كيفكم يا حلوين اليوم جبت الكم وصفه دجاج الفقيه الطازج, لما كنا ساكنين بي مكه كنا كل اسبوع تقريبا نجيب منو وحتى هلا لما رجعنا على الاردن ما بننساه بالمره واولادي كتير بيبحبوه خصوصا بنتي الزغيره
فكرت ودورت ليش ما اعملو بالبيت انظف واسهل واوفر......انا عملت معها سلطه الطحينه والكبسه ورح اكتب كل شي ووطريقتو
وهاي المقادير:
-دجاجه فروج انا جبتهم 500 غرام
- للتتبيله(علبه لبن زبادي, طماطم صغيرة ,بصله صغيرة ,ملعقه ثوم مطحون )
- بهارات ( فلفل اسود + كمون+ قرفه مطحونه+ زنجبيل مطحون+ باربيكا(بودرة الفلفل الاحمر البارد ))
- ملح
- نص كوب عصير ليمون
- ملعقه خل ابيض
- ربع كوب زيت زيتون
مقادير الكبسه:
- 2 كوب رز بسمتي منقوع بماء دافئ لمده ربع ساعه
- 1 فلفل حار , 1 حبه بندوره وسط مفرومه ناعم, بصله كبيره مقطعه جوانح, واحد سن توم مهروس
- بهارات صحيحه( 2 حبه لومي , 4 حبات كبش قرنفل, 7 حبات هيل, 2 عود قرفه)
-بهارت الكبسه او بهارات مشكله , ملح , فلفل اسود
- مكعب ماجي, 2 ملعقه كبيره صلصه بندوره
- ملعقه زيت زيتون
مقادير صلصه الطحينه:
-ملعقتين طحينه
- بصله صغيرة
- نص كوب صغير ماء حار
- ملعقه خل ابيض
- ملح وفلفل اسود
- ملعقتين لبن زبادي
والان لطريقه العمل:::
نغسل الدجاجه وتقطع من الصدر فقط وتفرد مع تكسير العظام وعمل خطوط بالسكين,نضع مقادير التتبيله بالخلاط ونخلطها,ثم نضعها في صينيه ونضع الدجاجه فيها ونغطيها ونتركها من ساعتين الى 3 او اكثر حتى تتخلل التتبيله بالدجاج
بنحضر صينيه الشوي بنضع اسفلها ورق المنيوم حتى ما يتوسخ الفرن ونشغل الفرن من اعلى فقط ونضع الدجاج بالشبك تبع الشوي اللي بيتسكل ونضع الصنيه اسفل الفرن ونقلب من وقت للتاني حتى تستوي ويصير لونها دهبي محمر.
طريقه عمل الكبسه:
نضع ملعقه الزيت بالوعاء اللي حنطبخ فيه وبيكون حامي على النار شوي
بندبل البصل الجوانح والفلفل التوم مع بعض ما يدبلو كتير ونضيف عليهم البهارات الصحيحه والبندوره وصلصه الطماطم ومكعب الماجي ونضيف عليهم شويه مي ونخليهم شي دقيقتين ينطبخو سوا, بعد هيك بنضيف الرز ونحركهم سوا حتى تتداخل بالصلصه ونضيف عليها الماء حتى تغمرها بشي ربع اصبع, بنتركها تغلي على النار مده دقيقتين ونغطيها ونتركها على نار هاديه حتى تستوي
طريقه عمل صلصه الطحينه :
نضع ملعقتين من الطحينه + بصله صغيرة بخلاط البصل مع الماء الحار
ونخلطهم, ثم نضيف اللبن والخل والملح والفلفل الاسود,ونتركها حتى تتخمر يعني ممكن ساعه وتقدم مع الدجاج وهاي الصوره
[CENTER][
/CENTER]
ومتل ما حكتلكم انو هاد مو من اختراعي دورت على الوصفه وطبقتها ونقلتها الكم
للاسف ما صحلي اصور الخطوات لانو ما كان عندي حد يساعدني والشباب جوعانين ويلا ادعولنا ونشوف الردود واول طبق لللي يرد بالاول
*وصفه متميزه**بلاش المطــــــــــــــــــــــا لبيت اوفرــــــــاعم تعالو شوفوا...**
رد مع الاستدلال
الروابط المفضلة