طاجن البطاطس بالمشروم و الكريمة ::: عودة من اجلك يا حنونه :::
السلام عليكم و رحمة الله وبركاته
وحشتونى كتير والهى
الى حبيبات قلبى المشرفات الجميلات
الى كل العضوات
غبت عنكم كثيرا ولكن احاول التواصل معكم ولو بالإطلاع على ما هو جديد لديكم
تقريبا نسيت المطبخ ولكن فرصة اجازه العيد خلتنى اقول وداع للكسل ويلا اقوم على المطبخ
جايبه ايه معايا انهارده
طيق خفيف وسهل ومش مكلف ان شاء الله
طاجن البطاطس بالمشروم و الكريمه
صورة للتشويق
ملحوظه : لا تحتاج اى توابل او ماده دهنية
المقادير اولا:
نصف كيلو بطاطس شرائح مسلوقه .
كوب وربع ويبنج كريم للطبخ .
ثلثين كوب لبن .
ثلاثه ارباع كوب جبنه شيدر ومثله موزاريلا او جبنه رومى مبشور .
مشروم .
3 فصوص ثوم مفروم.
حزمه بقدونس كاملة مقطعه صغير.
نبدأ الطريقه ولا اسهل من كده
نحط التوم المفروم اسفل الصينية
وبعدين طبقه المشروم
وطبقه البقدونس بعدها .
وننزل اللبن و الويبنج كريم .
وطبقه البطاطس
وبعدين الجبنه الشيدر وبعدها الجبنه الموزاريلا او الرومى انا حطيت الجبنه الرومى.
وبعدين على الفرن لمده 20 دقيقة وتحت الشوايه عشان تحمر دقيقه واحده.
ونشوف النتيجه عن قرب
وقدمتها مع فراخ بانية وارز بالكارى والتوابل
يارب عيد سعيد على الجميع
ده كان والحمد لله افطارنا يوم صيام وقفه عرفات
اتمنى اكون عوضت غيبتى عليكم
وصحتين يارب
رد مع الاستدلال
كتبت بواسطة amal250
الروابط المفضلة