جميلات المنتدى عامه وركن الأطباق خاصه عاملين ايه فى الصيام؟؟؟؟؟؟؟؟؟؟
ربنا يتقبل منا جميعا ان شاء الله
اتأخرت عليكن فى تنزيل موضوعات مع ان جهازى مليان صور ووصفات وحاسه انه حينفجر
ححاول انزلهم ان شاء الله ربنا يبارك فى الوقت وانتوا عارفين رمضان بنكون مشغولين فيه قد ايه ندخل فى الموضوع

دى مشاركتى لخالتو تغريد ربنا يبارك لها عن اكلات رمضان الكريم

عملت يا غاليات شويه اكلات لعزومه لاشخاص خارج المنزل اتمنى تنال الأعجاب
اولا

البط المتبل بالبرتقال والمحمر بالزبده وعصير البرتقال

المقادير

انا عملت بطتين
2 بطه
حبه بصل كبيره مبشوره بالمبشره
نص كوب عصير برتقال
ملح فلفل

مقادير الحشو
2فنجان رز مصرى
2فنجان ماء
حزمه بقدونس
حبهان ورق لورى فلفل كمون ملح
الطريقه
يغسل البط جيدا بالخل والدقيق من الداخل والخارج

نقلب البصل بالملح والفلفل والبرتقال

ونتبل البط من الداخل والخارج

يترك ليله كامله فى التلاجه

تانى يوم نحضر الحشو

نضع البصل فى الزبده وفقط يدبل بدون ان يتحمر

نضيف فنجان الارز المصرى عالبصل ونقلب خمس دقائق ونضيف الماء والتوابل
ونقلب

نترك الرز يتشرب وينضج نصف نضوج فقط

نضيف حزمه البقدونس المقطعه

ونحشى البط ونغلقه

ويسلق فى ماء ومعه البصل والبهارات
ونخرجه من الشوربه ويترك يبرد تماما

نسيح الزبده عالنار ونضيف لها ربع كوب عصير برتقال ونتبل بالملح والفلفل
نمسح البط من الخارج بالزبده والبرتقال ويحمر تحت الشوايه حتى يأخذ لون دهبى رائع ويقدم

وانتظرونى فى وصفات اخرى للبط ححاول انزلها قريبا ياغاليات

نأتى للصوانى عملت كوسه بالبشاميل ومكرونه بالبشاميل

نبدأ بتجهيز البشاميل اولا وبعدها نحضر الصوانى

البشاميل

انا بحب اعمله خفيف المكونات ثقيل القوام
لانى بفضله كده
بضع عالنار 2 ملعقه زبده ومعهم 4 معالق دقيق كبيره
ولا انتظر لتحمير الدقيق فى الزبده

اضيف لتر اللبن
طبعا انا مضاعفه المقدار ثلاث الاضعاف لان عملت صوانى كتير

وباستخدام المضرب اليدوى افضل اقلب الخليط جيدا جدا حتى لا تتكون تكتلات والافضل تكون يدى عالخليط ولا اتركه واستمر فى التقليب

ولو لاقدر الله حصل وتواجدت تكتلات ضعى الخليط فى الخلاط واضربى واعيديه للحله مره اخرى حتى تتفكك التكتلات

المهم
فى هذا الوقت واثناء التقليب بضيف الملح والفلفل اتركه يعمل فقاقيع وده معناه انه استوى
اتركه جانبا حتى اجهز الاكلات

الكوسه بالبشاميل

1 كيلو كوسه
لحم مفروم معصج
ملح فلفل واى بهارات مفضله

طريقتى فى عملها تختلف عن البعض لكن بالنسبه لى دى افضل طريقه لعمل صينيه الكوسه

نجهز الكوسه

اضعها هكذا فى طاسه عالنار واستمر فى تقليبها الى ان ينزل ماؤها

اضيف التوابل واقلب

بضيف المفروم المعصج مسبقا
واقلب الخليط

اضيف ملعقتان من البشاميل المجهز مسبقا واقلب

اضع الخليط فى صينيه واضيف كوب ونصف من البشاميل اللى حضرته واوزعه على وجه الصينيه وادخلها الفرن نصف ساعه تقريبا واحمر وجهها وده شكلها

اتمنى تعجبكن

نأتى للمكرونه طبعا سهله وبسيطه

نزلتها قبل كده فى احدى موضوعات

مكرونه بالبشاميل

طبعا نسلق المكرونه ونضع عليها مقدار من البشاميل ونقلب

ندهن الصينيه بشاميل من كل الجوانب

نضع جزء من المكرونه وفوقها المفروم المعصج

نضع الباقى ونضيف البشاميل عالوجه وندخلها الفرن

ونختبر النضج زى الكيكه بواسطه سكين او خله ويحمر الوجه

وعملت مجموعه محاشى ان شاء الله انزل طريقتها قريبا

انتهت اطباقى اتمنى تنال الاعجاب وكل عام وانتن بالف خير

تسلم ايدك اختي نور على هذه الروائع ما شاء الله عليكي

رائعة كل اطباقك الله يعطيك الصحة
عجاتني الكوسة وطريقة طبخها ساهلة احاول اجربها اليوم ان شاء الله
اتمنى لك رمضان كريم ولكل الاخوات في هذا المنتدى الجميل

الله يعطيكى الف عافية يارب
وتسلمى على الوصفات الجميلة
وتسلم الايادى الجميلة
والف هنا وعافية على قلوبكم يارب

الله الله على جمالكم يا بطتين
تسلم الأيادى يا ام نور
على الحاجات الحلوة
وكل سنة وانتم طيبين

يا لهوي بالي مع هالصيام يا ام نور فتحت منافسي الله يرضى عليكي ويسعدك ويخليلك العسل نور وكل حبايبك يا رب
الله يسلم دياتك حبيبتي وعيونك ويخليكي وتعيشي وضلي تعملي عزايم لرمضان
بارك الله بك وكل عام وانت بالف خير يا رب
الف الف شكر لمشاركتك المميزه والرائعه كعادتك يا قمر

لا لا لا ارحمينا
ما شاء الله ما شاء الله ما شاء الله ما شاء الله
شو هيداااا
والله شي بشهي على بالي اطير لعندك
و اكلهم كلهم
بجد روعة اللهم صل عالنبي
مشكورة و يعطيكي الف عافية

ماشاء الله روعه يا ام نو ربنا يديكى الصحه

ابدعت غاليتي سلمت اناملك

والله يعطيكي الف عافيه