احلى فراخ مشويه على الفحم وفراخ بانيه ومايونيز كله من مطبخى

**doaa sarhan** · 25-09-2009, 11:04 PM

السلام عليكم ورحمة الله وبركاته
ازيكم يا بنات امبارح عملت عشاء جميل فعلا وحبيت انكم تشاركونى الطعم الجميل
عملت اولا فرخ مشويه على الفحم وفراخ بانيه وطحينه وسلطة الشواء التحفههههههههه
وكاتشب ومايونيز كله من عمايل ايدى وحبيت انكم تشوفوا الوصفات الحلوة دى
اولا الفراخ البانيه
احب ان تكون تتبيلة الفراخ كتيير بموت فى التتبيله المظبوطه صح انا طريقتى كالآتى بصل كتير وليمون وخل كتير وملح وفلفل وشطه كتيييير وسماق ورشة زيت ذرة وكله على بعض فى الكبه واضربهم واضعها على الفراخ واتركها تبات فى التتبيله التحفه دى والله ريحتها بتكون مشهيه جداااااا
وشكلها كالتالى

وهكذا

ثم ابدأ فى تحضير عدة التحمير وهى ايضا كالآتى دقيق ابيض - بيض ولبن - ( بقسماط مطحون - دقيق ابيض - دقيق ذرة -بهاراتك المفضله - شطه -فلفل اسود - نخلطهم كويس جدا )
ونبدأ بوضع الفراخ فى الدقيق الابيض ونقلبه كويس ثم البيض المضاف له لبن ثم الخلطة الاخيرة البقسماط بالقيق ونحمر فى زيت غزير سخن طبعا وندى شويه النار اثنا التحمير عشان ما تتحرقش
ويطلع لونها فاتح وجميل
وده شكلها

وده كمان

ودلوقتى نيجى للنوع التانى وهو الفراخ المشويه على الفحم وانا بعشقها انا وزوجى ودى اكله اسبوعيه بالنسبه لنا
بالنسبه للتبيله هى نفس التتبيله السابقه وبعد ان تتبل الفراخ جيدا
ملحوظه ( اثنا وضع التتبيل انزع الجلد برفق من على الفراخ وبسكينه مشرشرة حاميه اعمل خطوط تحت الجلد وذلك لكى تتشرب التتبيله جيدا ) مهم جدااااااااا
بعد كده على اضعها على شواية الفحم ونقلب كل شويه ومع الفراخ اضع على شبكة الشوى بصله مقشرة وفلفله خضراء منزوعة البذور وطماطمايه ونتركهم من اول عملية الشوى الى الانتهاء منه الى ان يذبلوا تماما
وده شكل الفراخ بعد الشوى

وده كمان شكلها

كده انتهينا من الفراخ البانيه والمشويه على الفحم بس لسه الاشياء اللى بتكون حول الفراخ والتى هى الاساس فى ان تصبح الوجبه اكثر من رائعه
اولا الطحينه
هاقوللكم على احلى طريقه ممكن تعملوها وهى كمان موفرة وسهله
طبعا احنا لما عملنا الفراخ البانيه والمشويه تبقى لنا فى الطبق باقى التتبيله
دى تاخديها كده وتاخدى منها شويه على اد ما انتى عايزة تعملى طبق الطحينه لكى انتى واسرتك وتضعى عليه معلقتين طحينه او طبعا حسب كمية التتبيله اللى اخذتيها وتضعي بق ميه عليها وفى الخلاط ضربه واحده وتحصلى على احلى طحينه

وبالنسبه للسلطة الرهييييييييييييييييييبه سلطة الشواء فهى اسهل ما يكون نضع فى الكبه نضع البصله والطماطم والفلفل الذى تم شوائه وعليهم ليمونه معصورة وملح وفلفل وشطه لو بتحبوها ونضرب وفعلا تذوقوا احلى طعم سلطه مشويه ممكن تذوقوها فعلا والله

وده شكل الطحينه وسلطة الشوااااء التحفهههه

ونأتى الآن للمايونيز وهو اسهل ما يكون وانا عن نفسى اعمله احلى من مايونيز هاينز وسهل جدا
وطريقته كالآتى
نضع فى شفشق الكبه بيضه ونضرب وكله والخلاط او الكبه شغال نضع من خلال فتحة الغطاء من اعلى نصف ليمونه ونصف ملعقه صغيرة ملح ونصف ملعقه صغيرة سكر وملعقه صغيرة خل والخلاط شغاااااااااااااااااااال

ويصبح شكلها هكذا

ثم نبدأ نصب زيت الذرة سرسووووووب رفييييع من اعلى الى ان يصبح قوام المايونيز كما نعرفه ثقيل وله ذلك القوام المميز

الى ان يصبح هكذا

وهذا شكله من اعلى من الداخل

ونضعه فى برطمان نظيف ويفضل الزجاج لانه انظف كثيرا وهكذا احلى وافضل من مايونيز هاينز بكثيييييييييير والله وجربى
وده شكله

ونيست اقوللكم على حاجه كمان لذيذه بعملها هى وضع عيش على شبكة الشوى فى اواخر الشوى ياخذ شكل وريحة الشوى والخطوط المميزة للشوى وفكرة لذيذه جدااااا وده شكل رغيف العيش

والف هنا وشفا لكل اللى تجرب اى وصفه من وصفاتى ويارب اكون قدرت اوصللكم المعلومه كويس
واخر حاجه احب اطلبها منكم هى امانه لكل من تقرا موضوعى بس تدعيلى دعوة بظهر الغيب وتدعى ربنا يفرج كرب زوجى آآآآآآآآآآآآآآآآآآآآمين يااااااااااااااااااارب
والسلام عليكم ورحمة الله و بركاته

**لالي لافندر** · 25-09-2009, 11:34 PM

تسلم الايادي على الوصفات الطيبة
ماشاء الله عليك ابدعتي
حاولي تصغير الصور حتى تكون اوضح
يعطيكي الف عافية

**amal250** · 26-09-2009, 12:27 AM

بسم الله ماشاءالله عليكى
وتسلمى على الوصفة الجميلة
والف هنا وعافية على قلوبكم يارب

**noorelhoda** · 26-09-2009, 12:38 AM

ماشاء الله وصفات تجنن تسلمى يارب من كل سوء

**doaa sarhan** · 26-09-2009, 02:33 AM

كتبت بواسطة amal250

بسم الله ماشاءالله عليكى
وتسلمى على الوصفة الجميلة
والف هنا وعافية على قلوبكم يارب

الله يخليكى يا حبيبتى تسلمى يارب ونورتى موضوعى

**doaa sarhan** · 26-09-2009, 02:36 AM

كتبت بواسطة لالي لافندر

تسلم الايادي على الوصفات الطيبة
ماشاء الله عليك ابدعتي
حاولي تصغير الصور حتى تكون اوضح
يعطيكي الف عافية

الله يسلمك يا حبيبتى يارب ونورتى موضوعى المتواضع بس والله انا مش عارفه اصغر الصور خالص وهاطلب من المشرفات

**ملكة بنقابي~** · 26-09-2009, 02:40 AM

**doaa sarhan** · 26-09-2009, 02:40 AM

لو سمحتوا مشرفاتنا الغاليين طلب ضرورى بس تصغير الصور لاننى لا اعرف كيف اصغرهم حتى يبان الموضوع كويس بشكل جيد ولكم منى كل الشكر

**doaa sarhan** · 26-09-2009, 02:42 AM

كتبت بواسطة ام لمى ولمار

جزاكى الله خير حبيبتى وربنا يفرج كربك وكرب زوجى وكرب كل مسلم امييين يارب العالمين

**--ايمي--** · 26-09-2009, 07:53 AM

تسلم ايدك ياغاليه على الاكلات الروعه دى وربنا يارب يفك كربكم وكرب كل مكروب من امة الاسلام بس ليا سؤال انتى بتاخدى الباقي من التتبيله للطحينه بعد ماتبلتي فيها الفراخ وتسلم ايدك عل السلطة المشوية بتبقا اكتر من رائعه واكله دى انا بموت فيه ودة ياعسل رابط هيخليكي استاذة فى تنزيل الصور وتصغيرها طريقة التصغير في الصفحة رقم 10 يارب يفيدك

كل ما تحتاجيه لكتابه موضوع و تنزيل الصور ( متجدد )