السلام عليكم

اكلة حلوة اوى جربوها وقولوا لى

الارز البسمتى

هاتى الارز واغسليه كويس ..فى الحلة حطى شوية زيت زيتون وعليه بصلة كبيرة مخرطة رفيع وشوحيها وبعدين حطى جزر طرنشات وكرفس طرنشات وشوحى وحطى ملح وفلفل اسود وكركم او كارى وبهارات وكمون وزنجبيل وقرفة اعواد وقرنفل وورق لورى وروز مارى وشوحى كويس ثم ضعى الماء حوالى 3 كوب ماء وسبيهم يغلوا كويس
بعد الغليان هاتى الخليط ده وصفيه وخدى الماء المصفى حطيه فى حلة وضعى عليه الارز
ملحوظة ..الارز البسمتى بياخد ماء اكتر من الارز العادى
بعد ما ينشف الارز وطى النار وسبيه يستوى...

الفراخ المشوية
هاتى الفرخة واغسليها كويس وادعكيها من الداخل بالبصل والملح والفلفل وفى طبق اخر حطى بصلة مبشورة وعصير طماطماية وملعقتين زيت زيتون وملعقتين خل وعصير لمونة وبشر لمونة وملعقتين كاتشاب وملح وفلفل اسود وبهارات وكمون وزنجبيل وورق لورى ورز مارى وقلبى هذا الخليط ثم صبيه على الفرخة فى صينية فرن وادعكيها جيدا ثم ضعى فى الصينية كوب ماء وضعيها فى الفرن على 210

البطاطس المشوية
هاتى بطاطساية كبيرة واغسليها جيدا جدا ثم ضعى عليها ملح وفلفل وضعيها فى ورق فويل وضعيها فى ارضية الفرن
لما تتشوى خرجيها وقشرى طرف ورق الفويل وافتحى حتة صغيرة من البطاطساية وهى سخنة وحطى فيها قطعة زبدة هتسيح ويبقى طعمها جميل وشوية ملح وشوية فلفل

اكلة متكاملة تقدم مع سلطة خضراء

وبألف هنا
الصور قريبا ان شاء الله

تسلمى حبيبتى على وصفتك الحلوه واحنا مستنين الصور

تسلمي عزيزتي وصفه شهيه ورائعه

تسلم ايدك وصفة مميزة

شكرااا على الوصفة

تسلمي عزيزتي على الوصفة الطيبة
ننتظر الصور يا قمر

وصفـــــــــــــــــة رائعة

وياريت يالصور

يسلموا ايديكى

تسلم ايدك

كتبت بواسطة حبيبة قلب امها

تسلمى حبيبتى على وصفتك الحلوه واحنا مستنين الصور

قريبا يا قمراية المنتدى