وصفه متميزهتشيكن ناجيتس المحببة للاطفال ,,,,,,, لاول مرة من مطبخ ام هيا

**ام هيا وحارث** · 28-06-2009, 05:41 AM

السلام عليكم ورحمة الله
ازيكن يا عساسيل المنتدي
وحشتوووووووووني جدا يا رب تكونوا جميعا بخير
هاقدم لكن اليوم ناجيتس الدجاج المحببة للاطفال
وطبعا اي حاجة معمولة في البيت اضمن وصحية اكتر
وكمان تنفع للرجيم
دي كانت اول مرة اعملها وطلعت احلي واروع من الجاهز او اللي في المطاعم
مقرمشة من برة وطرية من الداخل وبها عصارة لذيذذذذذذذذذة
المقادير
2صدور دجاج مخلي 400 جم
م ص من البصل والتوم البودرة لم تتوفر عندي
لكن لم تفرق في الطعم
نص م ص ملح وفلفل اسود
قليل من البابريكا
نص م ص زعتر ناشف (ضروري)مفروك باليد
وهو اللي اعطاها الطعم المميز
للتغطية :دقيق ولبن وبقسماط
الطريقة
تفرم الصدور في مجهز الطعام ليس فرما ناعما
لغاية ما نسيج الدجاج يتداخل في بعضه ومايكونش في كتل ونضيف التوابل والملح والفلفل
نشكلها علي هيئة اقراص
وندخلها الفريزر لمدة ربع ساعة حتي تتماسك اثناء التغطية وما تلزقش في اليد
نضع كل من اللبن والدقيق والبقسماط في اطباق
ونغطي قرص الناجيتس بالدقيق ثم اللبن نم الدقيق مرة اخري ثم اللبن مرة اخري ثم البقسماط
ونضغط عليها كويس ونضعها تلت ساعة في التلاجة
انا وجدت ان هذه الطريقة تجعل التغطية متماسكة مع اللحم وبتبقي مقرمشة اكتر
ممكن نسويها في الفرن
لكن انا قليتها في زيت خفيف جدا علي نار متوسطة
ممكن نعملها سندويتشات مدهونة بالمايونيز والخس او تقدم مع الكاتشب
اولادي حبوها جداااااا خاصة ان نسيج صدور الدجاج صعبة في المضغ عليهم
لكن الطريقة دي سهلة ومغرية بالنسبة لهم
اتمني تعجبكوا
اترككن في رعاية الله

**حبيبة قلب امها** · 28-06-2009, 05:47 AM

طب والهى انا سهرانه انا واولادى الطبق ده جه فى وقته انا وهما نتسلى شويه
تسلم ايدك ياقمر فعلا شكله لذيذ جدا
واحسن 100 مره من بره طبعا

**ام هيا وحارث** · 28-06-2009, 05:53 AM

كتبت بواسطة حبيبة قلب امها

طب والهى انا سهرانه انا واولادى الطبق ده جه فى وقته انا وهما نتسلى شويه
تسلم ايدك ياقمر فعلا شكله لذيذ جدا
واحسن 100 مره من بره طبعا

تستاهليه يا قمر انتي والكتاكيت اولادك بالف هنا وعافية عليكم
وربنا يبارك لك فيهم وتشوفيهم ناجحين دايما
نورني وجودك واسعدني مرورك وردك الحلو

**--ايمي--** · 28-06-2009, 06:50 AM

تسلم ايدك وطبعا اي حاجه ف البيت احسن من برة كفايه انتى ضامنه حاطه ايه فيها وربنا يارب يقومك بالسلامه ويرزقك طفل سليم معافي ليس فى خلقه زياده ولا نقصان يارب

**noran_87** · 28-06-2009, 07:09 AM

ماشاء الله فعلا رائع حبيبتي تسلمي يارب
واضمن بكتير من بره
ربنا يخليلك الاولاد

**noorelhoda** · 28-06-2009, 08:37 AM

ماشاء الله علبكى حببتى
شبجنن من ابدك انا بعمله لبنوتى بس بقطعه بقطاعات مختلفه الاشكال علشان توافق تاكله
اصلها للاسف مغلبانى جدا
تسلمى حببتى ربنا بحفظ اولاد المسلمبن اجمعبن

**رندوش** · 28-06-2009, 09:23 AM

تسلمي عزيزتي وصفه شهيه
مشكوره ونورتي ننتظر وصفاتك

**تغريد2007** · 28-06-2009, 09:57 AM

ما شاء الله يسلمو يا ام هيا روعه حبيبتي الف صحه على قلب الاطفال يا رب

**soso22** · 28-06-2009, 10:24 AM

ماشاء الله تبارك الله رووووووووووعه الله يعطيك العافية

**amal250** · 28-06-2009, 10:31 AM

بسم الله ماشاءالله عليكى
وتسلم الايادى الجميلة
والف هنا وعافية على قلوبكم يارب
وربنا يتمم حكلك على خير
ويرزقك الذرية الصالحة دنيا والاخرة
امين يارب العالمين