اخضر او ناشف تدقيهم بالمدقة والهاون
وتحطيها عالطبيخ بالاخر خالص بدون قلي انتبهي



الصواني ( دجاج او لحمة )........... حسب نوع الصينية
بصلصة او طحينة
بهاراتهم عادية بتحطي بهار جاج او لحم و كمون وفلفل اسود و بتحطي الصلصة بالماء وعليها البهارات وبتضيفي

او الطحينة

انا بحكي عن صنية البطاطا بالجاج او اللحمة

ازا قصدك اشي تاني احكي


السمك ...........
تتبيلة السمك التقليدية

بعد تنظيف السمك
كمون وملح وليمون وفلفل اسود وممكن كزبرة ناشفة
ينحطو عالسمك وتنقعيهم قبل بليلة بعدين تقليهم تغمسيهم بالطحين او البقصماط وتقلي

ولو شوي ممكن تحشي السمكة بدقة
توم وفلفل حراق و ملح وكمون و كزبرة ناشفة او خضرة

وتحشي السمكة وممكن هاي الحشوة للقلي كمان

هاي التقليدية وفي اكيد خلطات مبتكرة اخرى