اختى زينب
بارك الله فيكى على ردك و على نصايحك الغاليه
امبارح الجمعه كان عندى عزومه و كنت عامله بط محشى بالبصل دهنت عليه صوص الصويا بعد ما استوى و سبته شويه و بعدين دخلته تحت الشوايه كان اكثر من رائع و عجب حماتى جدااااااا و جوزى قالها اكلها بقى رائع بعد ما اشتركت فى المنتدى فشكرا ليكى اختى بيضتى وشى امام زوجى و اهله فعلا صوص الصويا دا اختراع مزهل لكى منى كل الحب و التحيه اختى زينب و يا رب تنزلى مصر و اعملك كل الاصناف اللى اتعلمتها منك 000 بارك الله فيك

اختى شروق
هو الاسم صح نوشى و هو طبعا اسم دلع
ان متشكره جدا على ردك و اهتمامك بس احنا فى مصر منعرفش قوى للاكل الصينى فانا معرفوش اصلا علشان اعرف حيعجبنى و الا لأ بس ممكن نجرب سوا لو عندك حاجه سهله و مكوناتها متوفره بالنسبه لى و بارك الله فيكى يا شروق و جزاكى كل الخير على المساعده

اختى الطاهيه و الله اسم على مسمى اكله جميله حاعملها و اقولك و بارك الله فيكى و ملرحبا بيكى فى منتدانا الرائعععععععععععععععععععع يا احسن طاهيه

يا نوشى ،، بالنسبة للصويا صوص ،، هو فعلا مش منتشر كثير في مصر وقليل من يستعمله ولكنه متوفر في الأسواق المصرية،، وكون حريصة فهناك تقليد،، المهم الصويا صوص عبارة عن مجموعة منتجات مصدرها الصويا ، مضاف اليه تشكيلة مطيبات كلها نباتات طبيعية ،، تترك لتتعتق لفترة طويلة حتى تكتسب هذا اللون والطعم القوي،، يستعمل الصويا صوص للتبيل وايضا يقدم كصلصة جانبية دون اضافة اي شيء اليه،، هناك الكثير من اطباق المطبخ الصيني والياباني يتم اعدادها بدون اضافة توابل او مطيبات وبالتالي يقدم بجانبها الصوص على حدة،، اذا بدك وصفة سريعة ،،،،، قولي لي.
مع تحياتي

اختى الطاهيه
متشكره جدا على ردك و توضيحك المفصل و بالنسبه للمطبخ الصينى لللاسف هو مش معروف عندنا فى مصر فمعرفش طعمه ايه بس ممكن اجرب لو عندك حاجه سهله قوليلى و بارك الله فيكى و فى اهل الكويت 0

بصي يا نوشي // حأكتب لك وصفة صيني بالمصري // اية رأيك؟

الحقيقة هذه وصفة سريعة ومختصرة عن المطبخ الصيني ، وتسمى النودلز.
2 - 3 ملعقة كبيرة زيت
1 بصلة متوسطة، شرائح رفيعة
3 فص ثوم، مهروس او شرائح
ملعقة صغيرة من الزنجبيل الطازج المفروم( او استعملي 2/1 ملعقة صغيرة بودرة )
1 حبة كبيرة فلفل اخضر رومي ، مقطع شرائح رقيقة
1 حبة كبيرة فلفل احمر رومي ، مقطع شرائح رقيقة ( ان وجد )
2 حبة متوسطة جزر، مقطعة مثل عيدان الكبريت
2/1 راس كرنب ، مقطع شرائح رقيقة
2/1 كوب صلصة صويا كيكو مان
رشة صغيرة فلفل ابيض
1 باكيت مكرونة صيني، تسمى نودلز، ممكن تستعملي السباجيتي الرفيع جدا بدلا منها.
الطريقة :
جهزي المقادير ، انا دائما استعمال مكيال الكوب والملعقة.
اسلقي المكرونة بالماء المضاف اليه قليل ملعقة صغيرة ملح و2 ملعقة كبيرة زيت. اتركيه جانبا.
سخني ملعقة كبيرة من الزيت في مقلاة واسعة ، استعملي نار قوية
اضيفي البصل الى ان يذبل، اضيفي الثوم والزنجبيل، قلبي الى ان يذبل، اخرجيه جانبا.
اضيفي ملعقة ثانية زيت وشوحي الفلفل، اخرجيه،
اضيفي بقية الزيت شوحي الكرنب والجزر، الى ان يذبل، اعيدي الفلفل والبصل الى المقلاة.
اضيفي صلصة الصويا، قلبي الى ان تتوزع جيدا.
اضيفي النودلز ( او السباغيتي ) قلبي الى ان تتوزع المكونات والخضراوات مع النودلز، قدميه ساخنا.
هذه وصفة مختصرة بالطبع هناك العديد من وصفات النودلز باستعمال اللحوم وخضراوات اخرى،، بس هاي سريعة وسهلة اوي ،، تحياتي

اختى الطاهيه تسلمى و الله على التعب و المجهود و فعلا تتلائم معانا وواضح انك ما شاء الله على درايه بالمطبخ االمصرى لانك كتبتى ما يتلائم معانا 0000000 تسلمى مره تانيه و جزاكى الله خير حاجرب و اقولك

Good Luck ya Noshe

السلام عليكم
شكرا لك اخت noshe على دعواتك ..ولك مثلها ..
وخلاص بفكر انزل مصر علشانك .

يا سلام يا اختى تعالى انتى بس و شوفى حاعملك ايه دى مصر كلها تنور بوجودك عللى فكره عملت الهمبورجر بصوص الصويا و دخلته الفرن و طلع رائع و جوزى بيقولى انتى بدعتى بصوص الصويا تسلمى يا زيزى على نصايحك الجميله "تسمحيلى ادلعك "