تعليم طريقه سلخ الفراخ من مطبخ نور الهدى مع أروع صينيه بطاطس ورز بالخضار بالصور

**noorelhoda** · 15-05-2009, 02:30 PM

حبيباتى عضوات ومشرفات كيفكن جميعا؟
أتمنى لكن دوام الصحه والعافيه
قبل ان أبدأ بطرح موضوعى حبيت اطمنكن على زوج أختنا

أم أحمد 2007

فقد غادر زوجها المستشفى وهو الأن فى منزله يتلقى العلاج
دعواتكن له بأن يتم الله عليه بالشفاء التام
اللهم امين

أخواتى اليوم معى وصفه سهله وبسيطه وهى

صينيه البطاطس بالفراخ

طبعا وصفه سهله وبسيطه بس حبيت أضيف على موضوعى طريقه سلخ الدجاج للأخوات اللى مش بيعرفوا الطريقه خاصه المبتدئات

بسم الله نبدأ

بالنسبه للدجاج أول حاجه نعملها نقلب الدجاجه بهذا الشكل ونشق الجلد من الخلف هكذا ونشده بأبدنا مع استخدام السكين

هكذا حتى النهايه

ثم نبدأ بخلع الجلد عنها وكأننا نخلع عنها الفستان

وهكذا حتى النهابه ونقلبها على وجهها سنجد الجلد يخلع ويسلخ بمنتهى السهوله ان شاء الله

ومن عند عظمه الصدر والجناح نعمل شق بسيط بالسكين ونسلخ الجلد بشده بأيدينا هكذا

وهنا الفرخه جاهزه للتقطيع بعد السلخ

ونبدأ فى تقطيعها وده اختيارى انا بحب القطع صغيره لو حاكل انا وزوجى وبنتى فقط
وأليكن الصور وبها شرح

وطبعا تغسل بملح وتنقع فى خل ودقيق الى ان نجهز صينيه البطاطس

والكميه على حسب عدد افراد أسرتك

بطاطس
بصل طماطم
زنجبيل
ثوم
توابل (ملح فلفل كمون سماق حبهان مطحون واى اضافه تفضليها

يقطع البصل جوانح

والطماطم والبطاطس

نتبل البطاطس بالبصل والطماطم والتوم والزنجبيل والبهارات ونتركها جانبا ربع ساعه

وبعدها نأخذ نصف الخليط ونفرشه فى صينيه وفوقه الفراخ
ونرش عالفراخ فلفل وسماق

ونضع باقى البطاطس

لو تلاحظوا أخواتى لم استخدم صلصه او اى سمن او زيت
ارش نصف كوب ماء فقط فى الصينيه
وبغطيها وندخلها الفرن حوالى 40 دقيقه هى الأن فى الفرن نبدأ فى تجهيز الأرز

كان عندى بواقى رز ابيض ولحمه مفرومه معصجه جاهزه

وبشويه زيت ذره شوحت جزر وكابوتشى(كرنب صينى) وبسله عالنار وتركتهم تلت ساعه مع التقليب

وبعدها أضفت اللحمه المعصجه

وزودت توابل من عندى وقلبت الخليط ده مع بواقى الرز وقدمته مع صينيه البطاطس وده الشكل النهائى للرز والبطاطس

أتمنى أن ينال موضوعى رضاكن ولا تنسونى بالدعاء
بأن يرزقنى الله وأبنتى حفظ كتابه الكريم
اللهم أمين

**omroro-4** · 15-05-2009, 02:39 PM

ما شاء الله رااااااااااااائع تسلم ايديك

الله يتتم لزوج ام احمد الشفاء يارب وحمد لله على سلامته

**تغريد2007** · 15-05-2009, 02:44 PM

اول شيء شكرا لك طمنتينا على ام احمد وزوجها
تاني شيء شكرا لك لتعليمك سلخ الدجاج مع اني حزنت على الدجاجه هههههه هسا بورجيكي صورتها
ثالث شي يسلمو دياتك على الطبق يلي بشهىىىىىىىىىىىىى
الله يسعدك ويخليلك حبايبك يا رب
وهي الدجاجه يلي حزنت عليها انا

**ام الريمان** · 15-05-2009, 03:09 PM

ماشاء الله تبارك الرحمن

سلمت يداكى أم نور.

رزقك الله وذريتك حفظ كتابه الكريم انه ولى ذلك والقادر عليه.

واسال الله ان يتم شفاء زوج الاخت ام احمد وسائر مرضى المسلمين.