اللى عايزة كفتة مثل الحاتى بالضبط تيجى فورا
والله يا حلوات الطريقة دى روعة روعة وجربوها على مسئوليتى مش هطول عليكو
المقادير
كيلو لحم مفروم -- 1\8 كيلو لية مفرومة او اقل شوية
2 بصلةوسط مبشورة -- نصف ملعقة ثوم مفروم
بقدونس و كسبرة خضراء وتقطع
ملح - فلفل - كمون - كسبرة ناشفة - حبهان قليل اوى -- بهارات حسب الطلب
بقسماط ناعم
ا رغيف فينو (صامولى) للاخوات اللى ما يعرفو كلمة فينو
الطريقة
يبلل رغيف العيش تحت الحنفية لمدة 5 ثوانى ويعصر جيد جدا
يضاف كل الخليط على بعضه مع العيش الفينو ويعجن باليد جيد جدا حتى تتجانس كل المكونات وملحوظه هامة البقسماط يضاف تدريجيا وتعجنى تانى حتى تجدى العجينة معقولة بعد ما تحصلى على عجينة متجانسة ابدئى فى عمل الاصابع على سيخ على فكرة انا ما عنديش سيخ باعمل الصوابع على عصا رفيعة او قلم وتغسليه كويس توضع الاصابع فى صينيه ويكون فيها شوية زيت ثم توضع بالفرن فى الرف اللى فوق الارضى وليس الارضى عشان ما تتحرقش
وبعد شوية تفتحى الفرن وتقلبيى الصوابع على الوجه الاخر وتتركيها حتى تمام السواء
اختيارى : لو عايزة تضيفى رائحة الفحم احضرى قطعة فحم صغيرة وضعيها على النار حتى تحمر ثم ضعيها فى الصينية وضعى عليها قطعة سمن وغطى الصينية بسرعة والله هتعجبكم جدااا كل اللى ياكل منها عندى يفتكر انها مشوية عند الحاتى

وبالف هنا وشفا
لا تنسونى بالدعاء وارجو الرد

ملحوظة والله غير منقول دى طريقة والدتى ربنا يعطيها العافية

تسلمى ياقمر
ربنا يخليلك الوالدة ويعطيها العافية

تسلمي عزيزتي على الوصفة الطيبة والشرح الحلو
ما أنصحك تعملي الصوابع على القلم لاسباب صحية
والافضل عند عدم توفر السيخ استخدمي ملعقة الطعام امسكي الملعقة وصبعي على اليد
يعطيك الف عافية

بارك الله فيكي غاليتي
وحفظ والدك

بارك الله فيك
وربي يخليلك الوالدة

حياكي الله يا حبيبتي نفسي اكل الباميه العراقيه

ربنا يخلي الوالدة

يسلموووووووووووو

شكرا ليك اختي شرحك واضح يعطيك العافية

رووووووووووعة جزاك الله خير وحفظ والدتك